SCB ମେଡିକାଲ୍‌ ଟିକେଟ୍‌ କାଉଣ୍ଟରରେ ମଦ ପିଇଲେ କର୍ମଚାରୀ, ଭିଡିଓ ଭାଇରାଲ୍‌

କଟକ SCB ମେଡିକାଲ୍‌ ଟିକେଟ୍‌ କାଉଣ୍ଟର ଭିତରେ ମଦ ପିଇବା ଘଟଣାରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ଲିଫ୍ଟ ଅପରେଟର ତଥା ଠିକା କର୍ମଚାରୀ ସନ୍ତୋଷ ଦାସଙ୍କୁ ନିଲମ୍ବନ କରାଯାଇଛି। ନିଲମ୍ବନ ସହ SCB କ୍ୟାମ୍ପସକୁ ମେଡିକାଲ୍‌ କର୍ତ୍ତୃପକ୍ଷ ତାଙ୍କୁ ମନା କରିଛନ୍ତି। ଘଟଣାରେ ‌ଆଉ କେହି ସମ୍ପୃକ୍ତି ନେଇ ତଦନ୍ତ କରାଯିବ ବୋଲି କର୍ତ୍ତୃପକ୍ଷ କହିଛନ୍ତି।

ସୂଚନାଥାଉ କି, SCB ମେଡିକାଲ୍‌ ଟିକେଟ୍‌ କାଉଣ୍ଟର ଭିତରେ ଜଣେ କର୍ମଚାରୀ ମଦ ପିଇବା ଭିଡିଓ ଭାଇରାଲ ହୋଇଥିଲା। ମାମଲାର ତନାଘନା ପରେ ଲିଫ୍ଟ ଅପରେଟର ତଥା ଠିକା କର୍ମଚାରୀ ସନ୍ତୋଷ ଦାସଙ୍କୁ ନିଲମ୍ବନ କରାଯାଇଛି। ମେଡିକାଲ୍‌ କର୍ତ୍ତୃପକ୍ଷ ଏହି କାର୍ଯ୍ୟାନୁଷ୍ଠାନ ନେଇଛନ୍ତି।

#ମଦ_ପିଇ_ଚାକିରି_ଗଲା
କଟକ SCB ମେଡିକାଲ୍‌ ଟିକେଟ୍‌ କାଉଣ୍ଟର ଭିତରେ ମଦ ପିଇବା ଘଟଣାରେ କାର୍ଯ୍ୟାନୁଷ୍ଠାନ। ଭିଡିଓ ଭାଇରାଲ୍‌ ପରେ କାର୍ଯ୍ୟାନୁଷ୍ଠାନ ଗ୍ରହଣ...#SCBMedical #Cuttack #Odisha pic.twitter.com/OgPdwjZtxv

— ଓଟିଭି (@otvkhabar) September 19, 2022

କର୍ମଚାରୀ ଜଣକ SCB ମେଡିକାଲ ଟିକେଟ୍ କାଉଣ୍ଟର ଭିତରେ ବସି ମଦ ପିଉଥିଲେ। ଭିଡିଓରେ ଟିକେଟ୍ କାଉଣ୍ଟର ଭିତରେ ପଶି ଜଣେ କର୍ମଚାରୀ ମଦ ପିଉଥିବା ଦେଖିବାକୁ ମିଳିଥିଲା। ପୂର୍ବରୁ ବହୁବାର ମେଡିକାଲ କାଜୁଆଲିଟିରେ କର୍ମଚାରୀମାନେ ରୋଗୀଙ୍କ ସମ୍ପର୍କୀୟଙ୍କଠାରୁ ଟଙ୍କା ଆଦାୟ କରୁଥିବା ଅଭିଯୋଗ ହୋଇଥିଲା। ଆଉ ଏବେ ଟିକେଟ୍‌ କାଉଣ୍ଟର ଭିତରେ ଜଣେ କର୍ମଚାରୀ ମଦ ପିଉଥିବା ଭିଡିଓ ଭାଇରାଲ୍‌ ହୋଇଛି। 

OTV is now on Whatsapp

Join and get latest news update delivered to you via whatsapp

Join Now