LIVE TV
ବଲାଙ୍ଗିର ଜିଲ୍ଲାପାଳଙ୍କ ଅଫିସ୍ ପରିସରରେ ଭାଙ୍ଗିଲା ଛାତ ଖସିଲା ସିଲିଂ । ଏଡିଏମ୍ ଅନନ୍ତ ସିଂହ ଲାଗୁରୀଙ୍କ ଚାମ୍ବରରେ ବୈଠକ ବେଳେ ଏଭଳି ଅଘଟଣ ଘଟିଛି । ଛାତ ଭାଙ୍ଗି ଇଟା ଖସିବାରୁ ସିଲିଂ ପରେ ପଡ଼ିଥିଲା । ପରେ ତଳେ ବୈଠକ ଚାଲିଥିବା ବେଳେ ସିଲିଂ ଖସି ଜଣେ ମହିଳା ଅଧିକାରୀଙ୍କ ଉପରେ ପଡ଼ିଥିଲା । ମହିଳା ଅଧିକାରୀ DRCS ଦମୟନ୍ତୀ ସିଂ ଗୁରୁତର ହୋଇଛନ୍ତି ।
Also Read
ମହିଳା ଅଧିକାରୀଙ୍କ ମୁଣ୍ଡ ଓ ହାତରେ ଆଘାତ ଲାଗିଥିବା ସୂଚନା ରହିଛି । ତେବେ ବଡ଼ ଅଘଟଣରୁ ଅଳ୍ପକେ ବର୍ତ୍ତି ଯାଇଛନ୍ତି ବଲାଙ୍ଗିର ଏଡିଏମ୍ । ତେବେ ପୁରା ଘଟଣା ସିସିଟିଭିରେ ରେକର୍ଡ ହୋଇଛି । ସିସିଟିଭି ଫୁଟେଜ୍ରୁ ସିଲିଂ ଖସିବା ସହ ମହିଳାଙ୍କ ଉପରେ ଆଘାତ ଲାଗିଥିବା ସ୍ପଷ୍ଟ ଜଣାପଡ଼ୁଛି । ଘଟଣା ପରେ ମହିଳାଙ୍କୁ ତୁରନ୍ତ ମେଡିକାଲ ନିଆଯାଇଥିଲା । ସେ ଏବେ ସୁସ୍ଥ ଥିବା ଜଣାପଡ଼ିଛି । ଏଡିଏମ୍ଙ୍କ କହିବାନୁଯାୟୀ, କାର୍ଯ୍ୟାଳୟର କୋଠା ଅତି ପୁରୁଣା । ତେଣୁ ଏଭଳି ସ୍ଥିତି ଉପୁଜିଛି ।
-ବଲାଙ୍ଗିର ଜିଲ୍ଲାପାଳଙ୍କ ଅଫିସ୍ ପରିସରରେ ଖସିଲା ଛାତ ଓ ସିଲିଂ
— ଓଟିଭି (@otvkhabar) May 5, 2022
-ଏଡିଏମ୍ ଅନନ୍ତ ସିଂ ଲାଗୁରୀଙ୍କ ଚାମ୍ବରରେ ବୈଠକ ବେଳେ ଅଘଟଣ
-ଛାତ ଓ ସିଲିଂ ଖସିବାରୁ ଜଣେ ମହିଳା ଅଧିକାରୀ ଆହତ
-ମହିଳା ଅଧିକାରୀଙ୍କ ମୁଣ୍ଡ ଓ ହାତରେ ଆଘାତ ଲାଗିଥିବା ସୂଚନା
-ବଡ଼ ଅଘଟଣରୁ ଅଳ୍ପକେ ବର୍ତ୍ତିଲେ ବଲାଙ୍ଗିର ଏଡିଏମ୍#Bolangir #OTV pic.twitter.com/WA8VddlGpH
