LIVE TV
ପ୍ରଧାନମନ୍ତ୍ରୀଙ୍କ ଭାଷଣ ବେଳେ ଜୋରଦାର ବିସ୍ଫୋରଣ । ଜାପାନର ବାକାୟାମ୍ରେ ଏକ କାର୍ଯ୍ୟକ୍ରମ ଚାଲିଥିବା ବେଳେ ବିସ୍ଫୋରଣ ଘଟିଥିଲା । ସେହି କାର୍ଯ୍ୟକ୍ରମରେ ଖୋଦ୍ ଜାପାନ୍ର ପ୍ରଧାନମନ୍ତ୍ରୀ ଫୁମିଓ କିସିଦା ଯୋଗଦେଇଥିଲେ । ସେ ଭାଷଣ ଦେବା ସମୟରେ ଏହି ବିସ୍ଫୋରଣ ଘଟିଥିଲା । ସୌଭାଗ୍ୟବଶତଃ ପ୍ରଧାନମନ୍ତ୍ରୀଙ୍କର କୌଣସି କ୍ଷତି ହୋଇଥିବା ସୂଚନା ନାହିଁ । ତାଙ୍କୁ ତୁରନ୍ତ ସେଠାରୁ ସୁରକ୍ଷିତ ଭାବେ ସ୍ଥାନାନ୍ତର କରାଯାଇଛି ।
Also Read
ତେବେ ବିସ୍ଫୋରଣ ଯୋଗୁଁ କାର୍ଯ୍ୟକ୍ରମ ସ୍ଥଳରେ ଲୋକେ ଭୟରେ ଏଣେତେଣେ ଦୌଡ଼ିବାକୁ ଲାଗିଥିଲେ । ସ୍ମୋକ୍ ବମ୍ ଯୋଗେ ବିସ୍ଫୋରଣ ଘଟାଯାଇଥିବା ଅନୁମାନ କରାଯାଉଛି । କାରଣ ବିସ୍ଫୋରଣ ସ୍ଥଳ ସମ୍ପୂର୍ଣ୍ଣ ଧୁଆଁମୟ ହୋଇଯାଇଥିଲା । ଏହି ଘଟଣାରେ ପୋଲିସ ଜଣଙ୍କୁ ଗିରଫ କରିଛି । ଘଟଣାର ଉଚ୍ଚସ୍ତରୀୟ ତଦନ୍ତ ଚାଲୁରହିଛି । ଏହି ସ୍କୋକ ବମ୍ ବିସ୍ଫୋରଣର ମୂଳ ଉଦ୍ଦେଶ୍ୟ କ’ଣ ? ଏହି କାରନାମା ପଛରେ କେଉଁ ସଂଗଠନର ହାତ ରହିଛି ? ସେନେଇ କୌଣସି ସଠିକ୍ ସୂଚନା ନାହିଁ ।
ସୂଚନାଯୋଗ୍ୟ, ୮ ଜୁଳାଇ ୨୦୨୨ରେ ଜାପାନର ପୂର୍ବତନ ମୁଖ୍ୟମନ୍ତ୍ରୀ ସିଞ୍ଜୋଆବେଙ୍କୁ ହତ୍ୟା କରାଯାଇଥିଲା । ଜଣେ ଦୁର୍ବୃତ୍ତ ତାଙ୍କୁ ଅତି ନିକଟରୁ ଗୁଳି ମାରି ହତ୍ୟା କରିଥିଲା ।
ତେବେ ସ୍ମୋକ ବମ୍ ବିସ୍ଫୋରଣ ଓ ପରେ ଘଟଣାସ୍ଥଳରେ କିଭଳି ପରିସ୍ଥିତି ଥିଲା, ସେନେଇ ସୋସିଆଲ ମିଡିଆ ରେ ଅନେକ ଭିଡିଓ ଭାଇରାଲ ହେଉଛି । ଗୋଟିଏ ଭିଡିଓରେ ଦେଖିବାକୁ ମିଳିଛି ଯେ, କିଛି ପୋଲିସ କର୍ମୀ ଜଣେ ବ୍ୟକ୍ତିଙ୍କୁ ତଳେ ପକାଇ ମାଡ଼ି ବସିଛନ୍ତି । ସେହି ବ୍ୟକ୍ତି ସ୍ମୋକ ବମ୍ ବିସ୍ଫୋରଣ କରିଥିବା ଅନୁମାନ କରାଯାଉଛି ।
Update
— Geeta Mohan گیتا موہن गीता मोहन (@Geeta_Mohan) April 15, 2023
Person apprehended, Japan PM Fumio Kishida safe after blast at speech — Japanese media
(Video via social media) https://t.co/7QM32JZT9Y pic.twitter.com/8DZlcYGtaB
岸田さんの演説でまさか目の前で… pic.twitter.com/RcXWnYbuzB
— ゆき (@yukiko_070) April 15, 2023
— ゆき (@yukiko_070) April 15, 2023
