ହୀରାର ବେଳାଭୂମି ନା ସ୍ୱର୍ଗପୁର !

ଆଇସ୍‌ଲ୍ୟାଣ୍ଡ: ଡାଇମଣ୍ଡ ତ ଆମେ ସମସ୍ତେ ଦେଖିଛୁ । ହେଲେ ‌ଆପଣ କେବେ ଏଭଳି ବିଚ୍‌ ବା ବେଳାଭୂମି ଦେଖିଛନ୍ତି, ଯେଉଁଠାରେ ଆପଣ ଡାଇମଣ୍ଡ ପାଇଯିବେ । ଆଉ ସେଥିପାଇଁ ଏହି ବିଚର ନାଁ ହେଉଛି ଡାଇମଣ୍ଡ ବିଚ୍‌ । ଏବେ ମନରେ ପ୍ରଶ୍ନ ନିଶ୍ଚୟ ଆସିବ, କଣ ବେଳାଭୂମିରେ ହୀରା ମିଳିବା ସ୍ୱାଭାବିକ କି ସମ୍ଭବ । ତେବେ ଆମେ କହିବୁ ଏହା ସମ୍ଭବ । କାରଣ ଏହିଭଳି ଏକ ବେଳାଭୂମି ରହିଛି ସ୍ୱର୍ଗର ଭୂମି, ଆଇସ୍‌ଲ୍ୟାଣ୍ଡରେ । ଏହି ବେଳାଭୂମିଟି ଦେଖିବାକୁ ବେଶ୍‌ ସୁନ୍ଦର । ଆଉ ଏହି ସ୍ଥାନର ଟ୍ୱିଷ୍ଟ ହେଉଛି, ପ୍ରତିଥର ଏହି ବେଳାଭୂମି ଭିନ୍ନ ଆଉ ନୂଆ ଲାଗେ । ଅର୍ଥାତ୍‌ ଗୋଟେ ସମୟରେ ଆପଣ ଏହି ବେଳାଭୂମିକୁ ଯେପରି ଦେଖିବେ, ତା ପରବର୍ତ୍ତି ସମୟରେ ଏହି ବେଳାଭୂମି ଭିନ୍ନ ଦୃଶ୍ୟମାନ ହୁଏ ।

Diamond Beach, Iceland

ଏହି ବେଳାଭୂମିରେ କଳାବାଲିର ପରସ୍ତ ‌ଆପଣ ଦେଖିବାକୁ ପାଇବେ । ଆଉ ତା ସହ ଡାଇମଣ୍ଡ ଅର୍ଥାତ୍‌ ହୀରା ଭଳି ଚମକୁଥିବା ଗ୍ଲାସିୟର ଦେଖିବାକୁ ମିଳେ । ଆଉ ଏହି କମ୍ବିନେସନ କାରଣରୁ ହିଁ ଏହି ସ୍ଥାନକୁ ଡାଇମଣ୍ଡ ବେଳାଭୂମି ବୋଲି କୁହାଯାଏ । ଏହା ଆଇସଲ୍ୟାଣ୍ଡର ସାଉଥ କୋଷ୍ଟାରେ ଜୋକୁରସାରଲନ ଗ୍ଲାସିୟର ଲାଗୁନରେ ଅବସ୍ଥିତ । ଏହା ପ୍ରକୃତି ପ୍ରେମୀ, ଫଟୋଗ୍ରାଫର ତଥା ପ୍ରକୃତି ଗବେଷକମାନଙ୍କର ପ୍ରିୟ ସ୍ଥାନ ହୋଇପାରିଛି ।

Also Read

ପୋକ ଲାଗି ନଷ୍ଟ ହେବାକୁ ବସିଲାଣି ପାଚିଲା ଧାନ : ମୁଣ୍ଡରେ ହାତଦେଇ ବସିଛନ୍ତି ଚାଷୀ

ଭିଜିଲାନ୍ସ ଭୟରେ ବାବୁ ଫିଙ୍ଗିଦେଲେ ଟଙ୍କା ପେଟି !

ସ୍ନେହ, ପ୍ରେମ ସମ୍ପର୍କର ଅତୁଟ ଡୋର ! ସୁବଳଙ୍କ ବଂଶୀ ସ୍ୱରରେ ବିମୋହିତ ହୋଇ ପାଖକୁ ଦୌଡ଼ି ଆସନ୍ତି ଗାଈଗୋରୁ

ଏହି ଆଇସଲ୍ୟାଣ୍ଡରେ ଜୋକୁରସାରଲନ ଗ୍ଲାସିୟର ଲାଗୁନ ବରଫରେ ଭରପୁର । ତେବେ ଏହାର ନିଆରା ତଥା ବିଚିତ୍ର ଦୃଶ୍ୟ ଦେଖି ଏହାକୁ ଚମତ୍କାରୀ ବେଳାଭୂମି ବୋଲି ମଧ୍ୟ କୁହାଯାଏ । ଏହି ସ୍ଥାନରେ ପହଁଚିବା ପରେ ଲାଗେ ଯେପରି ଆପଣ ଭିନ୍ନ ଏକ ଦୁନିଆରେ ପହଞ୍ଚି ଯାଇଛନ୍ତି । ଏଠି ଗ୍ଲାସିୟରର ବରଫ ଗୁଡିକ ବେଳାଭୂମିରେ ହୀରାର ଭ୍ରମ ସୃଷ୍ଟି କରେ । ଏହି ସ୍ଥାନଟି ପରିଭ୍ରମଣ ପାଇଁ ବେଶ୍‌ ଉପଯୋଗୀ ଓ ସୁରକ୍ଷିତ । କେବଳ ଯେ ହୀରା ଭଳି ଦୃଶ୍ୟମାନ ହେଉଥିବା ବରଫ ଏହି ସ୍ଥାନର ବିଶେଷତ୍ତ୍ୱ ନୁହେଁ, ବରଂ ଏହି ବେଳାଭୂମିରେ ଥିବା କଳାବାଲିର ପରସ୍ତ ମଧ୍ୟ ଏହି ସ୍ଥାନକୁ ବେଶ ନିଆରା ଓ ସୁନ୍ଦର ବନାଏ ।

Diamond Beach

ଆଇସଲ୍ୟାଣ୍ଡର ସାଉଥ କୋଷ୍ଟାରେ ଜୋକୁରସାରଲନ ଗ୍ଲାସିୟର ଲାଗୁନରେ ଏହି ସ୍ଥାନଟି ପ୍ରତିଥର ନିଜର ରୂପ ବଦଳାଇଥାଏ, ଆଉ ସମସ୍ତଙ୍କୁ ଆକୃଷ୍ଟ କରିଥାଏ । ସୂର୍ଯ୍ୟୋଦୟ ଓ ସୂର୍ଯ୍ୟାସ୍ତ ସମୟରେ ଏହି ବେଶ୍‌ ଅଦ୍ଭୁତ ଭାବେ ସୁନ୍ଦର ଲାଗିଥାଏ । ତେଣୁ ଏହାର ସୁନ୍ଦରତାକୁ ନଜରରେ ରଖି ଏହି ସ୍ଥାନକୁ ହୀରାର ବେଳାଭୂମି ବୋଲି କୁହାଯାଏ । ଆଉ ପ୍ରତିକ୍ଷଣରେ ରୂପ ବଦଳାଉଥିବା ଏହି ଚମତ୍କାର ବେଳାଭୂମିର ବିଶେଷତ୍ତ୍ୱ ଦେଖି ଏହି ସ୍ଥାନର ନାଁ ଦିଆଗଲା ଡାଇମଣ୍ଡ ବିଚ୍‌ । ଏହି ସ୍ଥାନକୁ ଦେଖିଲେ ହିଁ ଅନୁମାନ କରିହୁଏ ଯେ, ବାସ୍ତବରେ ପ୍ରକୃତି ଠାରୁ ସୁନ୍ଦର କଳାକାର ଆଉ କିଏ ବା ଅଛି ।