ଓଡ଼ିଶା ସିଟିଜେନ୍ସ ଆଓ୍ୱାର୍ଡ ଜୁରିର ଚୂଡ଼ାନ୍ତ ବୈଠକ : ୯ ବର୍ଗରେ ଶ୍ରେଷ୍ଠ ୪ ବ୍ୟକ୍ତିଙ୍କ ମଧ୍ୟରୁ ଗୋଟିଏ ଲେଖାଏଁ ନାଁ ଚୟନ

ଓଡ଼ିଶା ଟେଲିଭିଜନ ନେଟ୍ଓ୍ୱର୍କ ପକ୍ଷରୁ ପ୍ରଦାନ କରାଯାଉଥିବା ଓଡ଼ିଶା ସିଟିଜେନ୍ସ ଆଓ୍ୱାର୍ଡ ର ଦଶମ ସଂସ୍କରଣ ପାଇଁ ଶେଷ ହୋଇଛି ଚୂଡ଼ାନ୍ତ ଜୁରି ବୈଠକ । କଳା ଓ ସଂସ୍କୃତି, ଶିକ୍ଷା, ସ୍ୱାସ୍ଥ୍ୟସେବା, କୃଷି, ମନୋରଂଜନ, ସମାଜ ସେବା, ବାଣିଜ୍ୟ, କ୍ରୀଡ଼ା ଓ ରାଜନୀତି ଏପରି ୯ଟି ବର୍ଗରେ ଆବେଦକ ଥିବା ଶ୍ରେଷ୍ଠ ୪ ଜଣଙ୍କ ମଧ୍ୟରୁ ଗୋଟିଏ ଲେଖାଏଁ ନାଁ ଚୟନ କରିଛନ୍ତି ଜୁରି ସଦସ୍ୟ ।

ଉଲ୍ଲେଖନୀୟ ଅବଦାନ ପାଇଁ ବିଭିନ୍ନ କ୍ଷେତ୍ରରେ ବିଶେଷ ଅବଦାନ ଥିବା ବ୍ୟକ୍ତିମାନଙ୍କ ସଂପର୍କରେ ଆଜିର ଜୁରି ବୈଠକରେ ଆଲୋଚନା କରାଯାଇଛି । ଏହାସହ ପ୍ରତି ବିଭାଗରୁ ଜଣେ ଲେଖାଏଁ ବ୍ୟକ୍ତିତ୍ୱଙ୍କ ନାଁ ଚୂଡ଼ାନ୍ତ କରାଯାଇଛି । ପରେ ଅନଲାଇନ୍ ଭୋଟିଂ ଓ ଜୁରିଙ୍କ ମତାମତକୁ ନେଇ, ଓଡ଼ିଶା ସିଟିଜେନ୍ସ ଆଓ୍ୱାର୍ଡ ବିଜେତାଙ୍କ ନାଁ ଘୋଷଣା କରାଯିବ ।

ଓଡ଼ିଶାର ବିଭିନ୍ନ କ୍ଷେତ୍ରରେ ପ୍ରତିଷ୍ଠିତ ତଥା ବିଶେଷ ଅବଦାନ ରଖିଥିବା ବ୍ୟକ୍ତିଙ୍କୁ ସମ୍ମାନିତ କରିବା ହେଉଛି ଓଡ଼ିଶା ସିଟିଜେନ୍ସ ଆଓ୍ୱାର୍ଡର ମୂଳ ଉଦ୍ଦେଶ୍ୟ ।