LIVE TV
ବୋମା ବିସ୍ଫୋରଣରେ ଦନ୍ତା ହାତୀର ମୃତ୍ୟୁ । ଭରତପୁର ଜଙ୍ଗଲରେ ବୋମା ବିସ୍ଫୋରଣର ଶିକାର ହୋଇଥିବା ଏକ ଦନ୍ତା ହାତୀର ମୃତ୍ୟୁ ହୋଇଛି । ହାତୀଟି ଖୋର୍ଦ୍ଧା ଜଙ୍ଗଲରୁ ଆସିଥିବା ଅନୁମାନ କରାଯାଉଛି । ଏହି ହାତୀକୁ ଗତକାଲି ଭରତପୁର ଜଙ୍ଗଲରେ ବନ ବିଭାଗ କର୍ମଚାରୀ ଠାବ କରିଥିଲେ ।
ଅସୁସ୍ଥ ହାତୀର ଚିକିତ୍ସା OUAT ଓ ନନ୍ଦନକାନନ ପ୍ରାଣୀ ଚିକିତ୍ସକଙ୍କ ଦ୍ୱାରା କରାଯାଉଥିଲା । ତେବେ ଗତକାଲି ମଧ୍ୟରାତ୍ରରେ ଦନ୍ତାର ମୃତ୍ୟୁ ହୋଇଥିବା ଜଣାପଡିଛି । ଚିକିତ୍ସା କରିଥିବା ଡାକ୍ତରଙ୍କ କହିବା ଅନୁଯାୟୀ, ପ୍ରାୟ ୧୫ ଦିନ ତଳୁ ହାତୀଟି ବିସ୍ଫୋରଣର ଶିକାର ହୋଇଥିବା ଅନୁମାନ କରାଯାଉଛି ।
ବାରହା ଶିକାର ପାଇଁ ଶିକାରୀ ଖଞ୍ଜିଥିବା ବୋମା ଖାଇ ଦନ୍ତା ହାତୀଟି ବିସ୍ଫୋରଣର ଶିକାର ହୋଇଥିବା ଅନୁମାନ କରାଯାଉଛି। ବୋମା ବିସ୍ଫୋରଣରେ ହାତୀଟିର ଜିଭ ଛିଡ଼ିଯିବା ସହ ମାଢ଼ି ହାଡ଼ ଫାଟି ନଷ୍ଟ ହୋଇଯାଇଥିଲା । ତେବେ ଏନେଇ ଯୋଗାଯୋଗ କରା ଯାଇଥିଲେ ମଧ୍ୟ ବନ ବିଭାଗ ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନାହିଁ ।
Also Read
ଅନ୍ୟପଟେ ପ୍ରଶ୍ନ ଉଠିଛି ଜଙ୍ଗଲ ଭିତରେ ବୋମା ଖଞ୍ଜିଲା କିଏ? ଜଙ୍ଗଲରେ କିପରି ଶିକାରୀ ବେଫିକର୍ ହୋଇ ବୁଲୁଛନ୍ତି? ବୋମା ଖଞ୍ଜିବାକୁ କେମିତି ସାହସ ମିଳୁଛି? ସେପଟେ ବୋମା ବିସ୍ଫୋରଣରେ ଦନ୍ତା ହାତୀର ମୃତ୍ୟୁ ମାମଲାରେ ଆରମ୍ଭ ହୋଇଛି ତଦନ୍ତ । କେଉଁ ସ୍ଥାନରେ ବୋମା ଖଞ୍ଜା ଯାଇଥିଲା, ବୋମା କିଏ ଖଞ୍ଜି ଥିଲା ସେ ସବୁର ଅନୁଧ୍ୟାନ କରାଯାଉଛି ।
ଆଜି ଏନେଇ ସୂଚନା ଦେଇଛନ୍ତି ବନ୍ୟପ୍ରାଣୀ ପିସିସିଏଫ୍ ସୁଶାନ୍ତ ନନ୍ଦ । ଭରତପୁର ଜଙ୍ଗଲରେ ବୋମା ବିସ୍ଫୋରଣର ଶିକାର ହୋଇଥିବା ଦନ୍ତା ହାତୀକୁ ୧୫ ଦିନ ତଳୁ ଚନ୍ଦକା ଅଭୟାରଣ୍ୟରେ ଠାବ କରାଯାଇ ଚିକିତ୍ସା କରାଯାଉଥିଲା ।
ଅସୁସ୍ଥ ହାତୀର ଚିକିତ୍ସା OUAT ଓ ନନ୍ଦନକାନନ ପ୍ରାଣୀ ଚିକିତ୍ସକଙ୍କ ଦ୍ୱାରା ହୋଇଥିଲା । ତେବେ ଗତକାଲି ମଧ୍ୟରାତ୍ରରେ ଦନ୍ତାର ମୃତ୍ୟୁ ଘଟିଛି ।
