LIVE TV
ମାଲକାନଗିରି ଚିତ୍ରକୋଣ୍ଡା ଜଳଭଣ୍ଡାରରେ ବୁଡ଼ିଗଲା ଡଙ୍ଗା । ଏଥିରେ ଜଣେ ପ୍ରାଣ ହରାଇଥିବା ବେଳେ ଦୁଇ ଜଣ ଉଦ୍ଧାର ହୋଇଛନ୍ତି । ମାଛ ଧରିବାକୁ ଯାଇଥିବା ବେଳେ ଘଟିଛି ଅଘଟଣ । ସେମାନେ ସିଙ୍ଗାରାମ ନିକଟରେ ଜଳଭଣ୍ଡାର ମଧ୍ୟରେ ଦେଶୀ ଡଙ୍ଗାରେ ମାଛ ଧରୁଥିଲେ ।
ସୂଚନା ଅନୁସାରେ ମାଲକାନଗିରି ସ୍ୱାଭିମାନ ଅଞ୍ଚଳ ଚିତ୍ରକୋଣ୍ଡା ଜଳ ଭଣ୍ଡାରରେ ଦେଶୀ ଡଙ୍ଗାରେ ନିକଟସ୍ଥ ଡାଇକ୍-୩ ଗାଁର ୩ ଜଣ ବ୍ୟକ୍ତି ମାଛ ଧରିବାକୁ ଯାଇଥିଲେ । ଜଳ ଭଣ୍ଡାରରୁ ମାଛ ଧରି କୂଳକୁ ଫେରିଲା ବେଳେ ହଠାତ ପବନ ବର୍ଷା ଆରମ୍ଭ ହୋଇଯାଇଥିଲା । ଫଳରେ ଡଙ୍ଗାଟି ଭାରସାମ୍ୟ ହରାଇ ଓଲଟି ଯିବାରୁ ସେଥିରେ ଥିବା ହରି ସଗରିଆ, କୈଳାଶ ନାୟକ ଓ କୃପା ବେନିଆ ପାଣିକୁ ଖସି ପଡ଼ିଥିଲେ ।
Also Read
ଚିତ୍ରକୋଣ୍ଡା ଜଳଭଣ୍ଡାରରେ ଡଙ୍ଗା ବୁଡ଼ି ଜଣେ ମୃତ, ୨ ଉଦ୍ଧାର । ସିଙ୍ଗାରାମ ନିକଟରେ ଦେଶୀ ଡଙ୍ଗାରେ ମାଛ ଧରିବା ବେଳେ ବୁଡ଼ିଗଲା । ମୃତ ଓ ଉଦ୍ଧାର ପାଇଥିବା ଲୋକେ ଡାଇକ୍-୩ ଗାଁର ସୂଚନା#Chitrakonda #OTV pic.twitter.com/01pRJUUegK— ଓଟିଭି (@otvkhabar) May 25, 2023
ତେବେ ହରି ଓ କୈଳାସ ଦୁଇ ଜଣ କୌଶଳ କ୍ରମେ ପହଁରି ପହଁରି କୂଳକୁ ପହଂଚିଥିବା ବେଳେ କୃପା ନିଖୋଜ ଥିଲେ । ଖବର ପାଇ ଆଜି ସକାଳୁ ପ୍ରଶାସନର କୋରୁକୋଣ୍ଡା ବିଡ଼ିଓ, ଚିତ୍ରକୋଣ୍ଡା ଦମକଳ ବାହିନୀ ଓ ପୋଲିସ ରେସ୍କ୍ୟୁ ଅପରେସନ ଆରମ୍ଭ କରିଥିଲେ । ଗାଁ ଲୋକ ମଧ୍ୟ ଜଳଭଣ୍ଡାରରେ କୃପାଙ୍କୁ ଖୋଜାଖଝି କରିଥିଲେ ।
ହେଲେ ଅନେକ ଖୋଜାଖୋଜି ପରେ ମଧ୍ୟ କୃପା ବେନିଆଙ୍କ ଜୀବନ ବଞ୍ଚାଇ ପାରିନଥିଲେ ଉଦ୍ଧାରକାରୀ ଦଳ । ଡଙ୍ଗାବୁଡ଼ିରେ ତାଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ପୂର୍ବରୁ ମଧ୍ୟ ଏହି ଜଳ ଭଣ୍ଡାରରେ ଏପରି ଡଙ୍ଗା ବୁଡି ଅନେକଙ୍କ ଜୀବନ ଯାଇଥିବା ବେଳେ ବର୍ତ୍ତମାନ ପୁଣି ଏପରି ଅଘଟଣ ଘଟିଛି ।
