Goa Villa:ଗୋଆ ଯାଉଛନ୍ତି କି ? କାଜୋଲ ଓ ଅଜୟଙ୍କ ଭିଲାରେ ରହିପାରିବେ ... ଜାଣନ୍ତୁ କେତେ ଟଙ୍କା ଦେବାକୁ ପଡ଼ିବ ଭଡ଼ା

ଆପଣ ଗୋଆ ଯିବାର ଯୋଜନା କରୁଛନ୍ତି କି ଏବଂ ସେଠାରେ ରହିବା ପାଇଁ କୌଣସି ଲକଜୁରିୟସ ଓ ଅତ୍ୟନ୍ତ ସୁନ୍ଦର ସ୍ଥାନର ଖୋଜ କରୁଛନ୍ତି? ଯଦି ହଁ, ତେବେ ଆପଣ ବଲିଉଡ ଷ୍ଟାର ଅଜୟ ଦେବଗନ ଓ କାଜୋଲଙ୍କର ଭିଲାରେ ରହିପାରିବେ। ପ୍ରକୃତରେ, ଉତ୍ତର ଗୋଆର ମାପସାରେ ବି-ଟାଉନ ଷ୍ଟାରଙ୍କର ଏକ ଭିଲା (ଭିଲା ଏଟର୍ନା) ରହିଛି, ଯାହା ସାଧାରଣ ଲୋକଙ୍କ ପାଇଁ ମଧ୍ୟ ବୁକିଂ ପାଇଁ ଉପଲବ୍ଧ।

ବିଶେଷ କରି ଯେଉଁମାନେ ସହରର ଭିଡ଼ରୁ ଦୂରରେ ଏକ ଶାନ୍ତ ଓ ବ୍ୟକ୍ତିଗତ ଛୁଟି ଭ୍ୟାକେସନ, ସେମାନେ ଏହାକୁ ବୁକ କରିପାରିବେ।

ଆସନ୍ତୁ ଜାଣିବା ଏହି ଭିଲା ଭିତରୁ କିପରି ଦେଖାଯାଏ ଏବଂ ଏଠାରେ ରହିବା ପାଇଁ ଆପଣଙ୍କୁ କେତେ ଭଡ଼ା ଦେବାକୁ ପଡ଼ିବ।

ଅଜୟ ଦେବଗନ ଓ କାଜୋଲଙ୍କର ଏହି ଭିଲା ପର୍ତ୍ତୁଗୀଜ ସ୍ଥାପତ୍ୟ ଓ ଆଧୁନିକ ଆଡ଼ମ୍ବରର ଏକ ଉତ୍କୃଷ୍ଟ ମିଶ୍ରଣ। ଏଥିରେ ୫ଟି ବଡ଼ ବଡ଼ ବେଡରୁମ ରହିଛି ଏବଂ ପ୍ରତ୍ୟେକ କକ୍ଷରେ ଆଟାଚ୍ ବାଥରୁମ ରହିଛି। ମୋଟ ୧୨ ଜଣ ଅତିଥି ଏଠାରେ ଆରାମରେ ରହିପାରିବେ। ଭିଲାର ମାଷ୍ଟର ବେଡରୁମକୁ ଲାଗିକି ଏକ ବ୍ୟକ୍ତିଗତ ଉଦ୍ୟାନ ରହିଛି । ଯାହା ଏହାକୁ ଆହୁରି ଆକର୍ଷଣୀୟ କରିଦେଇଛି।

ଏହା ବ୍ୟତୀତ, ଏଠାରେ ଏକ ସୁନ୍ଦର ବ୍ୟକ୍ତିଗତ ସୁଇମିଂ ପୁଲ, ଗଜିବୋ, ଜକୁଜି, ଖୋଲା ଲିଭିଂ ଓ ଡାଇନିଂ ଏରିଆ, ଓ୍ୱାକ-ଇନ ସାୱାର, ମନୋରଞ୍ଜନ ସିଷ୍ଟମ, ଯୋଗ ଡେକ, ଆଉଟଡୋର ଡାଇନିଂ ଓ ବାରବିକ୍ୟୁ, ବଡ଼ ଲାଉଞ୍ଜ ଏରିଆ ଏବଂ ଇଭେଣ୍ଟ ପାଇଁ ସ୍ୱତନ୍ତ୍ର ସ୍ଥାନ ମଧ୍ୟ ଉପଲବ୍ଧ।

ଅର୍ଥାତ୍ ଭିଲା ଏଟର୍ନାରେ ସମସ୍ତ ପ୍ରକାରର ଆଡ଼ମ୍ବରପୂର୍ଣ୍ଣ ସୁବିଧା ରହିଛି। ଏହା ସହିତ ଭିଲାଟି ଉତ୍ତର ଗୋଆର ବେଳାଭୂମି ଓ ସ୍ଥାନୀୟ ବଜାରଗୁଡ଼ିକରୁ ମଧ୍ୟ ବେଶ ନିକଟବର୍ତ୍ତୀ। ଏହି ଆଲିଶାନ ଭିଲାକୁ ଆପଣ ରାତି ପିଛା ୭୯,୬୫୦ ଟଙ୍କାରେ ବୁକ କରିପାରିବେ। ଏଥିରେ ଟ୍ୟାକ୍ସ ଓ ଅନ୍ୟାନ୍ୟ ଚାର୍ଜ ମଧ୍ୟ ଅନ୍ତର୍ଭୁକ୍ତ।