LIVE TV
ଏ ପୃଥିବୀରେ ଅନେକ ସୁନ୍ଦର ପ୍ରାଣୀ ଦେଖିବାକୁ ମିଳନ୍ତି। ଏହି ଜୀବମାନେ ସେମାନଙ୍କର ସୌନ୍ଦର୍ଯ୍ୟ ସହିତ ଲୋକଙ୍କୁ ସେମାନଙ୍କ ଆଡକୁ ଆକର୍ଷିତ କରନ୍ତି। ଦୁନିଆରେ ମିଳୁଥିବା ଏହି ଜୀବମାନଙ୍କର ନିଜର ବିଶେଷତା ରହିଛି। ଏହି ସୁନ୍ଦର ଦେଖାଯାଉଥିବା ଜୀବମାନଙ୍କ ମଧ୍ୟରୁ ଅନେକ ଅତ୍ୟଧିକ ବିଷାକ୍ତ ହୋଇଥିବାବେଳେ କେତେକ ସ୍ୱାଭାବିକ ହୋଇଥାନ୍ତି। ପୃଥିବୀରେ ଏପରି ଅନେକ ଜୀବ ମଧ୍ୟ ଅଛନ୍ତି, ଯାହାଙ୍କୁ ଦେଖିଲେ ଲାଗେ ସତେ ଯେପରି ସେମାନେ ଅନ୍ୟ ଗ୍ରହରୁ ଆସିଛନ୍ତି।
ଅଧିକ ପଢ଼ନ୍ତୁ: ଲାଲ ରଙ୍ଗର ନଦୀ, କିନ୍ତୁ ବିଷାକ୍ତ
ସମସ୍ତେ ବିଷାକ୍ତ ପ୍ରାଣୀମାନଙ୍କୁ ଭୟ କରନ୍ତି ଏବଂ ଦୂରେଇ ରହିବାକୁ ଚେଷ୍ଟା କରନ୍ତି। ବିଷାକ୍ତ ଜୀବର କଥା ଉଠିଲେ ମନକୁ ପ୍ରଥମେ ସାପ ହିଁ ଆସିଥାଏ। କିନ୍ତୁ ଆଜି ଆମେ ଆପଣଙ୍କୁ ଏପରି ଏକ ବେଙ୍ଗ ବିଷୟରେ କହିବୁ ଯାହା ଅତ୍ୟନ୍ତ ବିଷାକ୍ତ। ଏହି ବେଙ୍ଗ ୩ ମିନିଟ୍ରେ ୧୦ ଜଣଙ୍କୁ ହତ୍ୟା କରିପାରିବ। ଏପରିକି ଏହାକୁ ଛୁଇଁଲେ ଦେହରେ ବିଷ ଚରିଯିବ। ଏହି ବିଷାକ୍ତ ବେଙ୍ଗର ନାଁ ହେଉଛି ସ୍ୱର୍ଣ୍ଣିମ ବିଷାକ୍ତ ବେଙ୍ଗ, ଯାହା ପ୍ରାୟ ଦୁଇ ଇଞ୍ଚ।
Also Read
ଏହି ବେଙ୍ଗ ଏତେ ବିଷାକ୍ତ ଯେ ଏହା ମାତ୍ର ୩ ମିନିଟ୍ରେ ୧୦ ଜଣ ବୟସ୍କ ବ୍ୟକ୍ତିଙ୍କୁ ମାରିଦେଇ ପାରିବ। କଲମ୍ବିଆର ଶିକାରୀମାନେ ଏହି ବେଙ୍ଗର ବିଷକୁ ବ୍ୟବହାର କରି ଶିକାର କରିବା ନେଇ ଅସ୍ତ୍ର ତିଆରି କରୁଥିଲେ। ଏହା ଏତେ ବିଷାକ୍ତ ଯେ ଗ୍ଲୋବ ବିନା ସେମାନଙ୍କୁ ଧରିବା ମାତ୍ରେ କେଇ ସେକେଣ୍ଡରେ କାହାର ବି ମୃତ୍ୟୁ ହୋଇପାରେ।
ଏହି ବେଙ୍ଗ ଯେତେବେଳେ ବିପଦ ଆସିବା ଅନୁଭବ କରେ ସାଙ୍ଗେ ସାଙ୍ଗେ ଏହାର ଚର୍ମରୁ ବିଷ ବାହାର କରିବା ଆରମ୍ଭ କରେ। ଏହାର ବିଷରେ ଏତେ ଶକ୍ତି ଥାଏ ଯେ ଏହା କାହାର ସ୍ନାୟୁ ପ୍ରଣାଳୀକୁ ନଷ୍ଟ କରିଦେଇପାରେ। ଏହାର ବିଷର ପ୍ରଭାବ ଆରମ୍ଭ ହେବା ମାତ୍ରେ ଅନେକ ସମସ୍ୟା ଆରମ୍ଭ ହୁଏ ଯେଉଁ କାରଣରୁ ହୃଦଘାତ ହେତୁ ଜଣେ ବ୍ୟକ୍ତି ମରିଯାଏ।
ଏହି ବେଙ୍ଗର ଲମ୍ବ ମାତ୍ର ଦୁଇ ଇଞ୍ଚ ହୋଇଥିବା ବେଳେ ଏହାର ରଙ୍ଗ ଚିକ୍କଣ ଏବଂ ହଳଦିଆ। ଏହା ବ୍ୟତୀତ କମଳା ଏବଂ ଫିକା ସବୁଜ ରଙ୍ଗର ବେଙ୍ଗ ମଧ୍ୟ ମିଳିଥାଏ। ଏକ ଅନୁସନ୍ଧାନରୁ ଜଣାପଡିଛି ଯେ ଏହି ବେଙ୍ଗ ଯେତେ ଚିକ୍କଣ, ସେତେ ବିଷାକ୍ତ ।
ନ୍ୟାସ୍ନାଲ୍ ଜିଓଗ୍ରାଫିକ୍ ଅନୁଯାୟୀ ଏହି ବେଙ୍ଗ ବିଷାକ୍ତ ହେବା ପଛର କୌଣସି ସଠିକ୍ ସୂଚନା ନାହିଁ। ତେବେ ଏହା ଭିତରେ ଥିବା ବିଷାକ୍ତ ଉଦ୍ଭିଦ ଏବଂ ବିଷାକ୍ତ କୀଟମାନଙ୍କ ପାଖରୁ ଆସିଥାଏ ବୋଲି ବିଶ୍ୱାସ କରାଯାଏ। ଏପରି ସ୍ଥାନ ଛଡା ଅନ୍ୟ ସ୍ଥାନରେ ବଢୁଥିବା ବେଙ୍ଗମାନଙ୍କର ବିଷ ନାହିଁ। ଏହି ବେଙ୍ଗର ୧୦୦ ରୁ ଅଧିକ ପ୍ରଜାତି ଅଛନ୍ତି। ଏହି ବେଙ୍ଗ ପ୍ରଜାତିର ଅଧିକାଂଶ କଲମ୍ବିଆର ପ୍ରଶାନ୍ତ ଉପକୂଳରେ ବର୍ଷା ଜଙ୍ଗଲର ଏକ ଛୋଟ ଭୂଖଣ୍ଡରେ ବାସ କରନ୍ତି।
