LIVE TV
କଣ୍ଟାବାଞ୍ଜିରେ ଥମୁନି ବେଆଇନ ଦାଦନ ଚାଲାଣ l ବେଆଇନ ଚାଲାଣବେଳେ ୩୦ ଦାଦାନ ଶ୍ରମିକ ଉଦ୍ଧାର ହୋଇଛନ୍ତି । ଗୋଟିଏ ବୋଲେରୋ ଗାଡି ଜବତ ସହ ୩ଜଣ ଦଲାଲକୁ ଅଟକ ରଖି ପୋଲିସର ପଚରାଉଚରା କରୁଛି । ବିଳମ୍ବିତ ରାତିରେ ରେଲୱେ ଷ୍ଟେସନ ପାଖରୁ ଦୁଇଟି ପୃଥକ ପୃଥକ ବେଆଇନ ଚାଲାଣ ହେଉଥିଲା ।
ଏଥିରେ ୨୧ଜଣ ପୁରୁଷ, ୯ଜଣ ମହିଳା ଓ ୪ ଜଣ ଛୋଟ ଛୁଆ ଉଦ୍ଧାର ହୋଇଛନ୍ତି । ଏମାନେ ସମସ୍ତେ ବେଳପଡା, ପାଟଣାଗଡ଼ ଓ ଦେଓଗାଁ ଥାନା ଅଞ୍ଚଳର ବୋଲି ଜଣାପଡିଛି । କଣ୍ଟାବାଞ୍ଜି ରେଲୱେ ଷ୍ଟେସନରୁ ବାହାର ରାଜ୍ୟକୁ ଚାଲାଣ ବେଳେ ଖବର ପାଇ ଦାଦନ ଶ୍ରମିକଙ୍କୁ ଥାନାକୁ ଆଣି ପଚରାଉଚରା କରିଥିଲା ପୋଲିସ l ପଚରାଉଚରା ବେଳେ କାହାରି ପାଖରେ କାଗଜପତ୍ର ନବାରୁ ବେଆଇନ
Also Read
ଭାବେ ଚାଲାଣ ହେଉଥିବା ଜଣାପଡ଼ିଛି l ତେବେ ଗାଁରେ ଶ୍ରମିକମାନଙ୍କୁ କାମ ମିଳୁ ନଥିବାବେଳେ ମାସ ମାସ ଧରି ପ୍ରାପ୍ୟ ମଧ୍ୟ ପାଉ ନାହାନ୍ତି । ଫଳରେ ଲୋକେ ବାଧ୍ୟ ହୋଇ ସର୍ଦାର ପାଖରୁ ଟଙ୍କା ନେଇ ବାହାର ରାଜ୍ୟକୁ ଚାଲାଣ ହେଉଥିବା କହିଛନ୍ତି ଶ୍ରମିକ ।
ଘଟଣାରେ ଗୋଟିଏ ବୋଲେରୋ ଗାଡି ଜବତ କରିବା ସହ ୩ଜଣ ଦଲାଲକୁ ଅଟକ ରଖି ପଚରାଉଚରା କରୁଛି କଣ୍ଟାବାଞ୍ଜି ପୋଲିସ l ସେପଟେ ଏ ସମ୍ପର୍କରେ ପୋଲିସର ପ୍ରତିକ୍ରିୟା ମିଳିପାରିନାହିଁ l
- Reported by:
- Antim Panigrahi
