ମୋତେ ବ୍ଲାକ୍‌ମେଲ୍‌ କରିନାହାନ୍ତି: ବାବୁସାନ୍

ଆଉ ଏକ ଭିଡିଓ ଛାଡ଼ିଲେ ଅଭିନେତା ବାବୁସାନ୍। ପୁଣି ଏକ ଭିଡିଓରେ ସ୍ପଷ୍ଟୀକରଣ ଦେଲେ ଅଭିନେତା ବାବୁସାନ୍। ପରିବାର ଲୋକଙ୍କ ଅଭିଯୋଗକୁ ଖଣ୍ଡନ କଲେ ବାବୁସାନ୍। ଭିଡିଓରେ ଯାହା କଥା କୁହାଯାଉଛି; ସେ ମୋର ଭଲ ସାଙ୍ଗ। ନା ସେ ମୋତେ ବ୍ଲାକମେଲ କରୁଛି, ନା ସେ ହଇରାଣ କରୁଛି। ସେ ମୋତେ ଭଲ ସହଯୋଗ କରୁଛି।  

ପୁଣି ଏକ ଭିଡିଓରେ ସ୍ପଷ୍ଟୀକରଣ ଦେଲେ ଅଭିନେତା ବାବୁସାନ୍ । କହିଲେ- ଭିଡିଓରେ ଯାହା କଥା କୁହାଯାଉଛି; ସେ ମୋର ଭଲ ସାଙ୍ଗ... #BabushanMohanty #PrakrutiMishra #ViralVideo #OTV pic.twitter.com/gGy4lEDS0i

— ଓଟିଭି (@otvkhabar) July 24, 2022

ଘନଉଛି ଓଡ଼ିଆ ଷ୍ଟାରଙ୍କ ଘର କଳି । ଅଭିନେତା ବାବୁସାନ ଓ ଅଭିନେତ୍ରୀ ପ୍ରକୃତି ମିଶ୍ରଙ୍କ ସମ୍ପର୍କକୁ ନେଇ ହଙ୍ଗାମା ପରେ ମୁହାଁମୁହିଁ ଅବସ୍ଥାକୁ ଚାଲିଆସିଛନ୍ତି ବାବୁସାନ ଓ ପ୍ରକୃତିଙ୍କ ପରିବାର । ଏପରିକି ଅଭିନେତ୍ରୀ ଅପରାଜିତା ପୁଅ ବାବୁସାନଙ୍କ ତ୍ରୁଟିକୁ ସ୍ୱୀକାର କରୁଛନ୍ତି । ତଥାପି ସେ ପୁଅ ବୋହୂଙ୍କ ସପକ୍ଷରେ ଛିଡ଼ା ହୋଇଛନ୍ତି । ଅପରାଜିତା ମହାନ୍ତି କହିଛନ୍ତି ଯେ, ବାବୁସାନ ପରିବାର ଠାରୁ ଦୂରେଇ ଯିବା ଓ ଭୁଲିଯିବା ପିଲା ନୁହେଁ । ଦେଢ଼ ବର୍ଷ ହେଲା ତା ଭିତରେ ପରିବର୍ତ୍ତନ ଆସିଲା, ଡିପ୍ରେସ୍ ରହିଲା । ଘରେ ରହିଲାନି, ଚିଡ୍‌ଚିଡ଼ା ହେଲା । ଯାହା ପରେ ରିଅଲ ବାବୁସାନ ଅଭାବ ପାଇଲୁ ବୋଲି କହିଛନ୍ତି ଅପରାଜିତା ।

କେବଳ ଏତିକି ନୁହେଁ ଅଭିନେତ୍ରୀ ପ୍ରକୃତି ମିଶ୍ରଙ୍କ ନାଁ ନ ନେଇ କହିଛନ୍ତି, ଜଣେ ଲେଡି ଆର୍ଟିଷ୍ଟଙ୍କ ବାପାଙ୍କ ପାଖକୁ ଏ ସଂପର୍କରେ ବହୁତ ଗୁହାରି କରିଥିଲୁ । କିନ୍ତୁ ତାଙ୍କ ସ୍ତ୍ରୀ, ଝିଅ ଓ ସେ ଗାଳି କରିଥିଲେ, ଅପଦସ୍ତ କରିଥିଲେ । ପ୍ରକୃତ ବନ୍ଧୁ ଅନ୍ୟ ବନ୍ଧୁର କେବେହେଲେ କ୍ଷତି ଚାହେଁନି । ମୋ ପୁଅ ବହୁତ ଷ୍ଟ୍ରଙ୍ଗ, ସେ ନିଶ୍ଚୟ ଫେରିବ ବୋଲି କହିଛନ୍ତି ଅପରାଜିତା ।