• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Satyendu Shekher Mishra

ପୁଣି ଚର୍ଚ୍ଚାକୁ ଫେରିଲା ହାଇକୋର୍ଟ ସ୍ଥାୟୀ ବେଂଚ ପ୍ରସଙ୍ଗ । ଏଥର କିନ୍ତୁ ବେଂଚ ପ୍ରତିଷ୍ଠା କରିବାକୁ ଦାବି ନୁହେଁ ବରଂ ନକରିବାକୁ ଜୋର ଧରିଛି ଦାବି । ପଶ୍ଚିମ ଓ ଦକ୍ଷିଣ ଓଡ଼ିଶାରେ ହାଇକୋର୍ଟ ବେଂଚ ପ୍ରତିଷ୍ଠା ପାଇଁ ଯେଉଁ ଦାବି ହୋଇଆସୁଛି ତାକୁ ବିରୋଧ କରିଛି ହାଇକୋର୍ଟ ବାର୍ ଆସୋସିଏସନ୍ । ଏନେଇ ସଂଘ ପକ୍ଷରୁ ଏକ ପ୍ରସ୍ତାବ ପାରିତ ହୋଇଛି, ଯେଉଁଥିରେ ବେଂଚ ପ୍ରତିଷ୍ଠା ପାଇଁ ସ୍ୱୀକୃତି ନଦେବାକୁ ହାଇକୋର୍ଟ ମୁଖ୍ୟ ବିଚାରପତିଙ୍କୁ ବାର୍ ପକ୍ଷରୁ ଅନୁରୋଧ କରାଯିବା ନେଇ ନିଷ୍ପତ୍ତି ହୋଇଛି ।

ଏଥିଲାଗି ଏକ ଆକ୍ସନ କମିଟି ଗଠନ ହେବ । ସଂଘର ଯୁକ୍ତି ହେଲା, ହାଇକୋର୍ଟଠାରୁ ୬୦୦ କିଲୋମିଟର ଭିତରେ କୌଣସି ସ୍ଥାୟୀ ବେଂଚ ହୋଇପାରିବ ନାହିଁ ବୋଲି ସୁପ୍ରିମକୋର୍ଟ କହିଥିଲେ । ତେଣୁ ଏହାର ଆବଶ୍ୟକତା ନାହିଁ । ଏବେ ଅନେକ ମାମାଲାର ଶୁଣାଣି ଭର୍ଚୁଆଲ୍ ମୋଡ୍‌ରେ ହେଉଛି, ଅନ୍ଲାଇନ୍‌ରେ ବି ଅନେକ କାମ ହେଉଛି । ତେଣୁ ବେଂଚ ପ୍ରତିଷ୍ଠା ହେଲେ ବ୍ୟୟବହୁଳ ହେବ ବୋଲି ସଂଘ ଯୁକ୍ତି ରଖିଛି ।

ତାଛଡ଼ା ବିଭିନ୍ନ ସ୍ଥାନରେ ତଳ କୋର୍ଟ ଖୋଲିବା ଲାଗି ସରକାର ନିଷ୍ପତ୍ତି ନେଉଛନ୍ତି । ଏପରି ହେଲେ ଲୋକଙ୍କୁ ଡୋର୍ ଷ୍ଟେପ୍‌ରେ ନ୍ୟାୟ ମିଳିପାରିବ । ତେବେ ହାଇକୋର୍ଟ ବାରର ଏଭଳି ଆଭିମୁଖ୍ୟକୁ ବିରୋଧ କରିଛି ପଶ୍ଚିମ ଓଡିଶା କେନ୍ଦ୍ରୀୟ କ୍ରିୟାନୁଷ୍ଠାନ କମିଟି । ପୂର୍ବରୁ ବିରୋଧ କରୁନଥିଲେ, ଏବେ କାହିଁକି ବିରୋଧ ବୋଲି କମିଟି ପ୍ରଶ୍ନ କରିଛି । ବ୍ରହ୍ମପୁର ଓକିଲ ସଂଘ ମଧ୍ୟ ଏଭଳି ନିଷ୍ପତ୍ତିକୁ ନାପସନ୍ଦ କରିଛି । 

ହାଇକୋର୍ଟ ନୂଆ ବେଂଚ ପ୍ରତିଷ୍ଠା ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କେନ୍ଦ୍ର ଆଇନ ମନ୍ତ୍ରୀ କରିଣ ରିଜିଜୁଙ୍କୁ ଏପ୍ରିଲ୍ ମାସରେ ଚିଠି ଲେଖିବା ପରେ ବେଂଚ ପ୍ରତିଷ୍ଠା ଆଶା ସଂଚାର ହୋଇଥିଲା । ହେଲେ ହୋଇକାର୍ଟ ବାର୍ ଆସୋସିଏସନ୍‌ର ନିଷ୍ପତ୍ତି ଏହାକୁ ଏକ ପ୍ରକାର ଧକ୍କା ଦେଇଛି । ସେପଟେ ପ୍ରସଙ୍ଗକୁ ନେଇ ତେଜିଛି ରାଜନୀତି । ହାଇକୋର୍ଟ ସ୍ଥାୟୀ ବେଂଚ ସ୍ଥାପନ ପ୍ରସଙ୍ଗ ବେଶ୍ କିଛି ଦିନ ହେଲା ଏକ ପ୍ରକାର ଶୁପ୍ତ ଅବସ୍ଥାରେ ରହିଥିଲା । ହେଲେ ହାଇକୋର୍ଟ ବାରର ବିରୋଧ ଆଭିମୁଖ୍ୟ ପରେ ବିବାଦ ତେଜିବ ବୋଲି ଆଶଙ୍କା କରାଯାଉଛି ।