US Attacks Iran: ସବୁଠୁ ଶକ୍ତିଶାଳୀ ରାଷ୍ଟ୍ରର ବଡ଼ ଆକ୍ରମଣ, ହେବ କି ତୃତୀୟ ବିଶ୍ୱ ଯୁଦ୍ଧ?

ଅସ୍ତ୍ର ଧରିଲା ବିଶ୍ୱର ସବୁଠୁ ଶକ୍ତିଶାଳୀ ରାଷ୍ଟ୍ର ଆମେରିକା । ଇରାନ-ଇସ୍ରାଏଲ ଯୁଦ୍ଧ ମଧ୍ୟରେ ଧସେଇ ପଶିଛି ଆମେରିକା । ଇରାନ ଉପରେ ଆମେରିକା କରିଛି ବଡ଼ ଧରଣର ଆକ୍ରମଣ । ସୋସିଆଲ ମିଡିଆରେ ଡୋନାଲ୍ଡ ଟ୍ରମ୍ପଙ୍କ ସୂଚନା ଦେଇ କହିଛନ୍ତି, ଏବେ ଶାନ୍ତିର ସମୟ ଆସିଛି । ସୋସିଆଲ ମିଡିଆ X ରେ ଟ୍ରମ୍ପ ପୋଷ୍ଟ କରି ଲେଖିଛନ୍ତି, "ଆମେ ସଫଳତା ପୂର୍ବକ ଇରାନର ୩ଟି ନ୍ୟୁକ୍ଲିୟର ସାଇଟ୍ ଫରଡୋ, ନଟାଞ୍ଜ ଏବଂ ଏସଫାହାନରେ ଆଟାକ୍ କରିଛୁ । ଆମେରିକାର ବୀର ସୈନ୍ୟ ମାନଙ୍କୁ ଶୁଭେଚ୍ଛା । ବିଶ୍ୱରେ କେଉଁ ବି ସେନା ଏପରି କରିପାରିନାହାନ୍ତି । ବର୍ତ୍ତମାନ ଶାନ୍ତିର ସମୟ ଆସିଛି ।" 

ସେପଟେ ଏହି ଆକ୍ରମଣ ନେଇ ଇରାନ ପ୍ରତିକ୍ରିୟା ରଖିଛି । ଶତ୍ରୁରାଷ୍ଟ୍ର ଆମ ଉପରେ ଆକ୍ରମଣ କରିଛି କହିବା ସହ ଆମେରିକା ଆକ୍ରମଣକୁ ନିନ୍ଦା କରିଛି ଇରାନ । ସେପଟେ ଆଜି ଆମେରିକାବାସୀଙ୍କୁ ସମ୍ୱୋଧନ କରିଛନ୍ତି ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଇରାନ-ଆମେରିକା ଯୁଦ୍ଧ ନେଇ ପ୍ରେସମିଟ୍ କରିଛନ୍ତି ଟ୍ରମ୍ପ । ସୂଚନାଯୋଗ୍ୟ, ଆମେରିକା ଦ୍ୱାରା ଇରାନର ୩ଟି ନ୍ୟୁକ୍ଲିୟର ସାଇଟ୍‌ରେ ଆଟାକ୍ କରାଯାଇଛି । ଏହି ଆକ୍ରମଣ ପରେ ବେଞ୍ଜାମିନ ନେତ୍ୟାନାହୁ ଓ ଡୋନାଲ୍ଡ ଟ୍ରମ୍ପଙ୍କ ମଧ୍ୟରେ ଆଲୋଚନା ହୋଇଛି ।

ଏହି ଦୁଇ ଶୀର୍ଷ ନେତାଙ୍କ ମଧ୍ୟରେ ନ୍ୟୁକ୍ଲିୟର ଆଟାକ୍ ବିଷୟରେ କଥାବାର୍ତ୍ତା ହୋଇଛି । ସେପଟେ ଇରାନର ବୈଦେଶିକ ମନ୍ତ୍ରୀ ଅବ୍‌ବାସ ଅରାଘନି ଆମେରିକା ରାଷ୍ଟ୍ରପତି ଟ୍ରମ୍ପଙ୍କୁ ଚେତାବନୀ ଦେଇଛନ୍ତି । ଆମେରିକା ଯୁଦ୍ଧରେ ସାମିଲ ହେଲେ ଆହୁରି ଭୟଙ୍କର ପରିସ୍ଥିତି ହେବ ବୋଲି ସେ କହିଛନ୍ତି । ଅପରପକ୍ଷେ ଏହି ଆକ୍ରମଣ ପରେ ତୃତୀୟ ବିଶ୍ୱଯୁଦ୍ଧ ଆଶଙ୍କା ଘନେଇଛି ।

ଅଧିକ ପଢନ୍ତୁ: ଇରାନରେ ବିଦ୍ରୋହର ବିଗୁଲ୍ ବଜାଇଥିବା ରେଜା ପହଲବି କିଏ ?