ବର କୋଳି ଭାବି କାଚ ଗୁଲିକୁ ଗିଳିଦେଲା ୩ ବର୍ଷର ଶିଶୁ

ବର କୋଳି ଭାବି କାଚ ଗୁଲିକୁ ଗିଳିଦେଲା ୩ ବର୍ଷର ଶିଶୁ। ସୌଭାଗ୍ୟବଶତଃ ଶିଶୁଟି ସୁରକ୍ଷିତ ଅଛି। ବାଲେଶ୍ୱର ଜିଲ୍ଲା ସୋର ଥାନା ଅନ୍ତର୍ଗତ ପୁରୁଷୋତ୍ତମପୁର ଗାଁରେ ଏହି ଅଭାବନୀୟ ଘଟଣା ଘଟିଛି। ଖେଳୁଥିବା ବେଳେ ଶିଶୁ ପୁତ୍ର ୩ଟି କାଚ ଗୁଲିକୁ ବର କୋଲି ଭାବି ଗିଳି ଦେଇଥିଲା ବୋଲି ଜଣାପଡ଼ିଛି।

ସୂଚନା ଅନୁସାରେ, ଗାଁର ବାବାଜୀ ମଲ୍ଲିକଙ୍କର ୩ ବର୍ଷର ଶିଶୁ ପୁତ୍ର ବାଡ଼ିରେ ସାଙ୍ଗମାନଙ୍କ ସହ ଖେଳୁ ଥିଲେ। ଏହି ସମୟରେ ଶିଶୁ ପୁତ୍ରଟି  ୩ଟି କାଚ ଗୁଲିକୁ ବର କୋଳି ଭାବି ଗିଳି ଦେଇଥିଲା। ଗୁରୁତର ଅବସ୍ଥାରେ ଶିଶୁକୁ ସୋରୋ ଡାକ୍ତରଖାନାରେ ଭର୍ତ୍ତି କରାଯାଇଥିଲା।

ସେଠାରେ ଡାକ୍ତର ଦୁଇଟି କାଚ ଗୁଲିକୁ ବାହାର କରିବାରେ ସକ୍ଷମ ହୋଇଥିବା ବେଳେ ଏବେବି ଆଉ ଗୋଟିଏ ଗୁଲି ଶିଶୁ ପେଟରେ ଥିବା ଜଣାପଡ଼ିଛି। ଶିଶୁଟିର ଅବସ୍ଥା ଗୁରୁତର ହେବାରୁ ବାଲେଶ୍ୱର ଡାକ୍ତରଖାନାକୁ ସ୍ଥାନାନ୍ତର କରାଯାଇଛି।