LIVE TV
ପ୍ରାଥମିକ ଶିକ୍ଷକ ଆନ୍ଦୋଳନ ସ୍ଥଗିତ ନେଇ ସୂଚନା ମିଳିଛି । ନିଖିଳ ଉତ୍କଳ ପ୍ରାଥମିକ ଶିକ୍ଷକ ମହାସଂଘ ପକ୍ଷରୁ ସୂଚନା ଦିଆଯାଇଛି । ପ୍ରାଥମିକ ଶିକ୍ଷକଙ୍କ ଆନ୍ଦୋଳନ ସ୍ଥଗିତ ସୂଚନା ଦେଲେ ମହାସଂଘ ମହାସଚିବ ଚାରୁଲତା ମହାପାତ୍ର । ତେବେ ସରକାରଙ୍କ କେଉଁ କାରଣରୁ ସଂଘ ଆନ୍ଦୋଳନ ସ୍ଥଗିତ ରଖିଛି ସେନେଇ ସୂଚନା ମିଳିପାରିନାହିଁ । ସରକାରଙ୍କ ସର୍ତ୍ତ ନା ନାଲି ଆଖିରେ ଅନ୍ଦୋଳନକୁ ସ୍ଥଗିତ ରଖିଛି ନିଖିଳ ଉତ୍କଳ ପ୍ରାଥମିକ ଶିକ୍ଷକ ମହାସଂଘ ତାହା ଜଣାପଡ଼ିନାହିଁ ।
ସୂଚନା ଥାଉ କି, ପ୍ରାଥମିକ ଶିକ୍ଷକ ଆନ୍ଦୋଳନ ପ୍ରସଙ୍ଗକୁ ନେଇ ଆଜି ଅପରାହ୍ଣ ଗୋଟାଏରେ ଆନ୍ତଃମନ୍ତ୍ରୀସ୍ତରୀୟ କମିଟି ବୈଠକ ବସିବାର ଥିଲା । ସଂଘର କର୍ମକର୍ତ୍ତାଙ୍କୁ ବୈଠକରେ ଯୋଗ ଦେବାକୁ ଆହ୍ୱାନ କରାଯାଇଥିଲା ।
Also Read
ଗତ ୧୧ ଦିନ ହେଲା ପ୍ରାଥମିକ ଶିକ୍ଷକ ଆନ୍ଦୋଳନ ପାଇଁ ପାଠ ପଢା ଏକପ୍ରକାର ଠପ୍ ହୋଇଯାଇଛି । ଗତକାଲି ଷ୍ଟିୟରିଂ କମିଟି ବି ସଫା ସଫା କହିଥିଲା, ଏବେ ଆନ୍ଦୋଳନ ଥମିବାର ପ୍ରଶ୍ନ ଉଠୁନି। ଏପରିକି ଆନ୍ଦୋଳନ ଆରମ୍ଭ ହୋଇନଥିବା ଜିଲ୍ଲାକୁ ପ୍ରତିନିଧି ଦଳ ଯିବେ ଏବଂ ସେଥିପାଇଁ ୫ଟି ଜୋନ୍ କରାଯାଇ ଦାୟିତ୍ୱ ମଧ୍ୟ ଦିଆଯାଇଛି ବୋଲି କୁହାଯାଇଥିଲା ।
ଶିକ୍ଷକ ଆନ୍ଦୋଳନ ପାଇଁ ପାଠ ପଢା ଠପ୍ ହୋଇଯିବାରୁ ଚିନ୍ତାରେ ଥିଲେ ଅଭିଭାବକ । ସରକାର ଶିକ୍ଷକଙ୍କ ଦାବି ଶୁଣୁ ନଥିବାରୁ ଆଜି ଠାରୁ ସ୍କୁଲ୍ ଆଗରେ ଧାରଣା ଦେବାକୁ ଅଭିଭାବକ ସଂଘ ନିଷ୍ପତ୍ତି ନେଇଥିଲା ।
- Reported by:
- JAGDISH DAS
