LIVE TV
ଫ୍ରି ଫାୟାର ଗେମ ଖେଳିବା ହେଲା କାଳ । ଭୟଙ୍କର ଶବ୍ଦ କରି ଫାଟିଲା ମୋବାଇଲ୍ । ସୌଭାଗ୍ୟବଶତଃ ଅଳ୍ପକେ ବର୍ତ୍ତିଗଲେ ଯୁବକ I ଏମିତି ଏକ ଘଟଣା ଦେଖିବାକୁ ମିଳିଛି ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ ମହଦା ପଞ୍ଚାୟତ କେନପାଲି ଗାଁରେ I
କେନପାଲିର ପୁରୁଣ ଜାଲ ନାମକ ଜଣେ ୨୨ବର୍ଷୀୟ ଯୁବକ ରିଏଲମି ମୋବାଇଲରେ ଫ୍ରି ଫାୟାର ଗେମ ଖେଳୁଥିଲେ । ସେତିକିବେଳେ ମୋବାଇଲଟି ହଠାତ ଗରମ ହେବା ପରେ ଫୁଲିବାକୁ ଲାଗିଥିଲା I ଏହାଦେଖି ସତର୍କ ହୋଇଯାଇଥିଲେ ପୁରୁଣ । ମୋବାଇଲଟି ତଳେ ରଖି ଦୂରେଇ ଯାଇଥିଲେ I
ପରେ ଆଖି ପିଛୁଳାକେ ମୋବାଇଲଟି ଫାଟି ଚୁରମାର ହୋଇଯାଇଛି I ହେଲେ ମୋବାଇଲଟି ତଳେ ରଖି ଦେଇଥିବାରୁ ଯୁବକ ଜଣକ ଅଳ୍ପକେ ବର୍ତ୍ତି ଯାଇଛନ୍ତି I ଏହି ଘଟଣା ଜଣା ପଡିବା ପରେ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଖେଳିଯାଇଛି I
ବର୍ତ୍ତମାନ ସମୟରେ ଅଧିକାଂଶ ଯୁବପିଢ଼ି ଫ୍ରି ଫାୟାର ଗେମ ଖେଳୁଥିବା ଦେଖିବାକୁ ମିଳୁଛି I ଗେମ୍ ପାଇଁ ଦିନ ରାତି ଭୁଲି ଯାଉଛନ୍ତି । ତେବେ ଏମିତି ଏକ ଘଟଣା ସାରା ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି।
