LIVE TV
ଅନ୍ଧବିଶ୍ବାସରୁ ମୃତଦେହକୁ ସତ୍କାର ନକରି ୨୪ ଘଣ୍ଟା ଧରି ଘରେ ରଖିଲେ ପରିବାର ଲୋକେ । ଗୁଣିଆର ଝଡ଼ାଫୁଙ୍କା ଓ ପୂଦଜାପାଠରେ ପୁଅ ପୁଣି ବଞ୍ଚିଯିବାର ବିଶ୍ୱସରେ ଶ୍ମସାନ ନନେଇ ଘରେ ରଖିଲେ । ହେଲେ ଶେଷରେ ସବୁ ଉଦ୍ୟମ ନିଷ୍ଫଳ ହେବା ଏବଂ ଗୁଣିଆ ଉପରେ ଭରସା ତୁଟିବାରୁ ମୃତଦେହ ସତ୍କାର ହୋଇଛି । ସମ୍ବଲପୁର ଜିଲ୍ଲା ରେଢାଖୋଲରେ ଦେଖିବାକୁ ମିଳିଛି ଏଭଳି ଅଭାବନୀୟ ଘଟଣା ।
ମଲା ପୁଅ ବଞ୍ଚିବ, ପୁଣି ସଚଳ ହେବ ନିଶ୍ଚଳ ଶରୀର । ଗୁଣିଆର ପୂଜାପାଠ ଓ ତନ୍ତ୍ରମନ୍ତ୍ର ଭିତରେ ସବୁ ଠିକ୍ ଠାକ୍ ହୋଇଯିବ । ଏଇ ଭରସା ଓ ବିଶ୍ୱାସରେ ଦୀର୍ଘ ୨୪ ଘଣ୍ଟାରୁ ଅଧିକ ସମୟ ଧରି ଘର ଭିତରେ ପଡ଼ି ରହିଲା ମୃତଦେହ । ଆଜିକା ଦିନରେ ନିହାତି ଅବିଶ୍ୱାସନୀୟ ମନହେଉଥିଲେ ବି ବାସ୍ତବରେ ଦେଖିବାକୁ ମିଳିଛି ଏ ଅଭାବନୀୟ ଦୃଶ୍ୟ । ସମ୍ବଲପୁର ରେଢାଖୋଲ ଥାନା ନୂଆସାହି ଅଞ୍ଚଳର ବାହାଦୁର କଅରଙ୍କ ୨୨ ବର୍ଷୀୟ ପୁଅ ବୀରେନ ଗଲା କିଛି ଦିନ ହେବ ଜ୍ୱରରେ ପୀଡ଼ିତ ଥିଲେ । ପରିବାର ଲୋକେ ତାଙ୍କୁ ଚିକିତ୍ସା ଲାଗି ପ୍ରଥମେ ବୁର୍ଲା ନେଇଥିଲେ ।
Also Read
ସେଠାରେ ଚିକିତ୍ସା ହୋଇ ଫେରିବା ପରେ ଗତକାଲି ପୁଣି ଗୁରୁତର ହୋଇପଡ଼ିଥିଲେ ବୀରେନ। ପରେ ଘର ଲୋକେ ତାଙ୍କୁ ତୁରନ୍ତ ରେଢାଖୋଲ ଡାକ୍ତରଖାନା ଆଣିଥିଲେ । ସେଠାରେ ପ୍ରାୟ ୨ ଘଣ୍ଟାର ଚିକିତ୍ସା ଭିତରେ ଆଖି ବୁଜି ଦେଇଥିଲେ ବୀରେନ୍ । ବୀରେନଙ୍କ ମୃତ୍ୟୁ ହୋଇଥିବା ନେଇ ଘୋଷଣା କରିଥିଲେ ତାଙ୍କୁ ଚିକିତ୍ସା କରୁଥିବା ଡାକ୍ତର । ହେଲେ ଡାକ୍ତରଙ୍କ କଥାରେ ସହମତ ହୋଇପାରିନଥିଲେ ପରିବାର ଓ ସମ୍ପର୍କୀୟ । ମୃତଦେହକୁ ଘରକୁ ନେଇ ତାକୁ ପୁନର୍ଜିବିତ କରିବାକୁ ଆରମ୍ଭ କରିଥିଲେ ପ୍ରୟାସ । ଏଥିପାଇଁ ଏକାଧିକ ଗୁଣିଆଙ୍କ ସାହାଯ୍ୟ, ପରାମର୍ଶ ଲୋଡ଼ାଯାଇଥିଲା ।
ମୃତକଙ୍କୁ ଝଡ଼ାଫୁଙ୍କା ଓ ପୂଜାପାଠ ଦ୍ୱାରା ବଞ୍ଚାଇବାର ଉଦ୍ୟମ ଭିତରେ ବୀରେନଙ୍କ ପରିବାର ଆଜି ଲୋକେ ପୁଅର ମୃତ୍ୟୁ ପାଇଁ ଗୁଣିଗାରେଡ଼ିକୁ ଦାୟୀ କରି ରେଢାଖୋଲ ଥାନାରେ ଏକ ଏତଲା ଦେଇଥିଲେ । ପଡ଼ୋଶୀ ସହ ଗଣ୍ଡଗୋଳ ଓ ଆକ୍ରୋଶରୁ ସେମାନେ ଗୁଣି କରି ପୁଅକୁ ହତ୍ୟା କରିଥିବା ଅଭିଯୋଗ ପରେ ଆଜି ସକାଳେ ଗାଁରେ ପହଞ୍ଚିଥିଲା ପୋଲିସ । ଏପଟେ ମୃତଦେହ କାଲିଠୁ ସତ୍କାର ନହୋଇ ଘରେ ପଡ଼ିରହିଥିବା ଜାଣିବାକୁ ପାଇବାରୁ ପରିବାର ଲୋକଙ୍କୁ ଶବ ଶତ୍କାର ପାଇଁ ବୁଝାଇବାକୁ ଚେଷ୍ଟା କରିଥିଲା ପୋଲିସ । ହେଲେ ପରିବାର ଲୋକେ ନାରାଜ ସହ ନଛୋଡ଼ବନ୍ଦା ଥିଲେ ସମ୍ପର୍କୀୟ ।
ତେବେ ମୃତଦେହକୁ ପୁଣି ବଞ୍ଚାଇଦେବାର ସବୁ ନିରର୍ଥକ ଉଦ୍ୟମ ନିଷ୍ଫଳ ହେବା ପରେ ଶେଷରେ ପ୍ରାୟ ୨୪ ଘଣ୍ଟା ଶବ ଶତ୍କାର କରିଛନ୍ତି ପରିବାର ଲୋକେ ।
- Reported by:
- GAUTAM PANDA , RAMAKANTA MAHANANDA
