କ୍ଷୀର ସହିତ ଖାଆନ୍ତୁ ଜିଲାପି, ମିଳିବ ଅନେକ ଫାଇଦା

ମିଠା ସାଧାରଣତଃ କିଛି ବିଶେଷ ଅବସରରେ ତିଆରି ହୋଇଥାଏ ଅଥବା ଘରକୁ ଅଣାଯାଇଥାଏ । କିନ୍ତୁ ଜିଲାପି ଏମିତି ଏକ ମିଠା ଯାହାର ମଜା ନେବାକୁ କୌଣସି ଅବସରକୁ ଅପେକ୍ଷା କରିବାକୁ ପଡ଼ିନଥାଏ। କିଏ ଜିଲାପି ସାଧା ଖାଇବାକୁ ପସନ୍ଦ କରେ ତ କିଏ କ୍ଷୀର ବା ଖିରା ସହ ତ ପୁଣି ଦହି ସହ ଖାଇବାକୁ ପସନ୍ଦ କରେ। ସକାଳେ ଜଳଖିଆରେ ଜିଲାପି ଖାଇଲେ ତାର ସ୍ୱାଦ ଦିନ ସାରା ରହିଥାଏ । ଏହା ସ୍ୱାସ୍ଥ୍ୟ ପାଇଁ ଲାଭଦାୟକ ବୋଲି କୁହାଯାଏ। କ୍ଷୀର ସହ ଜିଲାପିର କମ୍ବିନେସନ ଶରୀର ପାଇଁ ବହୁତ ଲାଭଦାୟକ ଅଟେ । କ୍ଷୀର ସହ ଜିଲାପି ଖାଇବାର କଣ କଣ ଲାଭ ରହିଛି  ଚାଲନ୍ତୁ ଜାଣିବା ।

• ଏହା ଷ୍ଟ୍ରେସ ହର୍ମୋନ କମ କରିବାରେ ସାହାଯ୍ୟ କରିଥାଏ। ଯାହାଫଳରେ ଅବସାଦରୁ ମୁକ୍ତି ମିଳିଥାଏ।
• ଏହା ଖାଇବା ଦ୍ୱାରା ଏକାଗ୍ରତା ବଢିଥାଏ ଓ ମୁଡ଼ ମଧ୍ୟ ଫ୍ରେଶ ହୋଇଯାଏ।
• ମାଇଗ୍ରେନ ଓ ଅଧା କପାଳୀ ଭଳି ମୁଣ୍ଡବିନ୍ଧା ସମସ୍ୟା ଦୂର କରିବାରେ ମଧ୍ୟ କ୍ଷୀର-ଜିଲାପିର କମ୍ବିନେସନ ବହୁତ ଲାଭକାରୀ।
• ବିଶେଷଜ୍ଞଙ୍କ ଅନୁଯାୟୀ ସକାଳେ ଜଳଖିଆରେ କ୍ଷୀର ସହ ଜିଲାପି ଖାଇଲେ ମୁଣ୍ଡବିନ୍ଧା ସମସ୍ୟା ଦୂର ହୋଇଥାଏ।
• କ୍ଷୀର ଓ ଜିଲାପିର କମ୍ବିନେସନ ଓଜନ ବଢାଇବାରେ ମଧ୍ୟ ସାହାଯ୍ୟ କରିଥାଏ।
• ଜିଲାପିରେ ବହୁ ମାତ୍ରାରେ କ୍ୟାଲୋରୀ ରହିଛି। ଯାହାଫଳରେ ଜିଲାପି ଖାଇବା ଦ୍ୱାରା ଓଜନ ବଢିଥାଏ । 
• ଯେଉଁମାନେ ବହୁତ ପତଳା ଓ ଓଜନ ବଢାଇବାକୁ ଚାହୁଁଛନ୍ତି ସେମାନେ ସକାଳେ ଜଳଖିଆ ସମୟରେ ଗୋଟିଏ ଗ୍ଲାସ କ୍ଷୀର ସହ ଜିଲାପି ଖାଇପାରିବେ।
• ଥଣ୍ଡା ଯୋଗୁଁ ନିଶ୍ୱାସ ନେବାରେ ଅସୁବିଧା ହୋଇଥାଏ। କ୍ଷୀର ଜିଲାପି ଏହି ସମସ୍ୟା ଦୂର କରିବାରେ ମଧ୍ୟ ସାହାଯ୍ୟ କରିଥାଏ।
• ଏଥିପାଇଁ ପ୍ରତିଦିନ ଗୋଟିଏ ଜିଲାପି ଗରମ କ୍ଷୀରରେ ବୁଡାଇ ଖାଇପାରିବେ।

Milk and Jalebi