LIVE TV
ଆକାଶରେ ଉଡ଼ୁଛି ବିମାନ । କିନ୍ତୁ ହଠାତ ଲାଗିଗଲା ନିଆଁ । ବିମାନରେ ମଝି ଆକାଶରେ ଥିବା ବେଳେ ହିଁ ଲାଗିଲା ନିଆଁ । ଏନେଇ ଏକ ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହେଉଛି । ଏକ ଅଭାବନୀୟ ଘଟଣା କ୍ରମରେ ବିମାନ ଉଡ଼ୁଥିବା ବେଳେ ହିଁ ଲାଗି ଯାଇଛି ନିଆଁ ।
ଆଟଲାସ୍ ଏୟାର ବୋଇଂ ୭୪୭-୮ କାର୍ଗୋ ବିମାନଟି ଆକାଶରେ ଉଡ଼ାଣ ଭରିବା ସମୟରେ ହିଁ ଏପରି ବଡ଼ ଧରଣ ଅଘଟଣ ଦେଖିବାକୁ ମିଳିଥିଲା । ଫଳରେ ବିମାନଟିକୁ ଆମେରିକାସ୍ଥିତ ମିଆମି ଅନ୍ତର୍ଜାତୀୟ ବିମାନବନ୍ଦରରେ ଜରୁରୀକାଳୀନ ଅବତରଣ କରିବାକୁ ପଡ଼ିଥିଲା । ଇଞ୍ଜିନରେ ବଡ଼ ଧରଣର ତ୍ରୁଟି କାରଣରୁ ଏପରି ହୋଇଥିବା ସୂଚନା ।
Also Read
💥#BREAKING: Atlas Air Boeing 747-8 catches fire with sparks shooting out during mid flight.#Miami | #Florida #boeing7478 #atlasair pic.twitter.com/3IO5xFvMr6
— Noorie (@Im_Noorie) January 19, 2024
ଏନେଇ କମ୍ପାନୀ ତରଫରୁ କୁହାଯାଇଛି ଯେ, ସମସ୍ତ କର୍ମଚାରୀମାନେ ନିରାପଦ ମାନକ ପ୍ରଣାଳୀ ଅନୁସରଣ କରିଥିଲେ । ଯାତ୍ରୀମାନଙ୍କୁ ସୁରକ୍ଷିତ ଭାବେ ଅବତରଣ କରାଯାଇଥିଲା । ସମସ୍ତ ଯାତ୍ରୀ ନିରାପଦ ଥିବା ସୂଚନା । ଭିଡିଓଟିରେ ବିମାନର ବାମପଟରେ ନିଆଁ ଲାଗିଥିବାର ଦେଖାଯାଇଥିଲା ।
ତେବେ ଏପରି କାହିଁକି ଘଟିଲା ସେନେଇ କାର୍ଗୋ କମ୍ପାନୀ ଯାଞ୍ଚ କରିବ ବୋଲି କହିଛି । ଅନ୍ୟପଟେ ସମ୍ପୃକ୍ତ ବିମାନଟି ଏକ ବୋଇଂ ୭୪୭-୮ ଥିଲା । ଏହାର ଚାରୋଟି ଜେନେରାଲ ଇଲେକ୍ଟ୍ରିକ୍ GEnx ଇଞ୍ଜିନ ରହିଥାଏ । ଏଣୁ ଇଞ୍ଜିନରେ ହିଁ କିଛି ତ୍ରୁଟି ରହିଥାଇପାରେ ବୋଲି ସାଧାରଣ ଭାବେ ଧରି ନିଆ ଯାଇଛି ।
ତେବେ ସମସ୍ତ ଯାତ୍ରୀ ସୁରକ୍ଷତ ଥିବା ଜଣା ପଡ଼ିଛି । ଅନ୍ୟପଟରେ ବିମାନରେ କେତେଜଣ କର୍ମଚାରୀ ଥିଲେ, ତାହାର କୌଣସି ସଠିକ ସୂଚନା ବର୍ତ୍ତମାନ ସୁଦ୍ଧା ମିଳିପାରିନାହିଁ ।
