LIVE TV
ଦୁନିଆରେ ଏମିତି ଅନେକ ସ୍ଥାନ ରହିଛି, ଯାହା ବିଷୟରେ ଜାଣିଲେ ଆପଣ ଆଶ୍ଚର୍ଯ୍ୟ ହେବେ । ବିଶ୍ୱରେ ଏମିତି ଏକ ଦେଶ ରହିଛି, ଯିଏ କି ସବୁବେଳେ ନିଜର ଅଜବ ନିୟମ କାନୁନ ପାଇଁ ଚର୍ଚ୍ଚାରେ ରହିଥାଏ । ଏବେ ଆପଣ ପ୍ରାୟ ଜାଣିସାରିବେଣି ଆମେ କେଉଁ ଦେଶ କଥା କହୁଛୁ । ଆଜ୍ଞା ହଁ ଯାହା ଭାବୁଛନ୍ତି ତାହା ସତ କଥା । ଏହି ଦେଶରେ ଏମିତି ଏକ ନିୟମ ରହିଛି ଯେ, ଲୋକମାନେ ନିଜ ଇଚ୍ଛାରେ ଟିଭି ମଧ୍ୟ ଦେଖିପାରିବେ ନାହିଁ । ଅର୍ଥାତ ନିଜ ଇଚ୍ଛାରେ ଦୁନିଆ ବିଷୟରେ ଜାଣିପାରିବେ ନାହିଁ, କିମ୍ବା ନିଜ ଇଚ୍ଛାରେ ଚ୍ୟାନେଲ ବଦଳାଇପାରିବେ ନାହିଁ । ଏହି ଦେଶରେ ମୋଟ ୩ ରୁ ୪ଟି ଚ୍ୟାନେଲ ରହିଛି । ଆଉ ସେହି ସବୁ ଚ୍ୟାନେଲରେ ବାହାର ଦେଶର କୌଣସି ଖବର ପ୍ରସାରଣ କରାଯାଇନଥାଏ । ସବୁଠାରୁ ଆଶ୍ଚର୍ଯ୍ୟକର କଥା ହେଉଛି ଏହି ଦେଶରେ ପ୍ରାୟ ୧% ରୁ କମ୍ ଲୋକଙ୍କ ପାଖରେ ଇଣ୍ଟରନେଟ୍ ସୁବିଧା ରହିଛି ।
Also Read
ଆଜ୍ଞା ହଁ ଆପଣ ଯାହା ଭାବୁଥିଲେ ତାହା ସତ । ଏହି ଦେଶର ନାଁ ହେଉଛି ନର୍ଥ କୋରିଆ ବା ଉତ୍ତର କୋରିଆ । ଯେଉଁ ଦେଶର ଶାସକ ହେଉଛନ୍ତି ତାନାସାହି କିମ୍ ଜୋଙ୍ଗ ଉନ୍ । ମିଡିଆ ରିପୋର୍ଟ ଅନୁଯାୟୀ, ଏହି ଦେଶରେ କେହି ବି ଲୋକ ଦେଶ ବାହାରର ନ୍ୟୁଜ ଚ୍ୟାନେଲ ଦେଖିପାରିବେ ନାହିଁ । ଏହି କାରଣରୁ, ଏଠାକାର ଲୋକମାନେ ଦୁନିଆ ବିଷୟରେ ଅଧିକ ଜାଣନ୍ତି ନାହିଁ ।
ଉତ୍ତର କୋରିଆର ଗଣମାଧ୍ୟମ ଉପରେ ସରକାରଙ୍କ ସମ୍ପୂର୍ଣ୍ଣ ନିୟନ୍ତ୍ରଣ ରହିଛି । ଏଠାକାର ଗଣମାଧ୍ୟମ ସରକାରଙ୍କ ବିରୋଧରେ କିଛି କହି ପାରିବ ନାହିଁ । ଏଠାକାର ଗଣମାଧ୍ୟମ, କୌଣସି ବି ଖବର ସରକାରଙ୍କ ବିନା ଅନୁମତିରେ ପ୍ରସାରଣ କରିନଥାଏ । କେବଳ ସରକାର ଯାହା ଚାହିଁବେ ତାହା ଟିଭିରେ ଦେଖାଯିବ । ଏଠାରେ ମାତ୍ର ୩ରୁ ୪ଟି ଚ୍ୟାନେଲ ରହିଛି । ଏହି ୩ -୪ଟି ଚ୍ୟାନେଲରେ କେବଳ ଉତ୍ତର କୋରିଆ ସରକାର ଓ କିମ୍ ଜୋଙ୍ଗ୍ ଉନ୍ଙ୍କ ଗୁଣଗାନ କରାଯାଇଥାଏ । ଏମିତି ରେଡିଓରେ ମଧ୍ୟ ଠିକ୍ ସେହିଭଳି କାର୍ଯ୍ୟକ୍ରମ ଶୁଣିବାକୁ ମିଳିଥାଏ, ଯେଉଁଥିରେ କେବଳ ସରକାରଙ୍କ ଗୁଣଗାନ କରାଯାଏ ।
ବାହାର ଚ୍ୟାନେଲ ଦେଖିଲେ ଦଣ୍ଡ ମିଳିଥାଏ
ଉତ୍ତର କୋରିଆରେ ଯଦି କେହି ବିଦେଶୀ ଚ୍ୟାନେଲ ଦେଖିବା କିମ୍ବା ଶୁଣିବାରେ ଧରାପଡ଼ନ୍ତି, ତେବେ ତାଙ୍କୁ କଠୋର ଦଣ୍ଡ ଦିଆଯାଏ । ସବୁଠାରୁ ଆଶ୍ଚର୍ଯ୍ୟଜନକ କଥା ହେଉଛି ତାଙ୍କୁ ଜେଲ ଦଣ୍ଡ ମଧ୍ୟ ହୋଇପାରେ । ଯେଉଁ ରେଡିଓ ଚ୍ୟାନେଲ ଗୁଡ଼ିକ ସରକାରଙ୍କ କଥା ନମାନନ୍ତି ସେଗୁଡ଼ିକୁ ବନ୍ଦ କରି ଦିଆଯାଏ ।
ସେଠାରେ ଥିବା ଚ୍ୟାନେଲଗୁଡିକକୁ ଉତ୍ତର କୋରିଆର ଖରାପ ଅର୍ଥନୀତି ଏବଂ ଦୁର୍ଭିକ୍ଷ ବିଷୟରେ ଖବର ପ୍ରସାରଣ ପାଇଁ ବାରଣ କରାଯାଇଛି । ରିପୋର୍ଟ ଅନୁଯାୟୀ, ଏଠାରେ ଲୋକଙ୍କ ପାଇଁ ଗୋଟିଏ ଆଶା ହେଉଛି, ଚୀନ୍ ସୀମାରେ ରହିଥିବା କିଛି ଗାଁ । କାରଣ ଏଠାରେ ଦକ୍ଷିଣ କୋରିଆର କିଛି ଟିଭି ଚ୍ୟାନେଲ ଦେଖିବାକୁ ମିଳିଥାଏ । ଏମିତିକି ଏଠାରେ ଚଳଚ୍ଚିତ୍ର ମଧ୍ୟ ପ୍ରସାରିତ କରାଯାଏ ।
ଉତ୍ତର କୋରିଆରେ ସମୁଦାୟ ଜନସଂଖ୍ୟାର ମାତ୍ର ୦.୧ ପ୍ରତିଶତ ଲୋକ ଇଣ୍ଟରନେଟ୍ର ବ୍ୟବହାର କରନ୍ତି । ଏହି ଦେଶରେ କୌଣସି ନ୍ୟୁଜ୍ ପୋର୍ଟାଲ୍ ନାହିଁ । ଚାଇନାର ୱେବସାଇଟ୍ ଉରିମିଞ୍ଜିକ୍କିରି ଉତ୍ତର କୋରିଆ ସୂତ୍ରରୁ ଏହା ବିଷୟରେ ଖବର ପ୍ରକାଶ କରିଥାଏ । ସବୁଠାରୁ ଆଶ୍ଚର୍ଯ୍ୟଜନକ କଥା ହେଉଛି ଏଠାକାର ଲୋକମାନେ ଫୋନରେ ସୁଦ୍ଧା ବିଦେଶୀଙ୍କ ସହ କଥାବାର୍ତ୍ତା ହୋଇପାରିବେ ନାହିଁ।
