Sri Lankan Navy: ଭାରତୀୟ ମତ୍ସ୍ୟଜୀବୀଙ୍କୁ ଗିରଫ କଲା ଶ୍ରୀଲଙ୍କା ନୌସେନା

ତାମିଲନାଡୁର ରାମେଶ୍ୱରମରୁ ଚାରି ଜଣ ମତ୍ସ୍ୟଜୀବୀଙ୍କୁ ସୋମବାର ଶ୍ରୀଲଙ୍କା ନୌସେନା ଆନ୍ତର୍ଜାତୀୟ ସାମୁଦ୍ରିକ ସୀମା ରେଖା (ଆଇଏମବିଏଲ) ଉଲ୍ଲଂଘନ କରିବା ଅଭିଯୋଗରେ ଗିରଫ କରିବା ସହ ସେମାନଙ୍କର ନୌକା ମଧ୍ୟ ଜବତ କରିଥିଲା।

ସେହି ଦିନ ସକାଳେ ରାମେଶ୍ୱରମ ମତ୍ସ୍ୟଜୀବୀ ବନ୍ଦରରୁ ପ୍ରାୟ ୪୦୦ ମତ୍ସ୍ୟଜୀବୀ ୮୮ଟି ନୌକାରେ ସମୁଦ୍ରକୁ ଯାଇଥିଲେ। ଥାଲାଇମନ୍ନାର ଏବଂ ଧନୁଷକୋଡି ମଧ୍ୟରେ ଜଳସୀମାରେ ମାଛ ଧରୁଥିବା ବେଳେ ଶ୍ରୀଲଙ୍କା ନୌସେନାର ଏକ ପେଟ୍ରୋଲିଂ ଜାହାଜ ସେମାନଙ୍କୁ ଅଟକାଇଥିଲା।

ନୌସେନା ମୁନିୟାସାମୀ ନାମକ ଜଣେ ମତ୍ସ୍ୟଜୀବୀଙ୍କ ନୌକା ଜବତ କରିଥିଲା ଏବଂ ତାଙ୍କ ସହିତ ଥିବା ଚାରି ଜଣଙ୍କୁ ସାମୁଦ୍ରିକ ସୀମା ଉଲ୍ଲଂଘନ ଅଭିଯୋଗରେ ଗିରଫ କରିଥିଲା। ପ୍ରାଥମିକ ତଦନ୍ତ ପରେ, ଗିରଫ ହୋଇଥିବା ମତ୍ସ୍ୟଜୀବୀମାନଙ୍କୁ ଆଗାମୀ କାର୍ଯ୍ୟାନୁଷ୍ଠାନ ପାଇଁ ମନ୍ନାର ମତ୍ସ୍ୟ ବିଭାଗ ଅଧିକାରୀଙ୍କୁ ହସ୍ତାନ୍ତର କରାଯିବ ବୋଲି ଆଶା କରାଯାଉଛି।

ଚଳିତ ବର୍ଷ ଜାନୁଆରୀ ଠାରୁ ଶ୍ରୀଲଙ୍କା କର୍ତ୍ତୃପକ୍ଷ ଏପରି ଅଭିଯୋଗରେ ପ୍ରାୟ ୧୮୫ ଜଣ ଭାରତୀୟ ମତ୍ସ୍ୟଜୀବୀଙ୍କୁ ଗିରଫ କରିଥିବା ବେଳେ ୨୫ଟି ନୌକା ଜବତ କରିଛନ୍ତି।

ଗତ ୨୯ ଜୁନରେ ରାମେଶ୍ୱରମରୁ ଆଠ ଜଣ ଭାରତୀୟ ମତ୍ସ୍ୟଜୀବୀଙ୍କୁ ଶ୍ରୀଲଙ୍କା ନୌସେନା ଆଇଏମବିଏଲ ଉଲ୍ଲଂଘନ ଅଭିଯୋଗରେ ଗିରଫ କରିଥିଲା। ପ୍ରାୟ ୩,୦୦୦ ମତ୍ସ୍ୟଜୀବୀ ୩୭୦ଟି ନୌକାରେ ସମୁଦ୍ରକୁ ଯାଇଥିଲେ ଏବଂ ଫେରୁଥିବା ବେଳେ ସେମାନଙ୍କୁ ଉତ୍ତର ମନ୍ନାର ନିକଟରେ ଶ୍ରୀଲଙ୍କା ନୌସେନାର ପେଟ୍ରୋଲିଂ ଜାହାଜ ଘେରିଥିଲା। ଏହା ପରେ ଆଠ ଜଣ ମତ୍ସ୍ୟଜୀବୀଙ୍କୁ ଅଟକ କରାଯାଇଥିଲା। ସେମାନଙ୍କର ନୌକା ଜବତ କରାଯାଇଥିଲା ଏବଂ ସେମାନଙ୍କୁ ଥାଲାଇମନ୍ନାର ନୌସେନା ଶିବିରକୁ ନିଆଯାଇଥିଲା।

ଅଧିକ ପଢ଼ନ୍ତୁ: ୧୯୮୪ ପରେ ବାଂଲାଦେଶରେ ସବୁଠୁ ବଡ ଦୁର୍ଘଟଣା: ଆଜି ରାଷ୍ଟ୍ରୀୟ ଶୋକ ଦିବସ ପାଳନ