ଭାରତୀୟ ନୌ-ସେନାରେ ବାହାରିଲା ଚାକିରି, ଆପଣ ବି କରିପାରିବେ ଆବେଦନ

ଭାରତୀୟ ନୌ ସେନାରେ ନିଯୁକ୍ତି ନେଇ ବିଜ୍ଞପ୍ତି ପ୍ରକାଶ ପାଇଛି । ସର୍ଟ ସର୍ଭିସ କମିଶନ (ଏସଏସସି) ସୂଚନା ପ୍ରଯୁକ୍ତିବିଦ୍ୟା କିମ୍ବା ଏସଏସସି ଆଇଟି ପାଇଁ ଆଗ୍ରହୀ ପ୍ରାର୍ଥୀମାନେ ଆବେଦନ କରିବାକୁ କୁହାଯାଇଛି । ଯଦି ଆପଣ ନୌ ସେନାରେ ଚାକିରି କରିବାକୁ ଇଚ୍ଛୁକ ରହିଛନ୍ତି ଏବଂ ଆପଣଙ୍କ ଯୋଗ୍ୟତା ରହିଛି ତେବେ ଆପଣ ଏଥିପାଇଁ ଆବେଦନ କରିପାରିବେ ।

ନୌସେନାର ଏହି ବିଭାଗରେ ଆପଣ ଆବେଦନ କରିବାକୁ ହେଲେ ବୟସ, ଶିକ୍ଷାଗତ ଯୋଗ୍ୟତା ଓ ଆବେଦନ ପାଇଁ ସମୀୟ ସୀମା ଜାଣିନେବା ନିହାତି ଜରୁରୀ । ଏଥିପାଇଁ ବିଭାଗ ପକ୍ଷରୁ ସ୍ୱତନ୍ତ୍ର ସୂଚନା ଦିଆଯାଇଛି । ଯାହା ଫଳରେ ଆଶାୟୀମାନେ ସ୍ପଷ୍ଟ ଭାବେ ଜାଣିପାରିବା ସହ ଆବେଦନ କରିବାରିବେ ।

Also Read

ଗ୍ରାଜୁଏସନ୍ କରିଥିଲେ ସୁବର୍ଣ୍ଣ ସୁଯୋଗ; NIACLରେ ପୂରଣ ହେବ ୪୫୦ ପଦବୀ

Read More

NITରେ ପୂରଣ ହେବ ୧୦୯ ପଦବୀ; ଚାଲିଛି ଆବେଦନ, ଜାଣନ୍ତୁ ଶେଷ ତାରିଖ

Read More

ଆଶାୟୀଙ୍କ ପାଇଁ ଖୁସି ଖବର; ଅଙ୍ଗନବାଡ଼ି ଚାକିରି ଆବେଦନ ପାଇଁ ବଢ଼ିଲା ସମୟସୀମା

Read More

ଅଧିକ ପଢ଼ନ୍ତୁ: ଗ୍ରାଜୁଏସନ୍ କରିଥିଲେ ସୁବର୍ଣ୍ଣ ସୁଯୋଗ; NIACLରେ ପୂରଣ ହେବ ୪୫୦ ପଦବୀ

କ’ଣ ରହିଛି ବୟସସୀମା ?

ଆବେଦନ କରିବାକୁ ଉଚ୍ଛୁକଥିବା ପ୍ରାର୍ଥୀମାନେ ଜାନୁଆରୀ ୧୯୯୯ରୁ ୨୦୦୪ ମଧ୍ୟରେ ଜନ୍ମ ହୋଇଥିବା ଆବଶ୍ୟକ । ଏହି ସମୟସୀମା ପରେ କିମ୍ୱା ପୂର୍ବରୁ ଜନ୍ମ ନେଇଥିବା ପ୍ରାର୍ଥୀମାନେ ଆବେଦନ କରିପାରିବେ ନାହିଁ ।

କିପରି ଆବେଦନ କରିବେ ?

ଆଶାୟୀ ପ୍ରାର୍ଥୀମାନଙ୍କୁ ଅନ୍‌ଲାଇନ୍‌ ମାଧ୍ୟମରେ ଆବେଦନ କରିବାକୁ ହେବ । joinindiannavy.gov.inରେ ଇଚ୍ଛୁକ ପ୍ରାର୍ଥୀମାନେ ଆବେଦନ କରିପାରିବେ । ଆବେଦନ କରିବାର ଶେଷ ତାରିଖ ଅଗଷ୍ଟ ୨୦କୁ ଧାର୍ଯ୍ୟ କରାଯାଇଛି ।

କ’ଣ ରହିଛି ଶିକ୍ଷାଗତ ଯୋଗ୍ୟତା ?

ଆଶାୟୀ ପ୍ରାର୍ଥୀମାନଙ୍କ ଶିକ୍ଷାଗତ ଯୋଗ୍ୟତା ଅତିକମ୍‌ରେ ୧୦ମ କିମ୍ବା +୨ରେ ୬୦ ପ୍ରତିଶତ ମାର୍କ ରଖିଥିବା ଆବଶ୍ୟକ । ଏହାପରେ ମଧ୍ୟ ଆହୁରି କିଛି ଶିକ୍ଷାଗତ ଯୋଗ୍ୟତା ମଗାଯାଇଛି । ଯେପରିକି...

୧. MSc / BE / B ଟେକ୍ / MTech (କମ୍ପ୍ୟୁଟର ସାଇନ୍ସ / ଇଞ୍ଜିନିୟରିଂ / କମ୍ପ୍ୟୁଟର ଇଞ୍ଜିନିୟରିଂ / ସୂଚନା ପ୍ରଯୁକ୍ତିବିଦ୍ୟା / ସଫ୍ଟୱେୟାର ସିଷ୍ଟମ / ସାଇବର ସୁରକ୍ଷା / ସିଷ୍ଟମ ଆଡମିନିଷ୍ଟ୍ରେସନ ଏବଂ ନେଟୱାର୍କିଂ / କମ୍ପ୍ୟୁଟର ସିଷ୍ଟମ ଏବଂ ନେଟୱାର୍କିଂ / ଡାଟା ଆନାଲିଟିକ୍ସ / କୃତ୍ରିମ ଇଣ୍ଟେଲିଜେନ୍ସ)

୨. BCA / BSc (କମ୍ପ୍ୟୁଟର ସାଇନ୍ସ / ସୂଚନା ପ୍ରଯୁକ୍ତିବିଦ୍ୟା) ସହିତ MCA ।

ଅଧିକ ପଢ଼ନ୍ତୁ: NITରେ ପୂରଣ ହେବ ୧୦୯ ପଦବୀ; ଚାଲିଛି ଆବେଦନ, ଜାଣନ୍ତୁ ଶେଷ ତାରିଖ

କେତେ ରହିଛି ପଦବୀ ସଂଖ୍ୟା ?

ଆଶାୟୀମାନେ ଆବେଦନ କରିବାକୁ ଥିବା ଏହି ଖାଲି ପଦବୀ ମୋଟ୍‌ ୩୫ଟି ରହିଛି । ଯେଉଁଥିରେ ଇଚ୍ଛୁକ ପ୍ରାର୍ଥୀମାନେ ଆବେଦନ କରିପାରିବେ ।

ଆବେଦନ କରାଯିବାପରେ ପ୍ରାର୍ଥୀମାନଙ୍କୁ ପରବର୍ତ୍ତୀ ମସୟରେ ମନୋନୀତ କରାଯିବ । ମନୋନୀତ ପ୍ରାର୍ଥୀଙ୍କୁ ଏକ ସ୍ୱଳ୍ପ ସେବା ଆୟୋଗ ପ୍ରଦାନ କରାଯିବ ବୋଲି ସୂଚନା ଦିଆଯାଇଛି । ପ୍ରାରମ୍ଭରେ ଦଶ ବର୍ଷ ପାଇଁ ସେବାର ସୁଯୋଗ ଦିଆଯିବ । ପରବର୍ତ୍ତୀ ସମୟରେ ସେବା ଆୟୋଗ ପ୍ରଦାନର ସମୟସୀମା ୨ ଥର ବୃଦ୍ଧି କରାଯାଇପାରେ । ପ୍ରତ୍ୟେକ ଥର ଏହା ୨ ବର୍ଷ ବୃଦ୍ଧି ହୋଇପାରିବ । ଫଳରେ ମୋଟ୍‌ ଦୁଇଥର ବୃଦ୍ଧି କରାଗଲେ ଏହା ୪ ବର୍ଷ ବୃଦ୍ଧି ଘଟିବ।

ଭାତୀୟ ନୌ ସେନା ପକ୍ଷରୁ ପ୍ରକାଶ ପାଇଥିବା ବିଜ୍ଞପ୍ତି ପାଇଁ ଏହି ଲିଙ୍କ ରେ କ୍ଲିକ କରନ୍ତୁ....

OTV is now on Whatsapp

Join and get latest news update delivered to you via whatsapp

Join Now