LIVE TV
ଆସନ୍ତା ନଭେମ୍ୱରରେ ଆମେରିକାରେ ରାଷ୍ଟ୍ରପତି ନିର୍ବାଚନ। ଏହାପୂର୍ବରୁ ଜୋର୍ଦାର ହୋଇଛି ପ୍ରଚାର। ଏହାରି ଭିତରେ ରାଷ୍ଟ୍ରପତି ପ୍ରାର୍ଥୀଙ୍କୁ ନେଇ ଆସିଛି ବଡ଼ ଖବର। "ଦି ହିଲ"ରେ ପ୍ରକାଶିତ ଏକ ସ୍ତମ୍ଭ ସମସ୍ତଙ୍କୁ ଆଶ୍ଚର୍ଯ୍ୟ ଚକିତ କରିଛି। ଯେଉଁଠି ପୂର୍ବତନ ଡେମୋକ୍ରାଟିକ୍ ରାଷ୍ଟ୍ରପତି ପ୍ରାର୍ଥୀ ହିଲାରୀ କ୍ଲିଣ୍ଟନଙ୍କୁ ରାଷ୍ଟ୍ରପତି ବାଇଡେନଙ୍କ ସ୍ଥାନରେ ଦେଖିବାକୁ ମିଳିପାରେ ବୋଲି ଉଲ୍ଲେଖ ଅଛି। ସୋସିଆଲ ମିଡିଆ ବ୍ୟବହାରକାରୀମାନେ ଏହା ଦେଖି ଆଶ୍ଚର୍ଯ୍ୟ ହୋଇଯାଇଛନ୍ତି।
ଆଉଟଲେଟ୍ ର ପାବଲୋ ଓ’ହାନା ଶନିବାର ଏକ ଆର୍ଟିକିଲ୍ ଲେଖିଛନ୍ତି, ଯେଉଁଥିରେ ଉଲ୍ଲେଖ ଅଛି " ଦ୍ୱିତୀୟ ରାଉଣ୍ଡ ପାଇଁ ପ୍ରସ୍ତୁତ: ଆମକୁ ହିଲାରୀ କାହିଁକି ଦରକାର?" ଏଥିରେ ଯୁକ୍ତି ଦର୍ଶାଯାଇଛି ଯେ ପୂର୍ବତନ ଆମେରିକୀୟ ବୈଦେଶିକ ମନ୍ତ୍ରୀ ଯିଏକି ୨୦୧୬ରେ ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ବିପକ୍ଷରେ ଥିଲେ ସେ ହିଁ ବାଇଡେନଙ୍କ ବିପକ୍ଷରେ ଠିଆ ହେବାପାଇଁ ଉପଯୁକ୍ତ ପ୍ରାର୍ଥୀ। କାରଣ ରାଷ୍ଟ୍ରପତି ନିର୍ବାଚନରେ ଜୋ ବିଡେନ ତାଙ୍କ ନାଁ ପ୍ରତ୍ୟାହାର କରିପାରନ୍ତି ବୋଲି ଚର୍ଚ୍ଚା ହେଉଛି। ନ୍ୟୁଜମାକ୍ସ ଜୋ ବିଡେନ ରାଷ୍ଟ୍ରପତି ଦୌଡ଼ରୁ ଓହରି ଯାଇପାରନ୍ତି ବୋଲି ଏକ ରିପୋର୍ଟ ପ୍ରକାଶ କରିଛି।
Also Read
ତେବେ ଏହାକୁ ଅନେକ ସମର୍ଥନ କରିଛନ୍ତି। ଡୋନାଲ୍ଡ ଟ୍ରମ୍ପଙ୍କ ସମର୍ଥକ ଆଲେକ୍ସ ଜୋନ୍ସ ଏନେଇ ସୋଲିଆଲ୍ ମିଡିଆ ଏକ୍ସରେ ଏକ ଭିଡିଓ ବାର୍ତ୍ତା ଅପଲୋଡ୍ କରିଛନ୍ତି। ସେ ଏହାକୁ ସଠିକ ନିଷ୍ପତ୍ତି ବୋଲି କହିଛନ୍ତି। ଏଥିସହ ଟ୍ରମ୍ପଙ୍କ ସହ ଲଢେଇ ହେବ ବୋଲି କହିଛନ୍ତି। ଡିଏନ୍ସି କନଭେନ୍ସନ୍ରେ ଏହା ସ୍ପଷ୍ଟ ବୋଲି ସେ କହିଛନ୍ତି।
Breaking! Hillary Clinton to replace Joe Biden as democrat nominee at DNC convention! pic.twitter.com/hF1djOiisn
— Alex Jones (@RealAlexJones) July 20, 2024
ଆମେରିକାର ପୂର୍ବତନ ବୈଦେଶିକ ସଚିବ ବାଇଡେନ୍ଙ୍କୁ ନିର୍ବାଚନ ପ୍ରଚାରକୁ ସ୍ଥଗିତ ରଖିବାକୁ ଆହ୍ୱାନ ଦେଇଥିବାରୁ ସେ ସବୁଠାରୁ ଉପଯୁକ୍ତ ବ୍ୟକ୍ତି। ଏହି ଆର୍ଟିକିଲ ସୋସିଆଲ ମିଡିଆରେ ଧ୍ୟାନ ଆକର୍ଷଣ କରିଥିଲା। ସ୍ତମ୍ଭରେ ଓ’ହାନା ଲେଖିଛନ୍ତି, "ରାଷ୍ଟ୍ରପତି ଜୋ ବାଇଡେନ୍ଙ୍କୁ ଡେମୋକ୍ରାଟିକ୍ ପ୍ରାର୍ଥୀ ଭାବରେ ବଦଳାଇବା ବିରୁଦ୍ଧରେ ଦୃଢ ଯୁକ୍ତି ହେଉଛି ସେ ଉପଯୁକ୍ତ ପ୍ରାର୍ଥୀ ନୁହନ୍ତି। ଯୋଗ୍ୟ ବ୍ୟକ୍ତି ହେଉଛନ୍ତି ହିଲାରୀ ରୋଡହମ୍ କ୍ଲିଣ୍ଟନ୍।
ଏପରିକି ସେ ଦାବି କରିଛନ୍ତି ଯେ କ୍ଲିଣ୍ଟନ ବାଇଡେନ୍ଙ୍କ ପାଇଁ ବୋଧହୁଏ ସବୁଠୁ ଅଧିକ ଶକ୍ତିଶାଳୀ। ଏଥିସହ ଯୁକ୍ତି ବାଢିଛନ୍ତି ଯେ ସେ “ଉଭୟ ବାଇଡେନ୍ ଏବଂ ଟ୍ରମ୍ପଙ୍କଠାରୁ ସାନ ଓ ତାଙ୍କର ଅଭିଜ୍ଞତା ରହିଛି। ସେ ଶିଶୁ ଅଧିକାର ଏବଂ ସ୍ୱାସ୍ଥ୍ୟ ସେବାର ଜଣେ ଓକିଲ । ଲକ୍ଷ ଲକ୍ଷ ଭୋଟର ଅଛନ୍ତି ଯେଉଁମାନେ ୨୦୧୬ରେ ତାଙ୍କୁ ଭୋଟ୍ ନ ଦେଇ ଦୁଃଖିତ ଏବଂ ସେ ପୁଣି ଥରେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରନ୍ତୁ ବୋଲି ସେମାନେ ଚାହୁଁଛନ୍ତି।ଓ’ହାନା ତାଙ୍କ ଆର୍ଟିକିଲ୍କୁ ସମାପ୍ତ କରି କହିଛନ୍ତି, “ହିଲାରୀ କ୍ଲିଣ୍ଟନରେ ଡେମୋକ୍ରାଟ୍ସଙ୍କର ଜଣେ ଅଭିଜ୍ଞ, ଜ୍ଞାନୀ ଏବଂ ଯୋଗ୍ୟ ପ୍ରାର୍ଥୀ।
I truly can’t believe how much drama my opinion piece has caused on the right. I implore you to properly read what I wrote and not listen to the insanity from Alex Jones or Trump hacks. https://t.co/BMJYwaSmq1
— Pablo O'Hana (@PabloOHana) July 21, 2024
