LIVE TV
ଚାଷରୁ ଆଜିକାଲି ଯୁବପିଢି ମୁହଁ ଫେରାଇ ନେଉଛନ୍ତି। ଚାକିରି କରି ବେଶ୍ ଦି ପଇସା ପାଇବା ଆଶାରେ ସେମାନେ ସହର ମୁହାଁ ହେଉଛନ୍ତି। ହେଲେ କିଛି ଲୋକ ଚାକିରି ଛାଡ଼ି ଚାଷକୁ ଆପଣେଇ ନେଉଛନ୍ତି। କୋଚିର ଅଜୟ ଗୋପୀନାଥ ନିଜର ବ୍ୟାଙ୍କ ଚାକିରି ଛାଡ଼ି ଚାଷ କାମ ଆରମ୍ଭ କରିବା ସହ ନିଜକୁ ଏକ ସଫଳ ଚାଷୀ ଭାବରେ ପରିଚିତ କରାଇ ପାରିଛନ୍ତି। ଗୋପୀନାଥ ବ୍ୟାଙ୍କ ଚାକିରି ତୁଚ୍ଛ କରି ମାଇକ୍ରୋଗ୍ରୀନ ଚାଷ କରିବାକୁ ମନସ୍ଥ କରିଥିଲେ। ଆଉ ଏଥିରେ ସେ ନିଜର ପାରଦର୍ଶିତା ଦେଖାଇବା ସହ ମାସକୁ ୫ଲକ୍ଷରୁ ଅଧିକ ଟଙ୍କା ରୋଜଗାର କରିପାରୁଛନ୍ତି। ତେବେ ଆସନ୍ତୁ ଜାଣିବା ଅଜୟ ଗୋପୀନାଥଙ୍କ ସଫଳତାର କାହାଣୀ ।
ଅଜୟ ଗୋପୀନାଥଙ୍କ କାହାଣୀ ୨୦୧୭ରେ ବେଙ୍ଗାଲୁରୁର ଏକ ରେଷ୍ଟୁରାଣ୍ଟରୁ ଆରମ୍ଭ ହୋଇଥିଲା । ସାଙ୍ଗମାନଙ୍କ ସହିତ ମଧ୍ୟାହ୍ନ ଭୋଜନ ସମୟରେ, ସିଟିଗ୍ରୁପ୍ ବ୍ୟାଙ୍କର୍ ଅଜୟ ତାଙ୍କ ସାଲାଡରେ ମାଇକ୍ରୋଗ୍ରିନ୍ ସଜ୍ଜିତ ହୋଇଥିବା ଦେଖି ଆଶ୍ଚର୍ଯ୍ୟ ହୋଇଗଲେ । କୌତୁହଳର କାରଣରୁ ସେ ମାଇକ୍ରୋଗ୍ରୀନ ବିଷୟରେ ଗବେଷଣା ଆରମ୍ଭ କଲେ । ପନିପରିବା, ଶସ୍ୟ, ଏବଂ ହଳଦୀ ଆଦି ମାଇକ୍ରୋଗ୍ରୀନ ବୋଲି ସେ ଜାଣିବାକୁ ପାଇଲେ। ବିହନ ଗଜା ହେବାର ପ୍ରାରମ୍ଭିକ ପର୍ଯ୍ୟାୟରେ ଏଗୁଡିକ ଅମଳ କରାଯାଏ ।
Also Read
ତିନି ବର୍ଷ ପରେ, ଡିସେମ୍ବର ୨୦୨୦ରେ ଅଜୟ ଚାକିରିରୁ ଇସ୍ତଫା ଦେଇଥିଲେ। ସେ କୋଚିରେ ଥିବା ନିଜ ଘରକୁ ଫେରି ୬୪ ବର୍ଗଫୁଟ କୋଠରୀରେ ଜୈବ ମାଇକ୍ରୋଗ୍ରୀନ ଚାଷ ଆରମ୍ଭ କଲେ। ସେ ଜିମ୍, ଡାକ୍ତରଖାନା, ହୋଟେଲ ଏବଂ ଖୁଚୁରା କ୍ରେତାଙ୍କୁ ନିଜର ଗ୍ରାହକ ବୋଲି ବାଛିନେଲେ। କେବଳ ଏତିକି ନୁହେଁ, ଅଜୟ ମଧ୍ୟ ଭାରତରେ କୃଷକମାନଙ୍କୁ ତାଲିମ ଦେଇ ଇନଡୋର ଫାର୍ମିଂ ୟୁନିଟ୍ ପ୍ରତିଷ୍ଠା କରି ମଧ୍ୟ ରୋଜଗାର କରନ୍ତି। ସେ 'ଗ୍ରୋ ଗ୍ରୀନ୍ସ'କୁ ଏର୍ନାକୁଲମରେ ଏକ କାର୍ଯ୍ୟାଳୟ ସହିତ ପଞ୍ଜୀକୃତ କରିଥିଲେ ।
ଅଧିକ ପଢ଼ନ୍ତୁ: A Bond Of Love: ମାଲିକର ମୃତ୍ୟୁକୁ ବିଶ୍ୱାସ କରିପାରୁନି ପୋଷା କୁକୁର; ବରଫ ଉପରେ ସେମିତି ବସିଛି
କେରଳର ଏକ ଛୋଟ ଗାଁ ଅମ୍ବାଲାପୁଝାରୁ ଆସିଥିବା ଅଜୟ ଗାଁରେ ତାଙ୍କର ପ୍ରାଥମିକ ଶିକ୍ଷା ସମାପ୍ତ କରିଥିଲେ। ଏହା ପରେ ସେ ହାଇସ୍କୁଲ ଏବଂ କଲେଜ ପାଇଁ ଥିରୁବନନ୍ତପୁରମ୍ ଯାଇଥିଲେ । ସେଠାରୁ ଗଣିତରେ ସ୍ନାତକ ହାସଲ କରିଥିଲେ। ଅଜୟ ୟୁଟ୍ୟୁବ୍ ଭିଡିଓ ଦେଖି ମାଇକ୍ରୋଗ୍ରିନ୍ ଚାଷ ବିଷୟରେ ଜାଣିଲେ । ଏହି ଚାଷ ପାଇଁ ସେ କେବଳ ଜୈବିକ ମଞ୍ଜି ବ୍ୟବହାର କରନ୍ତି। ବ୍ରିଟେନର ଜଣେ ବନ୍ଧୁଙ୍କଠାରୁ ମାଇକ୍ରୋଗ୍ରୀନ ବିଷୟରେ ସେ ସବିଶେଷ ତଥ୍ୟ ପାଇଥିଲେ।
ପନିପରିବା, ଶସ୍ୟ ଏବଂ ଔଷଧୀୟ ମଞ୍ଜିରୁ ମାଇକ୍ରୋଗ୍ରୀନଗୁଡିକ ଚାଷ କରାଯାଏ। ଏହି ପତ୍ରଗୁଡ଼ିକ ବିଭିନ୍ନ ଆକୃତି, ଗଠନ ଏବଂ ରଙ୍ଗର ଥାଏ । ମାଇକ୍ରୋଗ୍ରୀନ ପୋଷକ ତତ୍ତ୍ୱରେ ଭରପୂର ଥାଏ। ସେଗୁଡ଼ିକରେ ପ୍ରଚୁର ପରିମାଣର ପଲିଫେନୋଲ ଥାଏ । ଏହା ଆଣ୍ଟିଅକ୍ସିଡାଣ୍ଟର ଏକ କାଟାଗୋରୀ ଯାହା ହୃଦରୋଗକୁ ହ୍ରାସ କରିଥାଏ । ତେବେ ଫାଇଭ୍ ଷ୍ଟାର ହୋଟେଲରେ ଏହାକୁ ସାଲାଡରେ ବ୍ୟବହାର କରନ୍ତି । ସାଧାରଣ ଲୋକଟିଏ କିପରି ଏହାକୁ ସହଜରେ ଓ କମ୍ ମୂଲ୍ୟରେ ପାଇପାରିବ ସେନେଇ ଚିନ୍ତା କରିବା ପରେ ଏହି ଚାଷ ଆରମ୍ଭ କଲେ।
ସାଧାରଣ ମଧ୍ୟବିତ୍ତଙ୍କ ପାଇଁ ବ୍ୟବସାୟିକ ସ୍ତରରେ ମାଇକ୍ରୋଗ୍ରୀନ ଚାଷ ଆରମ୍ଭ କରିବାକୁ ସ୍ଥିର କଲେ । ଅଜୟ R&D, ନିର୍ମାଣ ସାମଗ୍ରୀ ଏବଂ ଜୈବ ମାଇକ୍ରୋଗ୍ରୀନ ମଞ୍ଜି କିଣିବା ପାଇଁ ପ୍ରାୟ ୫ ଲକ୍ଷ ଟଙ୍କା ସଞ୍ଚୟ କରିଥିଲେ। ସେ ବର୍ତ୍ତମାନ ଉତ୍ତରପ୍ରଦେଶ ଏବଂ ଶ୍ରୀନଗରର ଚାଷୀଙ୍କଠାରୁ ଜୈବିକ ବିହନ କିଣନ୍ତି। ୨୦୨୩-୨୪ ଆର୍ଥିକ ବର୍ଷରେ ତାଙ୍କର ବାର୍ଷିକ କାରବାର କାରବାର ୪୦ ଲକ୍ଷ ଟଙ୍କା ଥିଲା । ସେ ଚଳିତ ଆର୍ଥିକ ବର୍ଷରେ ୬୦ ଲକ୍ଷ ଟଙ୍କା ରୋଜଗାର ଲକ୍ଷ୍ୟ ରଖିଛନ୍ତି।
