LIVE TV
ଉଡ଼ାଣ ଭରିବା ଆରମ୍ଭ କରୁଥିଲା ବିମାନ । ହେଲେ ବିଶୃଙ୍ଖଳା ସୃଷ୍ଟି କଲେ ଯାତ୍ରୀ । ବିମାନଟି ଚାଲିବା ସମୟରେ ଯାତ୍ରୀ ଜଣକ ବିମାନର ଜରୁରୀକାଳୀନ ଦ୍ୱାର ଖୋଲିଦେଲେ । ଯାହାକୁ ନେଇ ଦେଖା ଦେଲା ଅସନ୍ତୋଷ । ଏପରି ଏକ କାଣ୍ଡ ଘଟାଇଛନ୍ତି ଜଣେ କାନାଡ଼ୀୟ ପର୍ଯ୍ୟଟକ । ଚଳିତ ସପ୍ତାହରେ ଚିଆଙ୍ଗ ମାଇ ବିମାନବନ୍ଦରରେ ଏହି ଘଟଣା ଘଟିଛି ।
ଯାତ୍ରୀ ଜଣକଙ୍କ ଏପରି ହରକତ ଯୋଗୁ ବିମାନଟିର ଚଳାଚଳରେ ବାଧାପ୍ରାପ୍ତ ହୋଇଥିଲା । ବିମାନଟିକୁ ପୁଣିଥରେ ଟର୍ମିନାଲକୁ ଫେରାଇ ଅଣାଯାଇଥିଲା । ଏହି ଘଟଣାରେ ଯାତ୍ରୀଙ୍କ ବିଶୃଙ୍ଖଳାକୁ ଦର୍ଶାଯାଇଛି । ସୋସିଆଲ ମିଡିଆରେ ଏ ସମ୍ପର୍କରେ ଏକ ପୋଷ୍ଟ ମଧ୍ୟ ହୋଇଛି ।
Also Read
ପୂରା ବିମାନରେ ବିଶୃଙ୍ଖଳା ପରିସ୍ଥିତି ଦେଖାଦେଇଥିବା କୁହାଯାଇଥିବା ବେଳେ ଜଣେ କାନାଡ଼ୀୟ ପର୍ଯ୍ୟଟକ ଏହି କାଣ୍ଡ ଘଟାଇଥିବା ସୂଚନା ଦିଆଯାଇଛି । ଏ ସମ୍ପର୍କରେ ଚିଆଙ୍ଗ ମାଇ ବିମାନବନ୍ଦର ନିର୍ଦ୍ଦେଶକ ରୋନାକର୍ନ ଚାଲେର୍ମେସେନାକର୍ନ ସୂଚନା ଦେଇଛନ୍ତି ।
ସେପଟେ ଏହି ଘଟଣା ଘଟିବା ପରେ ହଠାତ୍ ବିମାନଟିକୁ ଅଟକାଇ ଦିଆଯାଇଥିଲା । ସମସ୍ତ ଯାତ୍ରୀଙ୍କୁ ସୁରକ୍ଷିତ ଭାବେ ଓହ୍ଲାଇ ଦିଆଯାଇଥିଲା । ଘଟଣାସ୍ଥଳରେ ଟେକ୍ନିସିଆନ୍ମାନେ ପହଞ୍ଚି ବିମାନଟିକୁ ଯାଞ୍ଚ କରିଥିଲେ । ତେବେ ଗୋଟିଗୋଟି କରି ଯାଞ୍ଚ କରିବା ପରେ ବିମାନଟି ଉଡ଼ାଣ ପାଇଁ ନିରାପଦ ଥିବା ଘୋଷଣା କରିଥିଲେ ।
