Pakistan Water Issue: ପାକିସ୍ତାନକୁ ପାଣି ବନ୍ଦ କଲେ ଭାରତର ହେବ କି କ୍ଷତି… ଜାଣନ୍ତୁ ସମ୍ଭାବ୍ୟ ପରିଣାମ

ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣ ପରେ, ଭାରତ ସରକାର ଏକ ବଡ଼ ନିଷ୍ପତ୍ତି ନେଇଛନ୍ତି। ପାକିସ୍ତାନକୁ ଯାଉଥିବା ସିନ୍ଧୁ ନଦୀର ପାଣିକୁ ଭାରତ ରୋକିବା ପଦକ୍ଷେପ ନେଇଛି। ଏହି ନିଷ୍ପତ୍ତି ସିନ୍ଧୁ ଜଳ ଚୁକ୍ତିନାମା ଅନୁଯାୟୀ ପାକିସ୍ତାନ ଏପର୍ଯ୍ୟନ୍ତ ପାଉଥିବା ପାଣି ଉପରେ ସିଧାସଳଖ ପ୍ରଭାବ ପକାଇଛି।

ତେବେ ଆସନ୍ତୁ ଜାଣିବା ପାକିସ୍ତାନକୁ ପାଣି ନ ଦେଲେ ଭାରତ କ’ଣ ଲାଭ ପାଇବ ଏବଂ ଏହାର ସମ୍ଭାବ୍ୟ ପରିଣାମ କ’ଣ ହୋଇପାରେ ?

ପାଣି ଯୋଗାଣ ବନ୍ଦ ଉଦ୍ଦେଶ୍ୟ:

୧୯୬୦ ମସିହାରେ ଭାରତ ଏବଂ ପାକିସ୍ତାନ ମଧ୍ୟରେ ସିନ୍ଧୁ ଜଳ ଚୁକ୍ତି ସ୍ୱାକ୍ଷରିତ ହୋଇଥିଲା। ଏହି ଚୁକ୍ତି ଅନୁଯାୟୀ, ପାକିସ୍ତାନକୁ ଭାରତରୁ ପ୍ରବାହିତ ନଦୀରୁ ପାଣି ମିଳେ। କିନ୍ତୁ ଏବେ ଭାରତ ପାକିସ୍ତାନକୁ ଏହି ପାଣି ଦେବା ବନ୍ଦ କରିଛି। ଭାରତରେ ପାକିସ୍ତାନ ଆତଙ୍କବାଦୀ ଆକ୍ରମଣ କରିବା ପରେ ଏହି ପଦକ୍ଷେପ ନିଆଯାଇଛି, ଏବଂ ଏହାର ଉଦ୍ଦେଶ୍ୟ ପାକିସ୍ତାନକୁ ଏକ ବାର୍ତ୍ତା ପଠାଇଛି ଭାରତ ଆଉ ଚୁପ୍ ରହିବ ନାହିଁ।

ଏହି ପଦକ୍ଷେପ ଏତେ ବଡ଼ ଯେ ଏହା ପାକିସ୍ତାନର କୃଷି ଏବଂ ଜଳ ଯୋଗାଣକୁ ବହୁତ କ୍ଷତି ପହଞ୍ଚାଇପାରେ, କାରଣ ପାକିସ୍ତାନର ବିଶାଳ ଜନସଂଖ୍ୟା ଏବଂ କୃଷି ଏହି ପାଣି ଉପରେ ନିର୍ଭର କରେ।

ଅଧିକ ପଢ଼ନ୍ତୁ: ଜଙ୍ଗଲରେ ଲୁଚିଛନ୍ତି ପହଲଗାମ୍ ହମଲାର ଆତଙ୍କୀ; ବଞ୍ଚାଇବାକୁ ପାକିସ୍ତାନ କରୁଛି ଚେଷ୍ଟା!

ଭାରତର ଫାଇଦା:

ଭାରତ ପାଇଁ ଏହି ନିଷ୍ପତ୍ତିର ସବୁଠାରୁ ବଡ଼ ଲାଭ ହେବ ଯେ ପାଣିର ଉପଲବ୍ଧ ଯଥେଷ୍ଟ ବୃଦ୍ଧି ପାଇବ। ଭାରତର ଅନେକ ରାଜ୍ୟ ଯେପରିକି ପଞ୍ଜାବ, ହରିୟାଣା, ଜମ୍ମୁ ଏବଂ କାଶ୍ମୀର ଏବଂ ହିମାଚଳ ପ୍ରଦେଶ ଏହି ନଦୀ ଉପରେ ନିର୍ଭର କରନ୍ତି। ଏବେ ଏହି ରାଜ୍ୟଗୁଡ଼ିକରେ ଜଳ ପ୍ରବାହ ବୃଦ୍ଧି ପାଇବ, ଯାହା ଫଳରେ କୃଷି ପାଇଁ ପାଣିର ଅଭାବ ରହିବ ନାହିଁ ଏବଂ ବିଦ୍ୟୁତ ଉତ୍ପାଦନ ମଧ୍ୟ ବୃଦ୍ଧି ପାଇପାରିବ।

ଏହି ନଦୀଗୁଡ଼ିକ ଉପରେ ଆଧାରିତ ଭାରତର ଜଳବିଦ୍ୟୁତ ପ୍ରକଳ୍ପଗୁଡ଼ିକ ଏବେ ସେମାନଙ୍କର କ୍ଷମତାଠାରୁ ଅଧିକ କାର୍ଯ୍ୟ କରିପାରିବ। ଏହା ବିଦ୍ୟୁତ୍ ସଙ୍କଟ ସମାଧାନ କରିବ ଏବଂ ନୂଆ ନିଯୁକ୍ତି ମଧ୍ୟ ସୃଷ୍ଟି କରିବ।

ପାକିସ୍ତାନ ପାଇଁ ସଙ୍କଟ:

ଏହି ନିଷ୍ପତ୍ତି ପାକିସ୍ତାନ ପାଇଁ ଏକ ବଡ଼ ସଙ୍କଟ ସୃଷ୍ଟି କରିପାରେ। ଏହା ପାକିସ୍ତାନର କୃଷି ଏବଂ ଜଳବାୟୁ ପାଇଁ ଏକ ବଡ଼ ଆଘାତ ହୋଇପାରେ। ସିନ୍ଧୁ ନଦୀ ଏବଂ ଏହାର ଶାଖା ନଦୀଗୁଡ଼ିକ ପାକିସ୍ତାନର ପଞ୍ଜାବ ଅଞ୍ଚଳ ଦେଇ ପ୍ରବାହିତ ହୁଏ, ଯେଉଁଠାରେ ରହିଛି ପାକିସ୍ତାନର ସବୁଠାରୁ ଗୁରୁତ୍ୱପୂର୍ଣ୍ଣ କୃଷିଭୂମି।

ପାକୁସ୍ତାନକୁ ପାଣି ବନ୍ଦ ଏହାର ଖାଦ୍ୟ ଯୋଗାଣ ଉପରେ ବଡ଼ ପ୍ରଭାବ ପକାଇବ ଏବଂ ପାକିସ୍ତାନ ଜଳ ସଙ୍କଟର ସମ୍ମୁଖୀନ ହେବ। ଏହା କେବଳ କୃଷି ଉତ୍ପାଦନ ହ୍ରାସ କରିବ ନାହିଁ ବରଂ ଖାଦ୍ୟ ସଙ୍କଟ ମଧ୍ୟ ସୃଷ୍ଟି କରିପାରେ।

ଭାରତ ପାଇଁ ହେବ କି ସମସ୍ୟା:

ଏହି ନିଷ୍ପତ୍ତି ଭାରତ ପାଇଁ ଲାଭଦାୟକ ହୋଇପାରେ, କିନ୍ତୁ ଏଥିରେ କିଛି ବିପଦ ମଧ୍ୟ ଥାଇପାରେ। ଭାରତର ପାକିସ୍ତାନକୁ ପାଣି ବନ୍ଦ ପରେ ଏହାକୁ ଠିକ ଭାବରେ ସଂରକ୍ଷଣ ଏବଂ ପରିଚାଳନା କରିବା ପାଇଁ ଯୋଜନା କରିବାକୁ ପଡିବ। ଉପଯୁକ୍ତ ଜଳ ପରିଚାଳନା ବିନା, ଭାରତ ବନ୍ୟା ଏବଂ ମରୁଡ଼ି ଭଳି ସମସ୍ୟାର ସମ୍ମୁଖୀନ ହୋଇପାରେ।

ଅଧିକ ପଢ଼ନ୍ତୁ: ପହଲଗାମ ଆକ୍ରମଣ ଘଟଣାରେ ଆତଙ୍କବାଦୀଙ୍କ ହାତରେ ଥିଲା ଚୀନ ତିଆରି ଡିଭାଇସ ଓ ଆପ୍