LIVE TV
କେନ୍ଦ୍ରାପଡ଼ା ଆଳି: ବ୍ରାହ୍ମଣୀ ନଦୀରେ ଡଙ୍ଗାବୁଡ଼ି ୨ ନିଖୋଜ । ଏକମାଣିଆ ପଞ୍ଚାୟତରୁ ରାଜନଗର କେରଡାଗଡ଼ ଯାଉଥିଲେ । କୂଳରୁ କିଛିବାଟ ପରେ ଭାରସାମ୍ୟ ହରାଇ ଡଙ୍ଗା ଓଲଟି ପଡ଼ିଥିଲା । ମୋଟ ୩୦ ଯାତ୍ରୀ ଥିଲେ, ଗ୍ରାମବାସୀଙ୍କ ପକ୍ଷରୁ ଖୋଜାଖୋଜି ଜାରି ।
Also Read
ସୂଚନା ଅନୁସାରେ ଆଳି ନିକଟସ୍ଥ ବ୍ରାହ୍ମଣୀ ନଦୀରେ ଆଜି ସକାଳ ୬ଟା ସମୟରେ ପ୍ରଥମ ଡଙ୍ଗା ୩୦ ଯାତ୍ରୀ ନେଇ କେରଡାଗଡ଼ ଅଭିମୁଖେ ବାହାରିଥିଲା, ମାତ୍ର କିଛି ସମୟ ଡଙ୍ଗା ଚାଲିବା ପରେ ଡଙ୍ଗାଟି ଭାରସମ୍ୟ ହରାଇ ଓଲଟି ପଡ଼ିଥିଲା ।
ଡଙ୍ଗାଟି ଓଲଟି ପଡ଼ିବା ଫଳରେ ଯାତ୍ରୀମାନେ ନଦୀକୁ ଖସି ପଡିଥିଲେ । ୩୦ ଯାତ୍ରୀଙ୍କ ମଧ୍ୟରେ ୨ ଜଣ ନିଖୋଜ ଥିବା ବେଳେ ବାକି ଅନ୍ୟ ଯାତ୍ରୀମାନେ ନଦୀ କୂଳକୁ ପହଁରି ଆସିଥିଲେ । ୨ ଜଣ ନିଖୋଜଙ୍କ ମଧ୍ୟରେ ଜଣେ ନାବାଳକ ଓ ଜଣେ ନାଉରୀ ନିଖୋଜ ଅଛନ୍ତି । ତେବେ ଗ୍ରାମବାସୀଙ୍କ ପକ୍ଷରୁ ନିଖୋଜଙ୍କୁ ଉଦ୍ଧାର କରିବା ପାଇଁ ଖୋଜାଖୋଜି ଜାରି ରହିଥିବା ବେଳେ ନିକଟସ୍ଥ ଦମକଳ ବାହିନୀକୁ ଖବର ଦିଆଯାଇଛି ।
- Reported by:
- Banamali Sahoo
