ମା’ ସହ ଗାଧୋଉଥିଲା କୁନି ପୁଅ, ହେଲେ ହଠାତ୍ ଭାସିଗଲା; ‌ଏମିତି କ’ଣ ଘଟିଗଲା !

କୁହାଯାଏ କାହା ସହ କେତେବେଳେ କ’ଣ ଘଟିବ ତାହା କେହି କହିପାରିବେ ନାହିଁ । କିଏ ଜାଣିଥିଲା, ଦୁନିଆର ସବୁଠୁ ସୁରକ୍ଷିତ ସ୍ଥାନ ମାଆର ପଣତକାନୀ ତଳେ ଥାଇ ମଧ୍ୟ ପୁଅ ସହ ଏଭଳି କିଛି ଘଟିବ । ସତେ ଯେମିତି ମାଆର ଆଖି ପଲକ ପଡ଼ିବାକୁ ଚାହିଁ ବସିଥିଲା ବିପଦ । ଆଉ ମୁହର୍ତ୍ତକ ମଧ୍ୟ କୁନି ପୁଅକୁ ଭସାଇନେଇଥିଳା ସୁଅ ।

Sambalpur Power Channel

ସମ୍ବଲପୁର ବୁର୍ଲାସ୍ଥିତ ପାୱାର ଚାନେଲରେ ମାଆ ସହ ଗାଧୋଇବା ବେଳେ ଭାସିଗଲା ୮ବର୍ଷ ବୟସର ନାବାଳକ । ଶିବ ମନ୍ଦିର ଘାଟରେ ଗାଧୋଇବା ସମୟରେ କୌଣସି କାରଣରୁ ପିଲାଟି ଭାସି ଯାଇଥିଲା । ସେଠାରେ ସ୍ରୋତ ପ୍ରଖର ଥିବାରୁ ପିଲାଟି ତଳକୁ ତଳକୁ ଭାସି ଯାଇଥିଲା । ନାବାଳକର ଘର ବୁର୍ଲା ୱାନ-ଆର କଲୋନୀରେ ବୋଲି ଜଣାପଡ଼ିଛି । ଭାସି ଯାଇଥିବା ବାଳକର ନାଁ ରୋନକ ପଞ୍ଚବିହାର । ଖବରପାଇ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ସର୍ଚ୍ଚ ଅପରେସନ ଆରମ୍ଭ କରିଛି । ପିଲାଟିର ଏପର୍ଯ୍ୟନ୍ତ ପତ୍ତା ମିଳିନାହିଁ ।