• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Tanmay Kumar Mahalik

ସମ୍ବଲପୁର ଜିଲ୍ଲା ବାମରା ଷ୍ଟେସନରେ ପୋଲିସ-ଜନତା ମୁହାଁମୁହିଁ ହୋଇଛନ୍ତି । ଆନ୍ଦୋଳନରତ ଜତନାଙ୍କ ଉପରେ RPF ମୃଦୁ ଲାଠିଚାଳନା କରିଛି । ସେହିପରି ପୋଲିସ ଉପରକୁ ଆନ୍ଦୋଳନକାରୀଙ୍କ ଟେକାପଥର ମାଡ଼ କରିଛନ୍ତି । ବାମରା ଷ୍ଟେସନରେ ବିଭିନ୍ନ ଏକ୍ସପ୍ରେସ୍‌ ଟ୍ରେନ୍‌ ରହଣୀ ଦାବିରେ ଗତକାଲି ଆନ୍ଦୋଳନକୁ ଓହ୍ଲାଇଥିଲେ ଅଞ୍ଚଳବାସୀ ।

ତେବେ ଗତକାଲି ଆନ୍ଦୋଳନକାରୀଙ୍କ ସହ ଆଲୋଚନା କରି କେତେକ ଟ୍ରେନ୍‌ ଏଠାରେ ରହିବ ବୋଲି ADRM ପ୍ରତିଶ୍ରୁତି ଦେଇଥିଲେ । ତେବେ ଆଜି ସକାଳୁ ADRMଙ୍କ ପ୍ରତିଶ୍ରୁତି ଅନୁସାରେ କୌଣସି ଟ୍ରେନ୍ ନରହିବାରୁ ଲୋକେ ପୁଣି ଏକାଠି ହୋଇଥିଲେ ।

ଷ୍ଟେସନକୁ ଆସି ଷ୍ଟେସନ ମାଷ୍ଟରଙ୍କୁ ରୁମରୁ ବାହାର କରି ତାଲା ପକାଇ ଦେଇଥିଲେ । ଫଳରେ ସିଗନାଲ ନପାଇ ଷ୍ଟେସନରେ ଆଜାଦ ହିନ୍ଦ ଏକ୍ସପ୍ରେସ୍ ଅଟକି ରହିଥିଲା । ପରେ ଖବର ପାଇ ଚକ୍ରଧରପୁର ଡିଆରଏମ୍ ଘଟଣାସ୍ଥଳକୁ ଆସି ଲୋକଙ୍କ ସହ ଆଲୋଚନା କରିଥିଲେ। ବାମରାରେ ୧୧ଟି ଟ୍ରେନ୍ ରହିବ ବୋଲି ପ୍ରତିଶ୍ରୁତି ଦେଇଥିଲେ ।

ଡିଆରଏମଙ୍କ ପତିଶ୍ରୁତି ପରେ ଆନ୍ଦୋଳନକାରୀ ଷ୍ଟେସନରୁ ହଟୁଥିବା ବେଳେ ହଠାତ ଆରପିଏଫ୍ ପହଞ୍ଚି ଭିଡ଼ ହଟାଇବାକୁ ମୃଦୁ ଲାଠ ଚାଳନା କରିଥିଲା । ଏପଟେ ଆରପିଏଫ ଲାଠିଚାଳନା ପରେ ଲୋକେ ପୋଲିସ ଉପରକୁ ପଥର ମାଡ଼ କରିଥିଲେ । ଏଥିରେ ୪ ଜଣ ସାଧାରଣ ଲୋକ ଏବଂ ୩ ଜଣ ଆରପିଏଫ୍ କର୍ମଚାରୀ ଆହତ ହୋଇଛନ୍ତି ।

ଆନ୍ଦୋଳନକାରୀ ଉଗ୍ରରୂପ ନେବାରୁ ଭଙ୍ଗାରୁଜା ମଧ୍ୟ କରିଥିଲେ । କିଛି ସମୟ ପରେ ପରିସ୍ଥିତି ଶାନ୍ତ ପଡ଼ିଥିଲେ ବି ଟ୍ରେନ୍ ରହଣୀ ଦାବିକୁ ନେଇ ଲୋକଙ୍କ ଭିତରେ ଏବେ ବି ଚାପା ଉତ୍ତେଜନା ରହିଛି ।