LIVE TV
ମେଡିକାଲରେ ମୃତ ଶିଶୁ ଘରେ ହୋଇଗଲା ଜୀବିତ । ଶୁଣିବାକୁ ଆଶ୍ଚର୍ଯ୍ୟ ଲାଗୁଥିଲେ ବି ବିଲକୁଲ ସତ ଘଟଣା । ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟରୁ ଏମିତି କିଛି ଅଭିଯୋଗ ଆସିଛି । ଗତକାଲି ସକାଳେ ଢେଙ୍କାନାଳ ସହର ଖମାର ସାହିର କୁନା ପ୍ରଧାନଙ୍କ ସ୍ତ୍ରୀ ହସ୍ପିଟାଲରେ ଏକ ଶିଶୁ ପୁତ୍ରକୁ ଜନ୍ମ ଦେଇଥିଲେ । ସମୟ ପୂର୍ବରୁ ପିଲାଟି ଜନ୍ମ ହୋଇଥିବାରୁ ପ୍ରସୃତି ଗୁରୁତର ହୋଇ ପଡ଼ିଥିଲେ ।
ଅନ୍ୟପଟେ ପିଲାଟିର ମୃତ୍ୟୁ ହୋଇଥିବା କହିବା ସହ ମାଆର ଅଧିକ ଚିକିତ୍ସା ପାଇଁ କଟକକୁ ରେଫର୍ କରାଯାଇଥିଲା । ଗୁରୁତର ଅବସ୍ଥାରେ ଶିଶୁର ମା' କଟକ ସ୍ଥାନାନ୍ତର ହୋଇଥିବା ବେଳେ ଶିଶୁଟିକୁ ପରିବାର ଲୋକେ ଘରକୁ ନେଇଯାଇଥିଲେ। ହେଲେ ପ୍ରାୟ ୫ଘଣ୍ଟା ପରେ ଶିଶୁଟି ବଞ୍ଚିଥିବାର ଜାଣିବା ପରେ ତାକୁ ପୁଣି ଢେଙ୍କାନାଳ ହସ୍ପିଟାଲକୁ ଆଣିଥିଲେ ପରିବାର ଲୋକେ । ତା’ପରେ ନବଜାତକକୁ ସ୍ୱତନ୍ତ୍ର ନବଜାତ ଯତ୍ନ ବିଭାଗ ବା SNCU ରେ ଭର୍ତ୍ତି କରାଯାଇଥିଲା ।
Also Read
#ମେଡିକାଲରେ_ମୃତ_ଶିଶୁ_ଘରେ_ହୋଇଗଲା_ଜୀବିତ
— ଓଟିଭି (@otvkhabar) May 1, 2023
ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟରୁ ଆସିଲା ଅଭିଯୋଗ । ନବଜାତ ଶିଶୁକୁ ଡାକ୍ତର ମୃତ ଘୋଷଣା କରିଥିବା ଅଭିଯୋଗ । ନବଜାତକୁ ଘରକୁ ନେଇ ଯିବା ପରେ ବଞ୍ଚିଥିବା ଜଣାପଡିଲା । #Dhenkanal #OTV pic.twitter.com/pjvM9noGhp
ଶିଶୁଟି ବଞ୍ଚିଥିବା ବେଳେ ଡାକ୍ତର କିଭଳି ତା'କୁ ମୃତ ଘୋଷଣା କଲେ ସେ ନେଇ ପରିବାର ଲୋକେ ଅଭିଯୋଗ କରିଛନ୍ତି। ସେପଟେ ଏହି ଅଭିଯୋଗକୁ ଖଣ୍ଡନ କରିଛନ୍ତି ମେଡିକାଲ କର୍ତ୍ତୃପକ୍ଷ । ଦାୟିତ୍ୱରେ ଥିବା ଡାକ୍ତର କହିଛନ୍ତି, ଶିଶୁର ମୃତ୍ୟୁ ନେଇ ପରିବାର ଲୋକଙ୍କୁ କୌଣସି ଖବର ଦିଆଯାଇନି । ଶିଶୁ ଗୁରୁତର ଥିଲା ଏବଂ SNCUକୁ ସ୍ଥାନାନ୍ତର କରାଯାଇଥିଲା । କିନ୍ତୁ ବିନା କୌଣସି ଖବର ଦେଇ ଶିଶୁକୁ ପରିବାରଲୋକେ ନେଇ ପଲାଇଥିବା ପାଲଟା ଅଭିଯୋଗ କରିଛନ୍ତି ଡାକ୍ତର ।
- Reported by:
- RAJASHREE SATAPATHY
