Yogasana: ପାରମ୍ପରିକ ଯୋଗ ଅପେକ୍ଷା ଅଧିକ ଲାଭ ଦିଏ ଏୟାର ଯୋଗ; ଜାଣନ୍ତୁ କିପରି କରିବେ…

ଯୋଗ ହେଉଛି ଚାପ ଦୂର କରିବା ଏବଂ ଶରୀରକୁ ସୁସ୍ଥ ରଖିବାର ଏକ ପୁରୁଣା ପଦ୍ଧତି। ଏହାର ଅନେକ ସ୍ୱାସ୍ଥ୍ୟ ଲାଭ ଅଛି। ଏହା ଦ୍ୱାରା ଅନେକ ଦୀର୍ଘକାଳୀନ ରୋଗର ଆଶଙ୍କା ମଧ୍ୟ ହ୍ରାସ ପାଇଥାଏ। ଏୟାର୍ ଯୋଗ ହେଉଛି ପାରମ୍ପରିକ ଯୋଗାସନର ଏକ ନୂତନ ରୂପ। ଶରୀରକୁ ସାହାରା ଦେବା ପାଇଁ ଏହି ଯୋଗ ବାୟୁରେ ଝୁଲି କରାଯାଏ।

ଏୟାର୍ ଯୋଗ ପାଇଁ ଏକ ହେମାକ୍(ମଜଭୁତ କପଡାର ଝୁଲା) ଛାତରୁ ଓହଳି ରହିଥାଏ। ପିଠି, ମୁଣ୍ଡ, କାନ୍ଧ ଏବଂ ମେରୁଦଣ୍ଡ ଉପରେ କୌଣସି ଚାପ ନ ପକାଇ ଏହି ହେମାକ୍ ସାହାଯ୍ୟରେ ବିଭିନ୍ନ ଆସନ କରିବାକୁ ପଡ଼ିଥାଏ।

ଏୟାର ଯୋଗକୁ ଆଣ୍ଟି ଗ୍ରାଭିଟି ଯୋଗ କିମ୍ବା ଫ୍ଲାଇଙ୍ଗ୍ ଯୋଗ ମଧ୍ୟ କୁହାଯାଏ। ଏହା ଯୋଗର ଏକ ଆଧୁନିକ ରୂପ। ଏହା ପାରମ୍ପରିକ ଯୋଗ ଆସନ, ପାଇଲେଟ୍ସ ଏବଂ ଡ୍ୟାନ୍ସକୁ ଏକତ୍ରିତ କରିଥାଏ, ଯାହାକୁ ବାୟୁରେ ଝୁଲା ହୋଇଥିବା ଏକ ନରମ, ଶକ୍ତ କପଡା ସାହାଯ୍ୟରେ କରାଯାଏ।

ହେମାକ୍ ଶରୀରକୁ ସାହାରା ଦିଏ, ଯୋଗ ଆସନଗୁଡ଼ିକୁ ଅଧିକ ଗଭୀର ଭାବରେ ଏବଂ କମ୍ ଚାପ ସହିତ କରିବାରେ ସାହାଯ୍ୟ କରେ। ଏହା ଶରୀରର ନମନୀୟତା, ଶକ୍ତି, ସନ୍ତୁଳନ ଏବଂ ମାନସିକ ଶାନ୍ତି ବୃଦ୍ଧି କରିବାରେ ସାହାଯ୍ୟ କରେ। ଏହା ସମସ୍ତ ବୟସ ଏବଂ ଫିଟ୍‌ନେସ୍ ସ୍ତରର ଲୋକଙ୍କ ପାଇଁ ଉପଯୁକ୍ତ।

ଅଧିକ ପଢ଼ନ୍ତୁ: ମେରୁଦଣ୍ଡ ଓ ଛାତିକୁ ମଜବୁତ କରିବାକୁ ଚାହାନ୍ତି କି… କରନ୍ତୁ ଏହି ୩ ଯୋଗ

ଏୟାର୍ ଯୋଗର ଲାଭ:

• ଶାରୀରିକ ନମନୀୟତା ଏବଂ ଶକ୍ତି - ଏହା ଦ୍ୱାରା ମାଂସପେଶୀ ଏବଂ ଗଣ୍ଠି ଉପରେ କମ୍ ଚାପ ପଡ଼ିଥାଏ, ଯାହା ନମନୀୟତା ବୃଦ୍ଧି କରେ।
• ମାନସିକ ଶାନ୍ତି - ବାୟୁରେ ଝୁଲି ରହିବାର ଅଭିଜ୍ଞତା ଚାପ ହ୍ରାସ କରେ ଏବଂ ଧ୍ୟାନକୁ ବଢାଏ।
• ମେରୁଦଣ୍ଡ ସ୍ୱାସ୍ଥ୍ୟ - ଓଲଟା ଆସନ ମେରୁଦଣ୍ଡକୁ ଉନ୍ନତ କରେ ଏବଂ ପିଠି ଯନ୍ତ୍ରଣା କମ କରେ।
• ମଜାଦାର ଏବଂ ସୃଜନଶୀଳ - ପାରମ୍ପରିକ ଯୋଗ ଅପେକ୍ଷା ଏହା ଅଧିକ ଉପଭୋଗ୍ୟ ହୋଇଥାଏ।

କିପରି କରିବେ:

• ଏକ ଷ୍ଟୁଡିଓ କିମ୍ବା ଯୋଗ କେନ୍ଦ୍ରରେ ଜଣେ ତାଲିମପ୍ରାପ୍ତ ପ୍ରଶିକ୍ଷକଙ୍କ ମାର୍ଗଦର୍ଶନରେ ଏହି ଯୋଗ କରାଯାଏ। 
• ସଠିକ୍ ପୋଷାକ - ଟାଇଟ୍, ନମନୀୟ ଏବଂ ଆରାମଦାୟକ ପୋଷାକ (ଯଥା, ଲେଗିନ୍ସ ଏବଂ ଟି-ସାର୍ଟ)। 
• ଉପକରଣ - ହେମାକ୍ ଏକ ଦୃଢ଼ ଛାତରେ ଝୁଲା ହୋଇଥାଏ ଏବଂ ଭୂମିଠାରୁ ପ୍ରାୟ ୨-୩ ଫୁଟ ଉଚ୍ଚରେ ରୁହେ।
• ପରିବେଶ - ଶାନ୍ତ ଏବଂ ସୁରକ୍ଷିତ ଷ୍ଟୁଡିଓ, ଯେଉଁଠାରେ ଜଣେ ପ୍ରଶିକ୍ଷକ ପ୍ରତ୍ୟେକ ହେମାକ୍ ଯାଞ୍ଚ କରନ୍ତି।

ୱାର୍ମ ଅପ୍:

• ହାଲୁକା ଷ୍ଟ୍ରେଚିଂ ଏବଂ ଶ୍ୱାସକ୍ରିୟାଜନିତ ବ୍ୟାୟାମ ସହିତ ସେସନ୍ ଆରମ୍ଭ ହୁଏ।
• ହେମାକ୍ ବ୍ୟବହାର କରି, ଶରୀରକୁ ଏହାର ନମନୀୟତା ସହିତ ଆଡଜଷ୍ଟ କରିବା ପାଇଁ ସରଳ ହଲଚଲ କରାଯାଏ, ଯେପରିକି ହାଲ୍‌କା ହାଲ୍‌କା ଝୁଲିବା।

ମୁଖ୍ୟ ଆସନ:

• ବସିବା ଆସନ - ହେମାକ୍ ଉପରେ ବସି ଗୋଡ ଝୁଲାଇ ସୂର୍ଯ୍ୟନମସ୍କାର କିମ୍ବା ବୃକ୍ଷାସନ ପରି ଆସନ।
• ଓଲଟା ଆସନ - ହେମାକ ସହାୟତାରେ ପର୍ବତାସନ କିମ୍ବା ଶୀର୍ଷାସନ ଭଳି ଓଲଟା ଝୁଲିବା ଦ୍ୱାରା ମେରୁଦଣ୍ଡକୁ ଲମ୍ବା କରିବାରେ ସାହାଯ୍ୟ କରେ।
• ଭାସମାନ ଆସନ - ୱାରିଅର ପୋଜ୍, ପ୍ଲାଙ୍କ୍‌ କିମ୍ବା ଚନ୍ଦ୍ରାସନ ଭଳି ଭାସମାନ ଆସନ।

ବିଶ୍ରାମ:

• ଏହି ସେସନ୍ ଶବାସନ ଭଳି ଆରାମଦାୟକ ଆସନ ସହିତ ଶେଷ ହୁଏ
• ଆପଣ ଏକ ଝୁଲାରେ ଶୋଇ ଶରୀର ଏବଂ ମନକୁ ଶାନ୍ତ କରିପାରିବେ।
• ଏଥିରେ ଧ୍ୟାନ କିମ୍ବା ଗଭୀର ଶ୍ୱାସ ଅନ୍ତର୍ଭୁକ୍ତ।

ସାବଧାନତା:

• ପ୍ରଶିକ୍ଷକଙ୍କ ନିର୍ଦ୍ଦେଶକୁ ଭଲଭାବେ ପାଳନ କରନ୍ତୁ।
• ହେମାକ୍ ଉପରେ ଅତ୍ୟଧିକ ଚାପ ଦିଅନ୍ତୁ ନାହିଁ।
• ଏହା କରିବା ପୂର୍ବରୁ ଗର୍ଭବତୀ ମହିଳା ଏବଂ ଉଚ୍ଚ ରକ୍ତଚାପ କିମ୍ବା ହୃଦରୋଗ ଥିବା ବ୍ୟକ୍ତିମାନେ ଡାକ୍ତରଙ୍କ ସହିତ ପରାମର୍ଶ କରିବା ଉଚିତ।

ଅଧିକ ପଢ଼ନ୍ତୁ: କରନ୍ତୁ ଏହି ୫ ଆସନ; ଯେତେ ଗରମ ହେଲେ ବି କିଛି ଫରକ ପଡିବନି