• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Satyendu Shekher Mishra

ଯୋଉ ପୁଅକୁ ୧୦ ମାସ ୧୦ ଦିନ ଗର୍ଭରେ ରଖି ଏ ଦୁନିଆ ଦେଖାଇଥିଲା ମାଆ, ତାକୁ ଆଜି ସାତପର କରିଦେଇଛି ପୁଅ । ଖାଲି ପର କରିଛି ତାହା ନୁହେଁ ବରଂ ମାଆକୁ ମାଡି ବି ମାରିଛି । ଯାହାକୁ ହାତ ଧରି ରାସ୍ତା ଚଳାଇବା ଶିଖାଇଥିଲେ ଆଜି ସେଇ ହାତ ମାଆ ଉପରକୁ ଉଠୁଛି । ଏମିତି କଷ୍ଟରେ ପିଲାଙ୍କ ପାଖରେ ମାଆ ରହିବ ବା କେମିତି ?

ବାଲେଶ୍ୱର ସୋର ଥାନା ନୂଆଗାଁ ଅଞ୍ଚଳରେ ହାରାମଣି ଖଣ୍ଡା । ବୟସ ୮୦ ଟପିଲାଣି । ଆଉ ଯୋଉ ବୟସରେ ସେ ସାହାରା ଖୋଜିବାର କଥା ସେହି ବୟସରେ ବେସାହାରା ହୋଇଗଲେ ହାରାମଣି । ତିନିପୁଅ ଜନ୍ମ କରିବା ପରେ ଭାବିଥିଲା ପରିଣତ ବୟସରେ ଏମାନେ ସମସ୍ତେ ତାର ସେବା କରିବେ । ହେଲେ ସବୁକିଛି ଓଲଟା ହୋଇଗଲା । ପରିଣତ ବୟସରେ ସେବା ତ ଦୂରର କଥା ବରଂ ପର କରିଦେଲେ ତିନିପୁଅ ।

ସେହିଭଳି ଆଉ ଏକ ବୃଦ୍ଧ ଦମ୍ପତ୍ତି ହେଉଛନ୍ତି ପଦ୍ମଲୋଚନ ଭୋଇ ଓ ଲକ୍ଷ୍ମୀପ୍ରିୟା ଭୋଇ l ଉଭୟଙ୍କ ବୟସ ୬୦ ଟପିଲାଣି । ନଖାଇ ନପିଇ ଦେହ ହାତ ବି ଥରିଲାଣି l ପିଲା ବଡ ହେଲେ ବାପା-ମାଆଙ୍କ ଦୁଃଖ ବୁଝନ୍ତି । ସେମାନଙ୍କୁ ଦୁଇ ପଇସା ଦିଅନ୍ତି । ହେଲେ ଏମାନଙ୍କ କ୍ଷେତ୍ରରେ ଏହା ପୂରା ଓଲଟା । ଏ ବୟସରେ ପିଲା ଟଙ୍କା ନେଉଛନ୍ତି ଆଉ ନଦେଲେ ପାଟିତୁଣ୍ଡ ବି କରୁଛନ୍ତି । ଏମିତିକି ପଇସା ନଦେଲେ ଘରେ ନିଆଁ ଲଗାଇ ଦେବାର ଧମକ ଦେଉଛନ୍ତି ।

ଜନ୍ମ କଲା ପୁଅ ଯେବେ ଏମିତି ବ୍ୟବହାର କରିବ ତେବେ କୋଉ ମାଆ-ବାପା ଘରେ ରହିବ ? ପୁଅର ଅତ୍ୟାଚାରରେ ଅତିଷ୍ଠ ହୋଇ ଏବେ ନ୍ୟାୟ ପାଇଁ ଥାନା ଦୁଆରେ ବସିଛନ୍ତି ବାପା-ମାଆ ।

ଅର ନିର୍ଯାତନାରେ ଏମାନେ ଏତେ ଅତିଷ୍ଠ ଯେ କଥା କହିଲା ବେଳକୁ ଆଖିରେ ଆସୁଯାଉଛି ପାଣି । ଥରେ ଅନୁମାନ କରନ୍ତୁ ଯେଉଁ ବାପା-ମାଆ ପୁଅକୁ ଜନ୍ମ କରି ସୁନେଲୀ ସ୍ୱପ୍ନ ଦେଖୁଥିବେ ସିଏ ଯେବେ ବଡ ହୋଇ ସେମାନଙ୍କ ଉପରକୁ ହାତ ଉଠାଇବ କେମିତି ଅନୁଭବ ହେଉଥିବା । ଏହି କଷ୍ଟକୁ ଶବ୍ଦରେ ବି ବର୍ଣ୍ଣନା କରିବା ଅସମ୍ଭବ ନିଶ୍ଚୟ ।

(ରିପୋର୍ଟ- ନିରଞ୍ଜନ ବେହେରା, ସୋର)