Recent earthen tremors in Pakistan: ରାତିରେ ଥରିଲା ପାକିସ୍ତାନ

ପାକିସ୍ତାନକୁ ଲାଗିଛି ଭୂକମ୍ପର ଝଟକା । ଶନିବାର ରାତ୍ର ୧.୪୪ ସମୟରେ ପାକିସ୍ତାନରେ ଭୂକମ୍ପ ଅନୁଭୂତ ହୋଇଥିବାର ସୂଚନା ମିଳିଛି । ଜାତୀୟ ଭୂକମ୍ପ ବିଜ୍ଞାନ କେନ୍ଦ୍ର ଅନୁଯାୟୀ, ୪.୦ ତୀବ୍ରତାର ଭୂମିକମ୍ପରେ ବିଶେଷ କିଛି କ୍ଷୟକ୍ଷତି ହୋଇନଥିବା ସୂଚନା ମିଳିଛି । ଭୂକମ୍ପର ଗଭୀରତା ୧୦ କିଲୋମିଟର ପର୍ଯ୍ୟନ୍ତ ଥିଲା । 

ଅଧିକ ପଢ଼ନ୍ତୁ: ଏଥର ଉତ୍ତେଜନା ସବୁଠୁ ଭୟଙ୍କର, କେବଳ ଭଗବାନଙ୍କୁ ଡାକୁଛୁ

ସୂଚନାନୁଯାୟୀ, ଗତ ମେ ୫ ତାରିଖରେ ୪.୨ ତୀବ୍ରତାର ଭୂକମ୍ପର ଝଟକା ଅନୁଭୂତ ହୋଇଥିଲା ପାକିସ୍ତାନ ଓ ଆଫଗାନିସ୍ତାନରେ । ପାକିସ୍ତାନ ଭାରତୀୟ ଓ ୟୁରେସିଆନ ଟେକ୍ଟୋନିକ ପ୍ଲେଟର ସଂଯୋଗରେ ଅବସ୍ଥିତ । ଯେଉଁଥି ପାଇଁ ଏଠାରେ ମାତ୍ରାଧିକ ଭୂମିକମ୍ପ ଅନୁଭୂତ ହୁଏ । ସେହିଭଳି ବାଲୋଚିସ୍ତାନ, ଖାଇବର ପଖତୁନଖାୱା ଏବଂ ଗିଲଗିଟ ବାଲିଟିସ୍ଥାନ ୟୁରେସିଆନ ପ୍ଲେଟର ଦକ୍ଷିଣ ସୀମାରେ ଅବସ୍ଥିତ ଥିବା ବେଳେ ପଞ୍ଜାବ ଓ ପାକ୍ ଅଧିକୃତ କାଶ୍ମୀର ଭାରତୀୟ ପ୍ଲେଟରେ ଅବସ୍ଥିତ । ଯାହାଫଳରେ ପାକିସ୍ତାନରେ ବାରମ୍ବାର ଭୂମିକମ୍ପ ଅନୁଭୂତ ହେଉଛି । ଭାରତ- ପାକିସ୍ତାନ ସଂଘର୍ଷ ମଧ୍ୟରେ ପାକିସ୍ତାନରେ ଭୂକମ୍ପର ଝଟକା ଅନୁଭୂତ ହେବାରୁ ଭୟଭୀତ ଅବସ୍ଥାରେ ଅଛନ୍ତି ସ୍ଥାନୀୟ ଲୋକେ ।

ଅଧିକ ପଢ଼ନ୍ତୁ: ସୀମାରେ ଅବାଧ ଅନୁପ୍ରବେଶ ରୋକିବାକୁ ନୂଆ ପନ୍ଥା, ଆଣ୍ଟି ଡ୍ରୋନ୍‌ ସିଷ୍ଟମ ଆପଣାଇଲେ ପଞ୍ଜାବ ସରକାର