LIVE TV
ଭୟଙ୍କର ଭୂମିକମ୍ପ ! ଦୁଇ ଦୁଇଟି ଶକ୍ତିଶାଳୀ ଭୂକମ୍ପ ଝଟ୍କାରେ ଥରିଉଠିଲା ମିଆଁମାର । ଭୁଶୁଡିଲା ଆଇକନିକ୍ ବ୍ରିଜ୍, ଭାଙ୍ଗିଲା କୋଠା, ମାଟିରେ ମିଶିଲା ସୁଉଚ୍ଚ ଅଟ୍ଟାଳିକା । ଆଜି ମିଆଁମାରରେ ଯଥାକ୍ରମେ ୭.୭ ଓ ୭.୨ ତୀବ୍ରତାର ଦୁଇଟି ବଡ଼ ଧରଣର ଭୂକମ୍ପ ହୋଇଛି । ଏହି ଭୂକମ୍ପ ଏତେ ଭୟଙ୍କର ଥିଲା ଯେ, ୯୦୦ କିଲୋମିଟର ଦୂର ଥାଇଲ୍ୟାଣ୍ଡର ରାଜଧାନୀ ବ୍ୟାଂକକ୍କୁ ଦୋହଲାଇ ଦେଇଥିଲା । ଏଥିରେ ବ୍ୟାପକ କ୍ଷୟକ୍ଷତି ଘଟିଛି । ଅନେକ ଲୋକ ମୃତାହତ ହୋଇଥିବା ଆଶଙ୍କା କରାଯାଉଥିବାବେଳେ, ଅନେକ ନିଖୋଜ ଅଛନ୍ତି । ତେବେ ଏ ଯାଏଁ ଏନେଇ କିଛି ସ୍ପଷ୍ଟ ସୂଚନା ମିଳିପାରିନି । ବିଭିନ୍ନ ସ୍ଥାନରେ କୋଠା ଭୁଶୁଡି ୪୩ ଜଣ ନିଖୋଜ ଥିବା ଖବର ଆସୁଛି ।
ମିଆଁମାର ଓ ଥାଇଲ୍ୟାଣ୍ଡରେ ଭୂମିକମ୍ପ ପରର ଚିତ୍ର ରହିଛି ଅତ୍ୟନ୍ତ ଭୟାନକ । ଏହାର ଅନେକ ଭିଡ଼ିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି, ଯେଉଁଥିରେ କେମିତି ବଡ଼ ବଡ଼ ଅଟ୍ଟାଳିକାଗୁଡିକ ଭୂକମ୍ପ ଝଟକାରେ ଦୋହଲି ଯାଉଛି ଏବଂ ଭୁଶୁଡି ପଡୁଥିବାର ଛାତିଥରା ଦୃଶ୍ୟ ଦେଖିବାକୁ ମିଳୁଛି ।
#ଭୟଙ୍କର_ଭୂକମ୍ପ#ଭୂକମ୍ପରେ_ଥରିଲା_ମିଆଁମାର
— ଓଟିଭି (@otvkhabar) March 28, 2025
ମିଆଁମାରରେ ଶକ୍ତିଶାଳୀ ଭୂକମ୍ପ ଝଟ୍କା ଅନୁଭୂତ । ଲଗାତାର ଦୁଇଟି ଭୂମିକମ୍ପରେ ଥରିଉଠିଲା ମିଆଁମାର । #Earthquake #Myanmar #EarthquakeMyanmar #OTV pic.twitter.com/zs6GqWjhV5
ବଡ଼ ବଡ଼ ବିଲ୍ଡିଂ, ବ୍ରିଜ୍ ଭୁଶୁଡିଲା:
ଏହି ଭୂକମ୍ପର କେନ୍ଦ୍ରସ୍ଥଳ ମିଆଁମାରର ସାଗାଇଂ (Sagaing) ବୋଲି ଜଣାପଡିଛି । ଏହାଯୋଗୁଁ ମିଆଁମାରରେ ବ୍ୟାପକ କ୍ଷୟକ୍ଷତି ଘଟିଛି । ମାଣ୍ଡାଲାୟ ସହର ସର୍ବାଧିକ କ୍ଷତିଗ୍ରସ୍ତ ହୋଇଛି । ଅନେକ ମୃତାହତ ହୋଇଥିବାର ଆଶଙ୍କା କରାଯାଉଛି । ମାତ୍ର ମୃତାହତ ସଂଖ୍ୟା ନେଇ ଅଦ୍ୟାବଧି କୌଣସି ସ୍ପଷ୍ଟ ସୂଚନା ହସ୍ତଗତ ହୋଇପାରିନି । ଭୂକମ୍ପ ଝଟ୍କାରେ ମାଣ୍ଡାଲାୟସ୍ଥିତ ଇରାୱାଡି ନଦୀରେ ଥିବା ଆଇକନିକ୍ ଆଭା ବ୍ରିଜ ଭୁଶୁଡି ପଡିଛି । ଏଥିସହ ବଡ଼ ବଡ଼ ବିଲ୍ଡିଂ ମଧ୍ୟ ଧୂଳିସାତ୍ ହୋଇଯାଇଛି । ଏହି ବିଲ୍ଡିଂ ତଳେ ଅନେକ ଲୋକ ଫସି ରହିଥିବା ଆଶଙ୍କା କରାଯାଉଛି ।
#ଭୟଙ୍କର... #ଛାତିଥରା_ଦୃଶ୍ୟ...#ଭୂକମ୍ପରେ_ଥରିଲା_ମିଆଁମାର
— ଓଟିଭି (@otvkhabar) March 28, 2025
ମିଆଁମାରରେ ଶକ୍ତିଶାଳୀ ଭୂକମ୍ପ ଝଟ୍କା ଅନୁଭୂତ । ଲଗାତାର ଦୁଇଟି ଭୂମିକମ୍ପରେ ଥରିଉଠିଲା ମିଆଁମାର । ରିକ୍ଟର ସ୍କେଲ୍ରେ ତୀବ୍ରତା ୭.୨ ଓ ୭.୦ ରେକର୍ଡ ।#Earthquake #Myanmar #EarthquakeMyanmar #OTV pic.twitter.com/Bp32FH4Y93
ମିଆଁମାରରେ ଅନୁଭୂତ ଭୂକମ୍ପ ବ୍ୟାଂକକ୍ ସହିତ ଚୀନ, ତାଇୱାନ ଓ ବାଂଲାଦେଶର କିଛି ସ୍ଥାନରେ ମଧ୍ୟ ଝଟକା ଅନୁଭୂତ ହୋଇଛି । ଭୂକମ୍ପ ନେଇ ଥାଇଲାଣ୍ଡ ଏମର୍ଜେନ୍ସୀ ଘୋଷଣା କରିଛି । ରାଜଧାନୀ ବ୍ୟାଂକକ୍ରେ ମେଟ୍ରୋ ସେବା ବାତିଲ୍ କରାଯାଇଛି ।
ପ୍ରଧାନମନ୍ତ୍ରୀ ମୋଦିଙ୍କ ଉଦବେଗ୍:
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶକ୍ତିଶାଳୀ ଭୂମିକମ୍ପ ପରେ ମିଆଁମାର ଓ ଥାଇଲାଣ୍ଡର ସ୍ଥିତି ନେଇ ଉଦ୍ବେଗ ପ୍ରକାଶ କରିଛନ୍ତି । ପୀଡିତଙ୍କ ସୁରକ୍ଷା କମନା କରି ପ୍ରଧାନମନ୍ତ୍ରୀ 'ଏକ୍ସ'ରେ କହିଛନ୍ତି, ''ମିଆଁମାର ଓ ଥାଇଲ୍ୟାଣ୍ଡର ସ୍ଥିତିକୁ ନେଇ ମୁଁ ଚିନ୍ତିତ । ସମସ୍ତ ଭୂକମ୍ପ ପୀଡିତଙ୍କ ସୁରକ୍ଷା ପାଇଁ ପ୍ରାର୍ଥନା କରୁଛି । ଭାରତ ସବୁପ୍ରକାର ସହାୟତା କରିବାକୁ ପ୍ରସ୍ତୁତ ଅଛି । ଦୁଇ ଦେଶର ସରକାର ସହ ଯୋଗାଯୋଗରେ ରହିବାକୁ ବୈଦେଶିକ ମନ୍ତ୍ରଣାଳୟକୁ ନିର୍ଦ୍ଦେଶ ଦେଇଛି ।''
Concerned by the situation in the wake of the Earthquake in Myanmar and Thailand. Praying for the safety and wellbeing of everyone. India stands ready to offer all possible assistance. In this regard, asked our authorities to be on standby. Also asked the MEA to remain in touch…
— Narendra Modi (@narendramodi) March 28, 2025
ଅଧିକ ପଢ଼ନ୍ତୁ: ଚାରିଆଡେ ହୁ ହୁ ହୋଇ ଜଳୁଛି
