LIVE TV
ପହଞ୍ଚି ପାରିଲାନି ଆମ୍ବୁଲାନ୍ସ । ଦେଢ଼ କିଲୋମିଟର ବୁହାହେଲେ ରୋଗୀ । ଏଭଳି ଏକ ଖବର ଆସିଛି ମୟୂରଭଞ୍ଜ ଜିଲ୍ଲା ଉଦଳା କଇଁସାରି ଜାମୁ ଘାଟରେ । ପୋଲ ଅବସ୍ଥା ଖରାପ ଥିବାରୁ ମହିଳା ରୋଗୀଙ୍କ ନିକଟରେ ଆମ୍ବୁଲାନ୍ସ ପହଞ୍ଚି ପାରିଲାନାହିଁ । ଫଳରେ ଦେଢ଼ କିଲୋମିଟର ବୁହାହୋଇ ଆମ୍ବୁଲାନ୍ସ ନିକଟକୁ ଗଲେ ରୋଗୀ ।
ବିପଦପୂର୍ଣ୍ଣ ପାଲଟିଛି ପୋଲ । ମୃତ୍ୟୁକୁ କରିଛି ଅପେକ୍ଷା । ପୋଲରେ ଯାତାୟାତ ନକରିବାକୁ ବାରଣ କରିଛି ପୂର୍ତ୍ତ ବିଭାଗ । ହେଲେ ହେଉନି ନୂଆ ପୋଲ । ହନ୍ତସନ୍ତ ହେଉଛନ୍ତି ବାସିନ୍ଦା । ସୋମବାର ଯଇଦା ଗାଁର ଜଣେ ମହିଳା ଅସୁସ୍ଥ ହେବାପରେ ଚେତା ବୁଡ଼ିଯାଇଥିଲା । ପରିବାର ଲୋକେ ଆମ୍ବୁଲାନ୍ସକୁ ଖବର ଦେଇଥିଲେ । ହେଲେ ପୋଲରେ ଯିବାକୁ ବାରଣ ଥିବାରୁ ଆମ୍ବୁଲାନ୍ସ ଯାଇପାରିନଥିଲା । ପରିବାର ଲୋକେ ମହିଳାଙ୍କୁ ପୋଲ ଆରପଟକୁ ବୋହି ଆମ୍ବୁଲାନ୍ସ ପାଖକୁ ନେଇଥିଲେ । ପରେ ସେ ମେଡିକାଲରେ ଭର୍ତ୍ତି ହୋଇଥିଲେ ।
Also Read
ଖାଲି ମେଡିକାଲ ପାଇଁ ଯେ ତାହା ନୁହେଁ, ବିଭିନ୍ନ କାରଣରୁ ଲୋକମାନେ ନାହିଁ ନଥିବାର ଅସୁବିଧାର ସମ୍ମୁଖୀନ ହେଉଛନ୍ତି । ପୋଲ ଆରପଟେ ସରକାରୀ ଜାଗାରେ ଲୋକେ ରହିଥିବାରୁ ତହସିଲଦାର ନୋଟିସ କରିଛନ୍ତି । ହେଲେ ଲୋକେ ଉଠିବାକୁ ଅମଙ୍ଗ ବୋଲି କହିଛନ୍ତି ଉଦଳା ବିଧାୟକ । ତେଣୁ ପୋଲ ଓ ରାସ୍ତାକାମ ବିଳମ୍ବ ହେଉଥିବା କୁହାଯାଇଛି ।
ସେପଟେ ପୂର୍ତ୍ତ ବିଭଗ ସହକାରୀ ଯନ୍ତ୍ରୀ କହିଛନ୍ତି ନୂତନ ପୋଲ ଖୁବ୍ଶୀଘ୍ର ଆରମ୍ଭ ହେବ ଏବଂ ଅସୁରକ୍ଷିତ ପୋଲକୁ ତୁରନ୍ତ ଭଙ୍ଗା ଯିବ ।
