ଚିନ୍ତାରେ ଲିଚୁ ଚାଷୀ, ଅମଳ ପୂର୍ବରୁ ନଷ୍ଟ ହେଲାଣି ପେନ୍ଥା ପେନ୍ଥା ଲିଚୁ

ଦାଉ ସାଧିଲା ପ୍ରବଳ ଗ୍ରୀଷ୍ମପ୍ରବାହ । ଚିନ୍ତାରେ ଲିଚୁ ଚାଷୀ । ଅମଳ ପୂର୍ବରୁ ନଷ୍ଟ ହେଲାଣି ପେନ୍ଥା ପେନ୍ଥା ଲିଚୁ । ଚଳିତ ବର୍ଷ ପ୍ରବଳ ଖରା ଓ ବର୍ଷା ନହେବାରୁ ଲିଚୁ ଚାଷୀ ଚିନ୍ତାରେ ପଡ଼ିଛି । ଗଛରେ ପେନ୍ଥା ପେନ୍ଥା ଲିଚୁକୋଳି ହୋଇଥିଲେ ମଧ୍ୟ ପ୍ରବଳ ଖରାରେ ଲିଚୁଗୁଡ଼ିକ ଫାଟିଯିବା ସହ ପଚିବାକୁ ଆରମ୍ଭ କଲାଣି ।

ଏ ବର୍ଷ ଭଲ ଲିଚୁ ଫଳିଥିବାରୁ ଅଧିକ ଦୁଇ ପଇସା ରୋଜଗାର ଆଶାରେ ଥିଲା ଚାଷୀ । ହେଲେ ପ୍ରବଳ ଗ୍ରୀଷ୍ମ ପ୍ରବାହ ଲିଚୁ ଚାଷୀର ସ୍ୱପ୍ନକୁ ଭାଙ୍ଗିଦେଇଛି । ଗୋଟିଏ ଗଛରୁ ଲିଚୁ ବ୍ୟବସାୟ କରି ଯେଉଁ ଚାଷୀ ୫୦ ହଜାର ଟଙ୍କା ରୋଜଗାର କରିଥା’ନ୍ତା... ଏବେ ସେହି ଗୋଟିଏ ଗଛରୁ ୧୦ ହଜାର ଟଙ୍କା ଲିଚୁ ବିକ୍ରି ହେବ କି ନାହିଁ ବୋଲି ଚାଷୀମାନେ କହିଛନ୍ତି ।

Also Read

ପୁରୀରେ BJP ହେଭିୱେଟ୍‌ ନେତା; ଶ୍ରୀଜିଉଙ୍କ ଦର୍ଶନ କରିବେ ଗଡ଼କରୀ

ଯୁକ୍ତଦୁଇ ଛାତ୍ରୀଙ୍କୁ ଗ୍ୟାଙ୍ଗରେପ୍, ଏସପି କାର୍ଯ୍ୟାଳୟ ଘେରିଲା ବିଜେପି ମହିଳା ମୋର୍ଚ୍ଚା

ପରିବେଶ ସୁରକ୍ଷା ପାଇଁ ନିଆରା ରେକର୍ଡ,ସମାଜକୁ ଦେଉଛନ୍ତି ସଚେତନତାର ବାର୍ତ୍ତା

ସୁନ୍ଦରଗଡ଼ ଜିଲ୍ଲା ବଣାଇ ଅଞ୍ଚଳର କୁଳିପୋଷ, ଖୁଟୁଗାଁ, ଗଡ଼ରୁଆଁ ଅଂଚଳରରେ ବିଶେଷ ଭାବେ ଲିଚୁଚାଷୀ ପ୍ରଭାବିତ ହୋଇଛନ୍ତି । ଶହଶହ ଗଛରେ ସିନା ଲିଚୁ ଗୁଡ଼ିକ ଲାଲ ଟହଟହ ଦିଶୁଛି ହେଲେ ଅଧାରୁ ଅଧିକ ଲିଚୁ ପାଚି, ଫାଟି ନଷ୍ଟ ହୋଇଛି । ତେଣେ ଚାଷୀଙ୍କ ଅଭିଯୋଗ ଅନୁସାରେ ବାରମ୍ବାର ବିଦ୍ୟୁତ୍‌ କାଟ୍‌ ହେଉଛି । ଫଳରେ ଗଛ ମୂଳରେ ପାଣି ଦେଇ ହେଉନାହିଁ । ସରକାର ଯଦି ଏଥି ପ୍ରତି ଧ୍ୟାନ ଦିଅନ୍ତେ ତେବେ ସେମାନେ ଉପକୃତ ହୋଇପାରନ୍ତେ ବୋଲି କହିଛନ୍ତି ଲିଚୁ ଚାଷୀମାନେ ।