ରାସ୍ତା ଉପରକୁ ଆସି ବସ୍ ଅଟକାଇଲା, ଶୁଣ୍ଢରେ ବାଡ଼େଇ କାଚ ଭାଙ୍ଗିଲା...ଲୋକେ ଛାନିଆଁରେ ଦୌଡ଼ିଲେ

ରାସ୍ତା ଉପରକୁ ହଠାତ୍‌ ଆସିଗଲା ବଣୁଆହାତୀ । ଯାତ୍ରୀବାହି ବସ୍‌କୁ ଅଟକାଇଲା ଦନ୍ତା । ପରେ ବସ୍‌କୁ ଠେଲିବାକୁ ଲାଗିଲା । ଶୁଣ୍ଢ ବାଡ଼ାଇ ବସ୍‌ର କାଚକୁ ବି ଭାଙ୍ଗିଦେଲା । ଏଭଳି କିଛି ଘଟଣା ରାୟଗଡ଼ା କମରଡ଼ାରେ ଘଟିଛି । ଆପଣ ଦେଖୁଥିବା ଏହି ଭିଜୁଆଲ୍ ଆଜିର ।

ରାୟଗଡ଼ା କମରଡ଼ା ବ୍ଲକ ଆର୍ତମ୍ ଗାଁ ନିକଟରେ ଏକ ବସକୁ ଅଟକାଇ ଦେଇଛି ଦନ୍ତା ହାତୀ । ବସରେ ୪୦ରୁ ଅଧିକ ଯାତ୍ରୀ ରାୟଗଡ଼ା କଲ୍ୟାଣସିଂହପୁରରୁ ଆନ୍ଧ୍ର ପ୍ରଦେଶର ପାର୍ବତୀପୁରମକୁ ଯାଉଥିଲା ।

ଏହି ସମୟରେ ହଠାତ୍ ହାତୀ ରାସ୍ତା ଉପରକୁ ଚାଲି ଆସିଥିଲା । ଘଟଣାସ୍ଥଳରେ ବେଶ୍ କିଛି ସମୟ ପାଇଁ ଆତଙ୍କ ଖେଳି ଯାଇଛି । ବସ୍‌ରୁ ଓହ୍ଲାଇ ଯାତ୍ରୀମାନେ ଏଣେତେଣେ ଦୌଡ଼ିଛନ୍ତି ।