Nuclear Bomb Remote in Pakistan: କାହା ହାତରେ ଅଛି ପାକିସ୍ତାନ ପରମାଣୁ ବୋମାର ରିମୋଟ୍

ଜମ୍ମୁ ଏବଂ କାଶ୍ମୀରର ପହଲଗାମରେ ଏପ୍ରିଲ ୨୨ ତାରିଖରେ ସ୍ପଷ୍ଟ ଦିବାଲୋକରେ ଦ ରେଜିଷ୍ଟାନ୍ସ ଫ୍ରଣ୍ଟ (TRF)ର ଆତଙ୍କବାଦୀଙ୍କ ଦ୍ୱାରା ୨୬ ଜଣ ପର୍ଯ୍ୟଟକଙ୍କୁ ହତ୍ୟା କରାଯିବା ପରେ ଭାରତ ପାକିସ୍ତାନ ବିରୁଦ୍ଧରେ କିଛି କଠୋର କୂଟନୈତିକ ପଦକ୍ଷେପ ନେଇଛି।

ଭାରତ ସରକାର ପାକିସ୍ତାନ ସହିତ ସିନ୍ଧୁ ଜଳ ଚୁକ୍ତିନାମାକୁ ସ୍ଥଗିତ ରଖିଛନ୍ତି ଏବଂ ପାକିସ୍ତାନୀ ନାଗରିକଙ୍କ ପାଇଁ ସାର୍କ ଭିସା ଛାଡ଼ ଯୋଜନାକୁ ବନ୍ଦ କରିଦେଇଛନ୍ତି। ଭାରତ ଉଭୟ ହାଇକମିଶନରେ ସାମରିକ ଆଟାଚିଙ୍କୁ ବହିଷ୍କାର କରିଛି ଏବଂ କୂଟନୈତିକ କର୍ମଚାରୀଙ୍କ ସଂଖ୍ୟା ହ୍ରାସ କରିଛି।

ଅଟାରୀ ଚେକ୍ ପୋଷ୍ଟକୁ ମଧ୍ୟ ବନ୍ଦ କରିଦିଆଯାଇଛି ଏବଂ ସୀମାପାର ଯେକୌଣସି ବୈଧ ପ୍ରତ୍ୟାବର୍ତ୍ତନ ପାଇଁ ମେ ୧ ତାରିଖ ପର୍ଯ୍ୟନ୍ତ ଏକ ସମୟସୀମା ଧାର୍ଯ୍ୟ କରାଯାଇଛି।

ଅଧିକ ପଢ଼ନ୍ତୁ: ପହଲଗାମ ଆକ୍ରମଣ ଘଟଣାରେ ଆତଙ୍କବାଦୀଙ୍କ ହାତରେ ଥିଲା ଚୀନ ତିଆରି ଡିଭାଇସ ଓ ଆପ୍

ଏହା କରାଯିବା ପଛର କାରଣ ହେଉଛି ଶେହବାଜ ସରିଫ୍‌ ସରକାରଙ୍କୁ ଏକ ଦୃଢ଼ ବାର୍ତ୍ତା ଦେବା ଯେ ଏହା ପହଲଗାମ ଆକ୍ରମଣ ପଛରେ ଥିବା ପ୍ରତ୍ୟେକ ଆତଙ୍କବାଦୀ ଏବଂ ସେମାନଙ୍କ ସମର୍ଥକଙ୍କୁ ଚିହ୍ନଟ କରିବ ଏବଂ ସେମାନଙ୍କୁ ଖୋଜି ଉଚିତ ଦଣ୍ଡ ଦେବ।

ଭାରତର ଏହି କଠୋର ପଦକ୍ଷେପ ପରେ ପାକିସ୍ତାନରେ ଆତଙ୍କ ଖେଳିଯାଇଛି। ପାକିସ୍ତାନର ପ୍ରତିରକ୍ଷା ମନ୍ତ୍ରୀ ଖ୍ୱାଜା ଆସିଫ ଶୁକ୍ରବାର ବ୍ରିଟିଶ ଖବରକାଗଜ 'ଦି ସ୍କାଏ'କୁ ଦେଇଥିବା ଏକ ସାକ୍ଷାତକାରରେ କହିଛନ୍ତି, "ପହଲଗାମ ପ୍ରସଙ୍ଗରେ ଭାରତ ଏବଂ ପାକିସ୍ତାନ ମଧ୍ୟରେ ଆରମ୍ଭ ହୋଇଥିବା ବିବାଦ ଦୁଇ ଦେଶ ମଧ୍ୟରେ ଏକ ବଡ଼ ଯୁଦ୍ଧର ରୂପ ନେଇପାରେ।"

ଖ୍ୱାଜା ଆସିଫ୍‌ କହିଛନ୍ତି ଯେ ଭାରତ ଯାହା ବି ପଦକ୍ଷେପ ନେବ, ପାକିସ୍ତାନ ଉଚିତ ଜବାବ ଦେବ। ଯଦି କଥା ଭୁଲ ଦିଗରେ ଯାଏ, ତେବେ ପରିଣାମ ବିପଦପୂର୍ଣ୍ଣ ହୋଇପାରେ। ସେ କହିଛନ୍ତି ଯେ ଦୁନିଆ ଭୁଲିଯିବା ଉଚିତ ନୁହେଁ ଯେ ଉଭୟ ଦେଶ ପାଖରେ ପରମାଣୁ ଅସ୍ତ୍ର ଅଛି।

ତଥାପି ଖ୍ୱାଜା ଆସିଫ୍ ଆଶା ପ୍ରକାଶ କରିଛନ୍ତି ଯେ ଉଭୟ ଦେଶ ଆଲୋଚନା ମାଧ୍ୟମରେ ଏହି ସମସ୍ୟାର ସମାଧାନ କରିବେ।

କାହା ହାତରେ ରିମୋଟ୍:

ପହଲଗାମରେ ଆତଙ୍କବାଦୀ ଘଟଣା ପରେ ଉଭୟ ଦେଶ ଉପରେ ଯୁଦ୍ଧର ବାଦଲ ଘୋଟିବାରେ ଲାଗିଛି। ଏପରି ପରିସ୍ଥିତିରେ, ଏହା ଏକ ଅତ୍ୟନ୍ତ ସମ୍ବେଦନଶୀଳ ପ୍ରସଙ୍ଗ ଯେ ପାକିସ୍ତାନର ପରମାଣୁ ବୋମା ଉପରେ କାହାର ନିୟନ୍ତ୍ରଣ ଅଛି? ଯଦିଓ ଏହା ଏକ ଦେଶର ଏକ ଗୋପନୀୟ ବିଷୟ, ତଥାପି ପ୍ରାୟତଃ ପ୍ରଶ୍ନ ଉଠେ ଯେ ଏହି ଅସ୍ତ୍ରଶସ୍ତ୍ରଗୁଡ଼ିକର ରିମୋଟ୍ କଣ୍ଟ୍ରୋଲ୍ ପ୍ରକୃତରେ କାହା ପାଖରେ ଅଛି ?

ପାକିସ୍ତାନରେ, ପରମାଣୁ ବଟନର ନିୟନ୍ତ୍ରଣ ଦେଶର ଶୀର୍ଷ ନେତୃତ୍ୱ ଅର୍ଥାତ୍ ରାଷ୍ଟ୍ରପତି ଏବଂ ପ୍ରଧାନମନ୍ତ୍ରୀଙ୍କ ପାଖରେ ଅଛି। ଏହା ବ୍ୟତୀତ, ନ୍ୟୁକ୍ଲିୟର କମାଣ୍ଡ ଆଣ୍ଡ୍ କଣ୍ଟ୍ରୋଲ୍‌ ସିଷ୍ଟମ (NCCS) ନାମକ ଏକ ଗୁପ୍ତ ସଂଗଠନ ମଧ୍ୟ ଏହା ଉପରେ ନିୟନ୍ତ୍ରଣ ରଖେ।

ପରମାଣୁ ଅସ୍ତ୍ର ବ୍ୟବହାରର ଚୂଡ଼ାନ୍ତ ନିଷ୍ପତ୍ତି ରାଷ୍ଟ୍ରପତି ଏବଂ ପ୍ରଧାନମନ୍ତ୍ରୀ ମିଳିତ ଭାବରେ ନିଅନ୍ତି। ତଥାପି, ଏହି ମାମଲାରେ ସେନା ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରେ। ତେବେ ପରମାଣୁ ଅସ୍ତ୍ରର ସୁରକ୍ଷା ଏବଂ ଉତ୍‌କ୍ଷେପଣର ଦାୟିତ୍ୱ ସେନା ହାତରେ ରହିଛି।

ଅଧିକ ପଢ଼ନ୍ତୁ: ପାକିସ୍ତାନକୁ ପାଣି ବନ୍ଦ କଲେ ଭାରତର ହେବ କି କ୍ଷତି… ଜାଣନ୍ତୁ ସମ୍ଭାବ୍ୟ ପରିଣାମ