ପଖାଳ ଦିବସରେ ପଖାଳ ଖାଇଲେ ଇସକ ମୁଣ୍ଡା

ଆମ ଓଡ଼ିଆ ଘରର ପ୍ରିୟ ଖାଦ୍ୟ ପଖାଳ । ଗରିବ ଦିନ ମଜୁରିଆଠାରୁ ଆରମ୍ଭ କରି ବଡ଼ବଡିଆ ସମସ୍ତଙ୍କ ପ୍ରିୟ ଖାଦ୍ୟ ପଖାଳ  କୁଡିଆ ଘରଠାରୁ ସୌଖିନ ହୋଟେଲ ସବୁଠି ପ୍ରସ୍ତୁତ ହୋଉଛି ପଖାଳ ।  ଆଜି ହେଉଛି ସେହି ପଖାଳ ଦିବସ ଆଉ ଏଥିପାଇଁ ବିଭିନ୍ନ ସ୍ଥାନରେ ଏ ନେଇ ସ୍ୱତନ୍ତ୍ର ପ୍ରସ୍ତୁତି କରାଯାଇଛି । ତେବେ ଆଜି ଏହି ପଖାଳ ଦିବସ ଉପଲକ୍ଷେ ପଖାଳ ଖାଇ ଖ୍ୟାତି ଅର୍ଜନ କରିଥିଲେ ସମ୍ବଲପୁରର ଆଦିବାସୀ ଯୁବକ ଇସକ ମୁଣ୍ଡା । 

ପଖାଳ ତାଙ୍କୁ ଆଣି ଦେଇଛି ନୂଆ ପରିଚୟ ପଖାଳ ଖାଇ ପାଇଛନ୍ତି ଖ୍ୟାତି, ମିଳିଛି ରୋଜଗାରର ମାଧ୍ୟମ ଆମେ କହୁଛୁ ସମ୍ବଲପୁରର ଆଦିବାସୀ ଯୁବକ ଇସକ ମୁଣ୍ଡାଙ୍କ କଥା । ଇସକ ମୁଣ୍ଡା ଦିନେ ପଖାଳକୁ ପିଆଜ ଏବଂ ଲଙ୍କା ଖାଇ ସୋସିଆଲ୍ ମିଡିଆରେ ଭାଇରାଲ୍ ହୋଇଥିଲେ ପରେ ସେ ଏଥିରୁ ରୋଜଗାର ମଧ୍ୟ ପାଇଛନ୍ତି । ୟୁଟ୍ୟୁବ୍ ରେ ଏହି ଭିଡିଓ ଛାଡ଼ି ସେ ଆଜି ରୋଜଗାରକ୍ଷମ ହୋଇଛନ୍ତି ।

 ପଖାଳ ଦିବସରେ ସେ ମଧ୍ୟ ପଖାଳ ଖାଇବାକୁ ଭୁଲି ନାହାନ୍ତି ସଫଳତା ପାଇବା ପରେ ବି ସେ ପଖାଳ ଖାଉଛନ୍ତି । ଆଜି ପଖାଳ ଦିବସରେ ତାଙ୍କ ସହ ସ୍ୱତନ୍ତ୍ର ଆଲୋଚନା କରିଛନ୍ତି ଆମ ସମ୍ବଲପୁର ବ୍ଯୁରୋ ଚିଫ୍ ସଞ୍ଜୟ ଜେନା ।