LIVE TV
ବିଜ୍ଞାପନ ପାଇଁ ସଧବାକୁ ବିଧବା କରିଦେଲେ, ସ୍ୱାମୀ ବଞ୍ଚି ଥାଉ ଥାଉ ବିଧବା ହୋଇଗଲେ ବୃଦ୍ଧା । ‘ଆମ ଓଡିଶା ନବୀନ ଓଡିଶା’ ମାଗାଜିନରେ ଏଭଳି ସାଂଘାତିକ ଭୁଲ ପଦାକୁ ଆସିଛି । ଏନେଇ ବୃଦ୍ଧା ଜଣକ ଅସନ୍ତୋଷ ପ୍ରକାଶ କରିଥିବା ବେଳେ ପ୍ରିଣ୍ଟିଂ ଭୁଲ କଥା କହି ଏଡାଇ ଯାଇଛନ୍ତି ବିଡ଼ିଓ । ଏପରି ଘଟଣା ଘଟିଛି ବରଗଡ ରୁଚିଦା ପଞ୍ଚାୟତ ବଡ ଦର୍ଲିପାଲି ଗ୍ରାମରେ । ମାଗାଜିନଟି ହେଉଛି ‘ଆମ ଓଡିଶା ନବୀନ ଓଡିଶା’ । ଏଥିରେ ଏକ ପୋଷ୍ଟରେ ବିଜ୍ଞାପନ ଲେଖା ଯାଇଛି ।
ସ୍ୱାମୀ ବଞ୍ଚି ଥାଉ ଥାଉ ବୃଦ୍ଧାଙ୍କୁ ବିଧବା ଲେଖି ଦେଇଛନ୍ତି । ଏହି ବୃଦ୍ଧା ମହିଳାଙ୍କ ନାମ ହେଉଛି ତେଜକୁଏଁର ପଟେଲ । ତାଙ୍କ ସ୍ୱାମୀ ଏବେବି ଜୀବିତ ଅଛନ୍ତି । ହେଲେ ‘ଆମ ଓଡିଶା ନବୀନ ଓଡିଶା’ ମାଗାଜିନରେ ତାଙ୍କୁ ବିଧବା ବୋଲି ଦର୍ଶାଯାଇଛି । ଯାହାକୁ ନେଇ ଅସନ୍ତୋଷ ବ୍ୟକ୍ତ କରିଛନ୍ତି ତେଜକୁଏଁର ।
ସେହିପରି ବିଏସକେୱାଇ କାର୍ଡରେ ତେଜକୁଏଁର ପଟେଲ ଛତିଶଗଡର ସାରଙ୍ଗଗଡରେ ଚିକିତ୍ସିତ ହୋଇଥିବା ବେଳେ ବରଗଡରେ ଚିକିତ୍ସିତ ହୋଇଥିବା ଦର୍ଶାଯାଇଥିବା ଅଭିଯୋଗ ହୋଇଛି । ଏଠି ପ୍ରଶ୍ନ ଏହି ତଥ୍ୟକୁ ଲେଖିଲା କିଏ ? ଲେଖିବା ପୂର୍ବରୁ ବୃଦ୍ଧା ତେଜକୁଏଁର ପଟେଲଙ୍କୁ ପଚରାଯାଇଥିଲା ତ ? ଯଦି ପଚରା ଯାଇଥିଲା ତାହେଲେ ଏତେ ବଡ ଭୁଲ ହେଲା କେମିତି ? ଏଭଳି କିଛି ପ୍ରଶ୍ନ ଏବେ ଜନସାଧାରଣଙ୍କ ମନରେ ଉଙ୍କି ମାରୁଛି ।
Also Read
ଅନ୍ୟପଟେ ଏହି ଘଟଣାକୁ ନେଇ ଆମେ ଆମ୍ବାଭୋନା ଗୋଷ୍ଠୀ ଉନ୍ନୟନ ଅଧିକାରୀ ଶଙ୍କର ବାଗଙ୍କୁ ପଚାରିବାରୁ ଭୁଲ ପ୍ରିଣ୍ଟିଂ ପାଇଁ ଏଭଳି ହୋଇଥିବା କହି କଥାକୁ ଏଡାଇ ଦେଇଛନ୍ତି ।
