Special Story: ଏଣିକି ନୋ ଟେନ୍‌ସନ୍‌, ଘର କାମ ପାଇଁ ଆସିଲା ରୋବଟ୍‌ !

ଆପଣଙ୍କ ହାତ ଧରି ଚାଲିବ... ଆପଣଙ୍କ ପୋଷାକର ଯତ୍ନ ନେବ... ଆପଣ ଖାଇଛନ୍ତି କି ନାହିଁ ତାହା ବି ପଚାରି ବୁଝିବ... ଆଉ ଯଦି ଆପଣ କ୍ଳାନ୍ତ ଅନୁଭବ କରନ୍ତି ଘରେ କିଛି କାମ କରିନାହାନ୍ତି ତା’ ବି କରିଦେବ ଏ ନୂଆ ଅତିଥି । ବର୍ତ୍ତମାନ ଏହି ରୋବର୍ଟକୁ ନେଇ ଟେସଲା ଏବେ ଖୁବ୍ ଚର୍ଚ୍ଚାରେ ରହିଛି । ଆଉ ଏହାର ମାଲିକ ଏଲନ୍ ମସ୍କ ଖୁବ୍ ଖୁସି ।

ଏହି ରୋବର୍ଟର ମାଲିକ ଏଲନ ମସ୍କ କହିଛନ୍ତି ଯେ ଏହି ରୋବର୍ଟ ହେଉଛି ସର୍ବଶ୍ରେଷ୍ଠ । ଆଉ ଏହାର ନାଁ ଅପ୍ଟିମସ୍‌ ରଖାଯାଇଛି । ଭିନ୍ନ ଭିନ୍ନ କାର୍ଯ୍ୟ ସମ୍ପାଦନ ପାଇଁ ଏହି ରୋବଟ୍‌କୁ ଡିଜାଇନ୍ କରାଯାଇଛି । ଏହା ସବୁ ପ୍ରକାରର ଘରକାମ କରିପାରିବ । ଘରର ଚା’ କପ୍‌ ଉଠାଇବା ଠାରୁ ଆରମ୍ଭ କରି ଅଳ୍ପ ଓଜନର ବ୍ୟାଗ ମଧ୍ୟ ଉଠାଇ ସଠିକ୍‌ ସ୍ଥାନରେ ରଖିପାରିବ । ଆଉ ଘରେ ରହୁଥିବା ବ୍ୟକ୍ତିଙ୍କୁ ବୋରିଂ ଲାଗିଲେ ତାଙ୍କ ସହ ଗେମ୍‌ ମଧ୍ୟ ଖଳିପାରିବ ଏହି ରୋବର୍ଟ ।

ମସ୍କଙ୍କ ଏହି ରୋବର୍ଟ ଏବେ ବାହାରେ ବୁଲୁଥିବା ମଧ୍ୟ ଦେଖିବାକୁ ମିଳିଲାଣି । ଲୋକଙ୍କ ସହ କଥା ହେବା ଓ ଲୋକଙ୍କ ସହ କିଛି କାମ କରିବା ଭଳି ଚିତ୍ର ମଧ୍ୟ ସାମ୍ନାକୁ ଆସିଲାଣି । ଯାହାର ଭିଡିଓ ଏବେ ଖୁବ୍ ଭାଇରାଲ ହେଉଛି । ଟେସ୍ଲା ଫକ୍ଷରୁ ରୋବଟର ମୂଲ୍ୟ ୨୦ ହଜାର ଡଲାରରୁ ୩୦ ହଜାର ଡଲାର ମଧ୍ୟରେ ରଖାଯାଇଛି । ଏହା ବଜାରରେ ଉପଲବ୍ଧ ହେବ । ଖାଲି ଏତିକି ନୁହେଁ ଟେସଲା ପକ୍ଷରୁ ଏକ ନୂଆ କାର୍‌ ବଜାରକୁ ଆସିବାକୁ ଯାଉଛି । ଯାହାକି ବିନା ଡ୍ରାଇଭରରେ ରେଡ୍‌ରେ ଗଡ଼ିବ । ଏହି କାର୍‌ ନାଁ ‘ସାଇବରକାବ୍‌’ ବୋଲି ରଖାଯାଇଛି । ଟେସଲା ପକ୍ଷରୁ ଏହି ଦୁଇଟି ଭିଡିଓକୁ ସୋସିଆଲ ମିଡିଆରେ ପୋଷ୍ଟ କରାଯାଇଛି । ଯାହାକୁ ଲୋକମାନେ ଖୁବ୍‌ ପସନ୍ଦ କରିଛନ୍ତି ।