ୱାସିଂ ମେସିନ୍‌ ତଳେ ଲୁଚି ବସିଥିଲା ୬ ଫୁଟ୍‌ ଲମ୍ବା ରଣା ସାପ, ଦେଖନ୍ତୁ ଭିଡିଓ

ଓ୍ୱାସିଂ ମେସିନ୍ ତଳେ ୬ ଫୁଟ ଲମ୍ବର ରଣା ସାପ । ବରଗଡ଼ ଜିଲ୍ଲା ଅମ୍ବାପାଲି ଗାଁର ଅଜିତ ସେଠଙ୍କ ଘରୁ ଆଜି ଏଭଳି ଏକ ବିରାଟ ରଣା ସାପକୁ ଉଦ୍ଧାର କରାଯାଇଛି । ଗତକାଲି ରାତି ପ୍ରାୟ ୮ଟା ବେଳେ ଅଜିତ୍‌ଙ୍କ ଓ୍ୱାସିଂ ମେସିନ୍ ତଳେ ଏଇ ବିଷଧର ରଣା ସାପଟିକୁ ଦେଖି ପରିବାର ଲୋକେ ଆତଙ୍କିତ ହୋଇପଡ଼ିଥିଲେ । ଫଳରେ ତୁରନ୍ତ ସ୍ନେକ୍ ହେଲ୍ପଲାଇନ୍‌କୁ ଖବର ଦିଆଯାଇଥିଲା । ସ୍ନେକ୍ ହେଲ୍ପ ଲାଇନ୍ ସଦସ୍ୟ ରମଣ ବାଗ୍ ଘଟଣାସ୍ଥଳରେ ପହଞ୍ଚି ଅତି ସତର୍କତାର ସହ ସାପଟିକୁ ଉଦ୍ଧାର କରିଥିଲେ । ପରେ ସାପଟିକୁ ଗାଁଠୁ ଦୂର ଜଙ୍ଗଲରେ ଛାଡ଼ି ଦିଆଯାଇଥିଲା ।

#ୱାସିଂ_ମେସିନ୍‌_ତଳେ_ବିରାଟ_ରଣା_ସାପ
ବରଗଡ଼ ଜିଲ୍ଲା ଅମ୍ବାପାଲି ଗାଁର ଅଜିତ ସେଠଙ୍କ ଘରୁ ଏଭଳି ଏକ ବିରାଟ ରଣା ସାପକୁ ଉଦ୍ଧାର କରାଯାଇଛି#SnakeRescued#Bargarhapic.twitter.com/puWjO14zFj

— ଓଟିଭି (@otvkhabar) July 18, 2022