କି ଅବସ୍ଥା ! ବର୍ଷେ ତଳର ତୁର୍କୀର ରିଲିଫ୍‌କୁ ନୂଆ ପ୍ୟାକେଟ୍‌ରେ ତାକୁ ହିଁ ରିଲିଫ୍ ଦେଲା ପାକିସ୍ତାନ

ସାରା ବିଶ୍ୱରେ ନିନ୍ଦିତ ହେଲା ପାକିସ୍ତାନ । ବର୍ଷେ ତଳେ ସହାୟତା ଆକାରରେ ପାଇଥିବା ପୁରୁଣା ରିଲିଫ ସାମଗ୍ରୀକୁ ନୂଆ ପ୍ୟାକେଟରେ ଭର୍ତ୍ତି କରି ପୁଣି ସେହି ଦେଶକୁ ସାହାଯ୍ୟ ଆକାରରେ ପଠାଇ ନିନ୍ଦିତ ହେଲା ପାକିସ୍ତାନ । ଜାତୀୟ ଓ ଅନ୍ତର୍ଜାତୀୟ ଗଣମାମଧ୍ୟରେ ପ୍ରକାଶ ପାଇଥିବା ରିପୋର୍ଟ ଅନୁସାରେ ନିକଟରେ ଭୂକମ୍ପ କ୍ଷତିଗ୍ରସ୍ତ ତୁର୍କୀକୁ ରିଲିଫ୍ ସାମଗ୍ରୀ ପଠାଇଥିଲା ପାକିସ୍ତାନ ।

ସି-୧୩୦ ବିମାନ ସହାୟତାରେ ତୁର୍କୀ ରାଜଧାନୀ ଅଙ୍କାରାରେ ଏହି ରିଲିଫ୍ ସାମଗ୍ରୀ ପହଞ୍ଚିଥିଲା । ଯେଉଁଥିରେ ତୁର୍କୀ ଜନସାଧାରଣ ଓ ସରକାରଙ୍କ ପାଇଁ ପାକିସ୍ତାନ ଜନସାଧାରଣ ଓ ସରକାରଙ୍କ ତରଫରୁ ସହାୟତା ସାମଗ୍ରୀ ବୋଲି ଲେଖା ଯାଇଥିଲା । ତେବେ ପ୍ୟାକେଟ୍ ଭିତରେ କିନ୍ତୁ ଥିଲା ପୁରୁଣା ଜିନିଷ ।ପାକିସ୍ତାନକୁ ଗତବର୍ଷ ବନ୍ୟା ବେଳେ ତୁର୍କୀ ଦେଇଥିବା ରିଲିଫ୍ ସାମଗ୍ରୀ ସେହି ପ୍ୟାକେଟ୍‌ ଭିତରେ ରହିଥିଲା । ପାକ୍ କର୍ତ୍ତୃପକ୍ଷ ଚାଲାକି କରି ପ୍ୟାକେଟ ଉପର ଭାଗକୁ ରିଂ ପ୍ୟାକେଜିଂ କରିଥିଲେ ବି ଭିତର ପ୍ୟାକେଟରେ କିନ୍ତୁ ଏହା ପାକିସ୍ତାନ ପାଇଁ ତୁର୍କୀ ତରଫରୁ ବନ୍ୟା ସହାୟତା ବୋଲି ଉଲ୍ଲେଖ ରହିଥିଲା ।

ଏକଥା ଜଣେ ପାକିସ୍ତାନୀ ସାମ୍ବାଦିକ ପାକିସ୍ତାନୀ ନ୍ୟୁଜ୍ ଚ୍ୟାନେଲରେ ଖୁଲାସା କରିବା ପରେ ସାମ୍ନାକୁ ଆସିଛି । ଏ ଘଟଣାକୁ ନେଇ ପାକିସ୍ତାନ ବିଶ୍ୱରେ ନିନ୍ଦିତ  ହୋଇଥିବା ବେଳେ ସେପଟେ ପାକିସ୍ତାନର ବିରୋଧୀ ନେତାମାନେ ମଧ୍ୟ ପ୍ରଧାନମନ୍ତ୍ରୀ ସେହୱାଜ୍ ସରିଫଙ୍କୁ ଟାର୍ଗେଟ୍ କରିଛନ୍ତି ।