ବୁଧବାର ରାନ୍ଧଣାରେ ଘରେ ବନାନ୍ତୁ କଙ୍କଡ଼ା କୋର୍ମା

କଙ୍କଡ଼ା ତରକାରୀ ପ୍ରାୟ ସମସ୍ତଙ୍କୁ ପସନ୍ଦ ଆସିଥାଏ । ଆଜି ଆମେ ଆପଣଙ୍କ ପାଇଁ କଙ୍କଡ଼ା କୋର୍ମା ରେସିପି ପ୍ରସ୍ତୁତ କରିବୁ। ଏହି ରେସିପିଟିକୁ ଆପଣ ଘରେ ଅତି ସହଜ ଓ ସରଳ ଉପାୟରେ ବନେଇ ପାରିବେ । ତେବେ ଚାଲନ୍ତୁ ଜାଣିବା ଏହାକୁ କିଭଳି ପ୍ରସ୍ତୁତ କରାଯାଏ ।

ଆବଶ୍ୟକ ସାମଗ୍ରୀ:

କଙ୍କଡ଼ା, ଟମାଟୋ, ପିଆଜ ରସୁଣ, ଡାଲଚିନି, ଗୁଜୁରାତି, ନଡ଼ିଆ କ୍ଷୀର, ତେଲ,ଲୁଣ, ହଳଦୀ, ଗରମ ମସଲା

ପ୍ରସ୍ତୁତି ପ୍ରଣାଳୀ:

• ପ୍ରଥମେ କଙ୍କଡ଼ାକୁ ଗରମ ପାଣିରେ ପକାଇଦିଅନ୍ତୁ।
• କଙ୍କଡ଼ା ମରିଯିବା ପରେ ଖୋଳପା ଛଡ଼ାଇ ମାଂସ ବାହାର କରନ୍ତୁ।
• ଏହାପରେ ମାଂସକୁ ଛୋଟ ଚୋଟ ଖଣ୍ଡରେ କାଟି ତେଲରେ ଭାଜି ଦିଅନ୍ତୁ।
• ଏବେ କଡ଼େଇରେ ତେଲ ଗରମ କରି ସେଥିରେ କଟା ପିଆଜ, ଟମାଟୋ ଓ ରସୁଣ ଏବଂ ଡାଲଚିନି ଓ ଗୁଜୁରାତି ବଟା ପକାଇ ଦିଅନ୍ତୁ

ଅଧିକ ପଢ଼ନ୍ତୁ: ଘରେ ବନାନ୍ତୁ ସୁଆଦିଆ ଡାଲ୍ ମିଟ୍‌

• ମସଲା ଭଲଭାବେ କଷି ହୋଇଯିବା ପରେ ସେଥିରେ କଙ୍କଡ଼ା ମାଂସ ପକାନ୍ତୁ ଓ କଷନ୍ତୁ।
• ମାଂସ କଷି ହେବା ପରେ ନଡ଼ିଆ ରସ ପକାଇ ଏହାକୁ ପୁଟାନ୍ତୁ। ଅଳ୍ପ ଫୁଟିଗଲା ପରେ ଚୁଲି ବନ୍ଦ କରି ଦିଅନ୍ତୁ।

ଏବେ ପ୍ରସ୍ତୁତ ହୋଇଗଲା ସୁଆଦିଆ କଙ୍କଡ଼ା କୋର୍ମା । ଏହି ରେସିପିଟିକୁ ଗରମ ଗରମ ଭାତ ସହିତ ଖାଇଲେ ବେଶୀ ସୁଆଦିଆ ଲାଗିଥାଏ ।