ନିର୍ବାଚନ ଜିତିବାକୁ ଟ୍ରମ୍ପଙ୍କ ନୂଆ ଫର୍ମୁଲା; ଅଳିଆ ଗାଡ଼ି ଚଲାଇ କଲେ ପ୍ରଚାର

ଆସନ୍ତା ନଭେମ୍ୱର ୫ରେ ଆମେରିକାରେ ରାଷ୍ଟ୍ରପତି ନିର୍ବାଚନ। ନିର୍ବାଚନ ଯେତେ ପାଖେଇ ଆସୁଛି, ପ୍ରଚାର ସେତେ ଜୋର୍‌ଦାର ହେଉଛି। ନିର୍ବାଚନରେ ​​ଜିତିବା ପାଇଁ ଡୋନାଲ୍ଡ ଟ୍ରମ୍ପ ପ୍ରାଣପଣେ ଉଦ୍ୟମ ଚଳାଇଛନ୍ତି। ଏବେ ସେ ପ୍ରଧାନମନ୍ତ୍ରୀ ମୋଦିଙ୍କ ପଥ ଅନୁସରଣ କରିଛନ୍ତି। ଟ୍ରମ୍ପ ଏବଂ ତାଙ୍କ ଟିମ୍ ୨୦୧୯ ଲୋକସଭା ନିର୍ବାଚନରେ ​​ପ୍ରଧାନମନ୍ତ୍ରୀ ମୋଦିଙ୍କ 'ମେ ଭି ଚକିଦାର' ଫର୍ମୁଲା ଆପଣେଇଛନ୍ତି। ରାଷ୍ଟ୍ରପତି ଜୋ ବାଇଡେନ୍ ଯେଉଁଥି ପାଇଁ ଟ୍ରମ୍ପଙ୍କୁ ଆକ୍ରମଣ କରିଥିଲେ, ଏବେ ଡୋନାଲ୍ଡ ଟ୍ରମ୍ପ ତାକୁ ରାଜନୈତିକ ଅସ୍ତ୍ରରେ ପରିଣତ କରିଛନ୍ତି।

ଆମେରିକାର ରାଷ୍ଟ୍ରପତି ଜୋ ବାଇଡେନ୍ ଟ୍ରମ୍ପ ସମର୍ଥକଙ୍କୁ ଅଳିଆ ସହିତ ତୁଳନା କରି ସେମାନଙ୍କୁ ଅଳିଆ ବୋଲି କହିଛନ୍ତି। ଜୋ ବାଇଡେନ୍ କିଛି ଦିନ ପୂର୍ବରୁ ଜଣେ ହାସ୍ୟ ଅଭିନେତାଙ୍କ ମଜାଳିଆ ମନ୍ତବ୍ୟ ବିଷୟରେ ନିଜର ମତ ରଖିଥିଲେ, ଯେଉଁଥିରେ ହାସ୍ୟ ଅଭିନେତା ପୁଏର୍ତୋ ରିକୋକୁ ଟ୍ରମ୍ପ ରାଲିରେ ଏକ 'ଆବର୍ଜନା ଦ୍ୱୀପ' ସହିତ ତୁଳନା କରିଥିଲେ। ମଙ୍ଗଳବାର ଲାଟିନୋ ଭୋଟରଙ୍କ ପାଇଁ ଏକ ନିର୍ବାଚନ ପ୍ରଚାର ସମୟରେ ବାଇଡେନ୍ କହିଛନ୍ତି, 'ମୁଁ ଯେଉଁ ଆବର୍ଜନା ଭାସୁଥିବା ଦେଖିପାରୁଛି ସେଗୁଡିକ ହେଉଛି ଟ୍ରମ୍ପଙ୍କ ସମର୍ଥକ। ଏହା ପରେ ଟ୍ରମ୍ପ ଏହି ଆବର୍ଜନା ଶବ୍ଦକୁ ଏହାକୁ ରାଜନୈତିକ ଅସ୍ତ୍ରରେ ପରିଣତ କରିଛନ୍ତି।

ଏହା ପରେ ଡୋନାଲ୍ଡ ଟ୍ରମ୍ପ ବାଇଡେନ୍‌ଙ୍କୁ ଏକ ନିଆରା ଢଙ୍ଗରେ ଉତ୍ତର ଦେଇଛନ୍ତି । ଆଜି ୱିସ୍କୋସିନ୍‌ର ଗ୍ରୀନୱେରେ ଡୋନାଲ୍ଡ ଟ୍ରମ୍ପ ଏକ ଅଳିଆ ଟ୍ରକରେ ବସିଥିବାର ନଜର ଆସିଛନ୍ତି। ସେ ୱିସ୍କୋସିନ୍‌ ଗ୍ରୀନୱେରେ ଆୟୋଜିତ ରାଲିରେ ଅଳିଆ ଟ୍ରକ୍ ଚଲାଇ ପହଞ୍ଚିଥିଲେ। ଏହି ସମୟରେ ଡୋନାଲ୍ଡ ଟ୍ରମ୍ପ ଏକ ଧଳା ସାର୍ଟ ଉପରେ ଲାଇଟ୍ ଅରେଞ୍ଚ ରଂଗର ଜ୍ୟାକେଟ୍ ପିନ୍ଧିଥିଲେ। ସେଠାରେ ଗଣମାଧ୍ୟମ ପ୍ରତିନିଧିଙ୍କ ସହ ଆଲୋଚନା କରି କରି କହିଥିଲେ ମୋର ଅଳିଆ ଟ୍ରକକୁ ଆପଣମାନେ କିପରି ଦେଖୁଛନ୍ତି ? ଏହି ଟ୍ରକ୍ କମଲା ହାରିସ୍ ଏବଂ ଜୋ ବିଡେନଙ୍କ ସମ୍ମାନାର୍ଥେ । ଗାଡିରେ ବଡ଼ ବଡ଼ ଅକ୍ଷରରେ ଟ୍ରମ୍ପ ଲେଖାଯାଇଥିଲା।

President trump being pick up. This is not Parody. He was picked in a Garbage truck. Wow! pic.twitter.com/xAKgz58Sug

— "WE" R 4 FREEDOM 5:5 (@4LuvsUSA) October 31, 2024

ଡୋନାଲ୍ଡ ଟ୍ରମ୍ପଙ୍କ ପରି ରିପବ୍ଲିକାନ୍ ନେତା ବିବେକ ରାମସ୍ୱାମୀ ମଧ୍ୟ ଏକ ଟ୍ରକ୍ ଚଳାଉଥିବା ଦେଖଇବାକୁ ମିଳିଥିଲା। ବିବେକ ରାମସ୍ୱାମୀ ଟ୍ରମ୍ପଙ୍କ ପରି ଆବର୍ଜନା ଗାଡି ଚଳାଇଥିଲେ ଓ ପରେ ହାତରେ ଅଳିଆ ନେଇ ଟ୍ରକରେ ରଖୁଥିଲେ। ସେ ତାଙ୍କ ଏକ୍ସରେ ଏକ ଭିଡିଓ ପୋଷ୍ଟ କରି ଲେଖିଥିଲେ ଯେ ଆମେ ଅଳିଆ ନୁହେଁ, ଆମେ ଅଳିଆ ବାହାର କରୁଛୁ। ୨୦୧୯ ଲୋକସଭା ନିର୍ବାଚନରେ ​​ମଧ୍ୟ ପ୍ରଧାନମନ୍ତ୍ରୀ ମୋଦିଙ୍କ ନେତୃତ୍ୱରେ ବିଜେପି ‘ମେ ଭି ଚୌକିଦାର’ ଅଭିଯାନ ଚଳାଇ ନିର୍ବାଚନରେ ​​ଜିତିଥିଲା।

We’re not the garbage, we’re *taking out* the garbage. pic.twitter.com/cwNQjVeFLn

— Vivek Ramaswamy (@VivekGRamaswamy) October 30, 2024

ସେହି ନିର୍ବାଚନରେ ​​ପ୍ରଧାନମନ୍ତ୍ରୀ ମୋଦୀ X ରେ ତାଙ୍କ ନାମ ଚୌକିଦାର ନରେନ୍ଦ୍ର ମୋଦି ଲୋଖିଥିଲେ। ପ୍ରଧାନମନ୍ତ୍ରୀ ମୋଦି ଲାଲୁ ଯାଦବ ଏବଂ ରାହୁଲ ଗାନ୍ଧୀଙ୍କ ଆକ୍ରମଣକୁ ନିର୍ବାଚନ ଅସ୍ତ୍ର କରିଥିଲେ ଏବଂ ବିଜେପି ମଧ୍ୟ ଗୌକିଦାର ଅଭିଯାନ ଆରମ୍ଭ କରିଥିଲା। ଏହା ପରେ ଲକ୍ଷ ଲକ୍ଷ ବିଜେପି ସଦସ୍ୟ ମେ ଭି ଚୌକିଦାର ଅଭିଯାନରେ ସାମିଲ ହୋଇଥିଲେ।

ବର୍ତ୍ତମାନ ଡୋନାଲ୍ଡ ଟ୍ରମ୍ପ ମଧ୍ୟ ସମାନ ସୂତ୍ର ଦ୍ୱାରା ଅନୁପ୍ରାଣିତ ହୋଇଥିବା ଜଣାପଡିଛି। ଡୋନାଲ୍ଡ ଟ୍ରମ୍ପଙ୍କ ପରେ ବିବେକ ରାମସ୍ୱାମୀ ଟ୍ରମ୍ପଙ୍କ ପରି ଅଳିଆ ଆବର୍ଜନା ଗୋଟାଇଛନ୍ତି।ସେହିପରି, ଡୋନାଲ୍ଡ ଟ୍ରମ୍ପ ବାଇଡେନଙ୍କ ଅଳିଆ ବିବୃତ୍ତି ନେଇ ଏହାକୁ ନିର୍ବାଚନୀ ଅସ୍ତ୍ର କରିଛନ୍ତି। ଡୋନାଲ୍ଡ ଟ୍ରମ୍ପ ହେଉଛନ୍ତି ରିପବ୍ଲିକାନ୍ ପ୍ରାର୍ଥୀ ଏବଂ କମଲା ହାରିସ୍ ହେଉଛନ୍ତି ଡେମୋକ୍ରାଟ୍। ସମ୍ପ୍ରତି ଉଭୟଙ୍କ ମଧ୍ୟରେ କଡ଼ା ପ୍ରତିଯୋଗିତା ଚାଲିଛି। କିନ୍ତୁ ଏହି ଅଳିଆ ଆବର୍ଜନା ଷ୍ଟଣ୍ଟ ଆମେରିକା ରାଜନୀତିରେ ଏକ ବଡ଼ ପରିବର୍ତ୍ତନ ଆଣିପାରେ।