LIVE TV
କଟକ: କଟକ ମଧୁସୂଦନ ଆଇନ ବିଶ୍ୱବିଦ୍ୟାଳୟକୁ ମିଳିଲା ମାନ୍ୟତା । ୟୁନିଭର୍ସିଟି ଗ୍ରାଣ୍ଟ କମିଶନ୍ ୧୯୫୬, ଧାରା 2(F) ଅନୁସାରେ ବିଶ୍ୱବିଦ୍ୟାଳୟ ମାନ୍ୟତା ପ୍ରଦାନ କରାଯାଇଛି । ଆଜି ଏନେଇ ଟ୍ୱିଟ୍ କରି ସୂଚନା ଦେଇଛନ୍ତି କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
Happy to share that Madhusudan Law University, Cuttack has been included in the list of Universities established as per section 2(f) of the UGC Act, 1956. The University will soon be able to receive central assistance under the section 12(b) of the UGC Act.
— Dharmendra Pradhan (@dpradhanbjp) October 13, 2021
ଏଣିକି ୟୁଜିସି ଅଧିନିୟମ ଅନୁସାରେ ପ୍ରାବଧାନ ଥିବା ସମସ୍ତ ପ୍ରକାର ଅନୁଦାନ ଏହି ଅଳନୁଷ୍ଠାନକୁ ମିଳିବ । କେନ୍ଦ୍ର ପକ୍ଷରୁ ପ୍ରଦାନ କରାଯାଉଥିବା ଅନୁଦାନ ଏଣିକି ମଧୁସୂଦନ ଆଇନ ବିଶ୍ୱବିଦ୍ୟାଳୟକୁ ମିଳିବ ବୋଲି ସ୍ପଷ୍ଟ ହୋଇଛି । ଓଡ଼ିଶାର ଆଇନ ବିଦ୍ୟାର୍ଥୀଙ୍କ ଆଶା ଓ ଆକାଂକ୍ଷା ପୂରଣ କରିବା ଦିଗରେ ଏକ ଯୁଗାନ୍ତକାରୀ ପଦକ୍ଷେପ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନେଇଥିବା ଧର୍ମେନ୍ଦ୍ର କହିଛନ୍ତି । ଉତ୍କଳ ଗୌରବ ମଧୁବାବୁଙ୍କ ନାମରେ ନାମିତ ଆଠ ଦଶନ୍ଧିର ପୁରୁଣା ଅନୁଷ୍ଠାନ ଏହି ଅଞ୍ଚଳର ସର୍ବୋତ୍ତମ ଆଇନ କଲେଜ ମଧ୍ୟରୁ ଅନ୍ୟତମ କହିଛନ୍ତି ଧର୍ମେନ୍ଦ୍ର ।
