ସରିଲା ଶ୍ରୀଜିଉଙ୍କ ରଥଯାତ୍ରା; ଏବେ ଭାଇରାଲ ହେଉଛି ରଥ ଉପରେ ଅଣ ସେବାୟତଙ୍କ ଭିଡିଓ

ପୂର୍ବରୁ ବାରମ୍ବାର ଶ୍ରୀମନ୍ଦିର ଭିତର ପରିସରର ଭିଡିଓ ଓ ଫଟୋ ସୋସିଆଲ ମିଡିଆରେ ଭାଇରାଲ ହୋଇଛି । ଯାହାକୁ ନେଇ ପରବର୍ତ୍ତୀ ସମୟରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିବା ମଧ୍ୟ ଦେଖିବାକୁ ମିଳିଛି । ଏପରି ଘଟଣା ଅନେକ ଥର ନଜରକୁ ଆସିଥିବାବେଳେ ଶ୍ରୀମନ୍ଦିରର ସୁରକ୍ଷା ଉପରେ ପ୍ରଶ୍ନ ଉଠିଛି । ସୁରକ୍ଷା କର୍ମୀଙ୍କ ଦ୍ୱାୟିତ୍ୱକୁ ନେଇ ଅଙ୍ଗୁଳି ଉଠାଇଛନ୍ତି ଭକ୍ତ । ହେଲେ ବର୍ତ୍ତମାନ ଶ୍ରୀମନ୍ଦିର ଭିତରର ନୁହେଁ ବରଂ ରଥଯାତ୍ରା ବେଳର କିଛି ଫଟୋ ଓ ଭିଡିଓ ଭାଇରାଲ ହେବାର ଲାଗିଛି ।

ରଥ ଉପରେ ଅଣସେବାୟତ ଶ୍ରୀଜିଉଙ୍କୁ ଅଲିଙ୍ଗନ କରି ବିଭିନ୍ନ ପୋଜରେ ଫଟୋ ଉଠାଉଥିବା ଦେଖିବାକୁ ମିଳୁଛି । ଯାହା ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଜଣାପଡ଼ିଛି କି, ରଥଯାତ୍ରା ବେଳେ ରଥରେ ବୁଲୁଥିଲେ ଅଣ ସେବାୟତ । ମହାପ୍ରଭୁଙ୍କୁ କୁଣ୍ଠାଉଥଲେ, ରଥ ଉପରେ ରିଲସ୍ ସୁଟ୍ କରୁଥିଲେ । ଏବେ ଏଭଳି କିଛି ଫଟୋ ଓ ଭିଡିଓ ସୋସିଆଲ ମିଡିଆରେ ଭାଇରାଲ୍ ହେବାରେ ଲାଗିଛି ।

ରଥ ଉପରେ ମାଳମାଳ ଅଣସେବାୟତ ବେଫିକର ଭାବେ ବୁଲୁଥିଲେ । ଶ୍ରୀଅଙ୍ଗକୁ ଛୁଇଁବା ସହ ବିଗ୍ରହଙ୍କ ଅତି ନିକଟରେ ଏମାନେ ଥିଲେ । ଏହି ସମୟରେ ବିଭିନ୍ନ ପୋଜ୍ ଦେଇ ଫଟୋ ଉଠାଇ୍ ଥିଲେ । କେମିତି ଏମାନେ ବିନା ପରିଚୟପତ୍ର ଥାଇ ରଥ ଉପରକୁ ଚଢ଼ିଲେ, କେହି ସୁରକ୍ଷାକର୍ମୀ ଏମାନଙ୍କୁ କାହିଁକି ବାରଣ କଲେନି ? ଏବେ ଏହାକୁ ନେଇ ଉଠିଛି ବଡ଼ ପ୍ରଶ୍ନ ।