ଖରାକୁ ଯାଉ ନାହାନ୍ତି ଭିକାରୀ; ଘରେ ବସି ଅନ୍‌ଲାଇନ୍‌ରେ ଚାଲିଛି ଭିକ୍ଷା

ଆମେ ସମସ୍ତେ ଜାଣୁ ଗତ କିଛି ବର୍ଷ ମଧ୍ୟରେ ପରିସ୍ଥିତି କେତେ ବଦଳିଛି। ବିଦ୍ୟୁତ୍ ବିଲ୍ ଠାରୁ ପନିପରିବା ବିକ୍ରେତା ପର୍ଯ୍ୟନ୍ତ ସବୁ କ୍ଷେତ୍ରରେ ଅନ୍‌ଲାଇନ୍ ପେମେଣ୍ଟ୍ ଆରମ୍ଭ ହୋଇଛି। ମୋବାଇଲରେ କେବଳ ଏକ କୋଡ୍ ସ୍କାନ୍ କରିଦେଲେ, ସବୁଠାରୁ ବଡ ବଡ କାମ ବି ଚୁଟ୍‌କୀରେ ହୋଇଯାଉଛି।

ଏପରି ପରିସ୍ଥିତିରେ, ଯେଉଁମାନେ ରାସ୍ତାରେ ଭିକ ମାଗୁଛନ୍ତି ସେମାନେ ବା କାହିଁକି ଏଥିରୁ ମୁକ୍ତି ପାଇବେ। ଏହା ଜାଣି ଆପଣ ଆଶ୍ଚର୍ଯ୍ୟ ହୋଇଯିବେ ଯେ ଏପରି ଏକ ସ୍ଥାନ ଅଛି ଯେଉଁଠାରେ ଭିକାରୀମାନେ ରାସ୍ତାରେ ବସି ଖରା ଖାଆନ୍ତି ନାହିଁ ବରଂ ଭିକ ମାଗିବା ପାଇଁ ମୋବାଇଲ୍ ବ୍ୟବହାର କରନ୍ତି।

ଅଧିକ ପଢ଼ନ୍ତୁ: ହାତରେ ନୁହେଁ ସିଧା ବ୍ୟାଙ୍କ୍‌ ଆକାଉଁଣ୍ଟକୁ ଆସିବ ଟଙ୍କା; ବେକରେ ସ୍କାନର ପକାଇ ବୁଲି ବୁଲି ଭିକ ମାଗୁଛନ୍ତି ଭିକାରୀ

ଡିଜିଟାଲ୍ ଯୁଗରେ, ଲୋକମାନେ ଅନ୍‌ଲାଇନ୍‌ରେ ଛୋଟ-ବଡ କାମ କରୁଛନ୍ତି। ଏପରି ପରିସ୍ଥିତିରେ ଭିକାରୀମାନେ ବା କାହିଁକି ପଛରେ ପଡିବେ? ରାସ୍ତାରେ ଖରା ଧୂଳି ଖାଇବା ପରିବର୍ତ୍ତେ ସେମାନେ ଅନ୍‌ଲାଇନ୍‌ରେ ଭିକ୍ଷା ମାଗି ନିଅନ୍ତି।

ଏ ଯୁଗରେ ଅନ୍‌ଲାଇନ୍ ରୋଜଗାରର ମାଧ୍ୟମ ସାଜିଛି। ଇଣ୍ଡୋନେସିଆରେ ଭିକାରୀମାନେ ମଧ୍ୟ ଏହି ‍କ୍ଷେତ୍ରରେ ପଛରେ ନାହାଁନ୍ତି। ସେମାନେ ଇଣ୍ଟର୍‌ନେଟ୍ ଏବଂ ସୋସିଆଲ୍ ମିଡିଆ ମାଧ୍ୟମରେ ଘରେ ବସି ଜୀବିକା ନିର୍ବାହ କରିବାରେ ସଫଳ ହୋଇଛନ୍ତି।

ଆଜିକାଲି ଭିକାରୀମାନେ ଆଉ ଖରେ ବସିବାକୁ ଭଲ ପାଉ ନାହାନ୍ତି। ସେମାନେ ଘରେ ଫୋନ୍ ଆଉ ସୋସିଆଲ୍ ମିଡିଆକୁ ସାଥୀ କରିନେଇଛନ୍ତି। ସେମାନେ ଟିକ୍‌ଟକ୍‌ରେ ନିଜର ଆକାଉଣ୍ଟ୍ କରିଛନ୍ତି, ଯେଉଁଥିରେ ସେମାନେ ନିଜ ନିଜ ଦୁଃଖଦ ଭିଡିଓ ପୋଷ୍ଟ୍ କରୁଛନ୍ତି ଏବଂ ଲୋକମାନଙ୍କ ଠାରୁ ଭର୍ଚୁଆଲ୍ ଉପହାର ଏବଂ ଟଙ୍କା ମାଗୁଛନ୍ତି। ଅଧିକାଂଶ ବୃଦ୍ଧ ଲୋକ, ମହିଳାମାନେ କାଦୁଅରେ ବସି ଏକ ଭିଡିଓ ତିଆରି କରିନେଉଛନ୍ତି ଓ ଏହାକୁ ସୋସିଆଲ୍ ମିଡିଆ ରେ ପୋଷ୍ଟ୍ କରି ଟଙ୍କା ମାଗୁଛନ୍ତି।

ଭିକ ମାଗିବାର ଏହି ଅଦ୍ଭୁତ ଧାରାକୁ ନେଇ ସରକାର ମଧ୍ୟ ଅସୁବିଧାରେ ପଡିଛନ୍ତି। ମୁସଲିମ୍ ବହୁଳ ଏହି ଦେଶରେ ଭିକ ମାଗିବା ଉପରେ ସରକାର ନିଷେଧ କରିଛନ୍ତି। ଅଫ୍‌ଲାଇନ୍ ବ୍ୟତୀତ ଏଠାରେ ଅନଲାଇନ୍ ଭିକ ମାଗିବା ଉପରେ ମଧ୍ୟ ନିଷେଧାଦେଶ ରହିଛି। ତେଣୁ ଭିକାରୀମାନେ ଏଭଳି ଭିଡିଓ ପୋଷ୍ଟ୍‌ କରି ଟଙ୍କା ରୋଜଗାର କରୁଛନ୍ତି।

ପ୍ରକାଶଥାଉ ଯେ ଇଣ୍ଡୋନେସିଆରେ ଟିକ୍‌ଟକର ୯୯.୧ ମିଲିୟନ୍ ୟୁଜର୍ସ ଅଛନ୍ତି, ଯାହା ଆମେରିକାକୁ ମଧ୍ୟ ପଛରେ ପକାଇ ଦେଇଛି। କଣ୍ଟେଣ୍ଟ୍ କରିବା ଠାରୁ ଆରମ୍ଭ କରି ଭିକ ମାଗିବା ପର୍ଯ୍ୟନ୍ତ ଏହା ସବୁକିଛି ପାଇଁ ବ୍ୟବହୃତ ହେଉଛି।

ଦେଖନ୍ତୁ ଭିଡିଓ | ଭିକାରୀମୁକ୍ତ ହେବ ସହର: ଏପରି ନିଆରା ପ୍ରାୟାସ କରିଛନ୍ତି ଏହି ଯୁବତୀ