• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Rajalaxmi Sahoo

News Highlights

  • ଜାଣନ୍ତୁ ଅଣ୍ଡା ଚୋପା କେତେ ଉପକାରୀ

ପ୍ରୋଟିନରେ ଭରପୁର ଅଣ୍ଡା ସ୍ୱାସ୍ଥ୍ୟ ପାଇଁ ଅତି ଲାଭଦାୟକ ବୋଲି କୁହାଯାଏ। କିନ୍ତୁ ଆମେ ଏହି ଅଣ୍ଡାର ଚୋପାକୁ ଫିଙ୍ଗି ଦେଇଥାଉ, କାରଣ ଆମେ ଏହାକୁ ଅଳିଆ ବୋଲି ଭାବୁଥାଏ । କିନ୍ତୁ କ’ଣ ଆପଣ ଜାଣିଛନ୍ତି ଯେଉଁ ଅଣ୍ଡା ଚୋପାକୁ ଆପଣ ଫୋପାଡି ଦେଉଛନ୍ତି ଏହା ଆପଣଙ୍କର ଦୈନନ୍ଦିନ ଜୀବନର କିଛି ସମସ୍ୟାକୁ ଦୂର କରିଥାଏ । ଅଣ୍ଡାର ଚୋପା ଆମ ଦୈନନ୍ଦିନ ଜୀବନରେ ଅନେକ କାମରେ ଆସିଥାଏ । ତେବେ ଏହାକୁ ବହୁତ କମ୍ ଲୋକେ ଜାଣିଥିବା । ତେବେ ଚାଲନ୍ତୁ ଜାଣିବା ଅଣ୍ଡା ଚୋପା କେତେ ଉପକାରୀ ।

  • ଅଧିକ ଅସନା ଓ କଳା ହୋଇଯାଇଥିବା ବାସନକୁ ଅଣ୍ଡା ଚୋପା ଦ୍ୱାରା ଖୁବ୍ ସହଜରେ ସଫା କରାଯାଇଥାଏ ।
  • ଆପଣ ଯେକୌଣସି ବାସନ ମଜା ଲିକ୍ୱିଡ୍‌ ବ୍ୟବହାର କରୁଛନ୍ତି ସେଥିରେ କିଛି ପରିମାଣରେ ଅଣ୍ଡା ଚୋପା ଗୁଣ୍ଡ ପକାନ୍ତୁ ଏବଂ ଭଲ ଭାବରେ ମିଶାଇ ନିଅନ୍ତୁ । ଏହି ମିଶ୍ରଣରେ ଆପଣ ତେଲଯୁକ୍ତ ଓ କଳା ବାସନକୁ ମାଜିବା ଦ୍ୱାରା ସଫା ହୋଇଯାଇଥାଏ ।
  • ଅଣ୍ଡା ଚୋପାର ବ୍ୟବହାର ତ୍ଵଚା ସମ୍ବନ୍ଧିତ ସମସ୍ୟା ପାଇଁ ମଧ୍ୟ କରାଯାଇଥାଏ । ବିଶେଷଜ୍ଞଙ୍କ ମତରେ ଅଣ୍ଡା ଚୋପା ତ୍ଵଚାରେ ବ୍ୟବହାର କରିବା ଦ୍ଵାରା ତ୍ଵଚାରେ ଚମକ ଆସିଥାଏ ।

ଅଧିକ ପଢ଼ନ୍ତୁ: ଫଳରେ ଲୁଣ ପକାଇ ଖାଉଛନ୍ତି କି? ହୋଇଯାଆନ୍ତୁ ସାବଧାନ୍

  • ପ୍ରଥମେ ଅଣ୍ଡା ଚୋପାକୁ ଖରାରେ ଭଲରେ ଶୁଖାଇ ଦିଅନ୍ତୁ ଏବଂ ଭଲରେ ଗୁଣ୍ଡକରି ନିଅନ୍ତୁ । ତାପରେ ଏଥିରେ କିଛି ଭିନେଗାର ମିଶାଇ ଏକ ପେଷ୍ଟ ପ୍ରସ୍ତୁତ କରନ୍ତୁ ଏହି ପେଷ୍ଟକୁ ତ୍ୱଚାରେ ଲଗାଇବା ଦ୍ୱାରା ତ୍ଵଚାର ବିଭିନ୍ନ ସମସ୍ୟା ଦୂର ହୋଇଥାଏ ।
  • ଅସନା ଲୁଗାପଟାକୁ ସଫା କରିବା ପାଇଁ ଅଣ୍ଡା ଚୋପାର ବ୍ୟବହାର କରାଯାଇଥାଏ । ଲୁଗାର ଚମକ ବଢ଼ାଇବାରେ ଅଣ୍ଡା ଚୋପା ସାହାଯ୍ୟ କରିଥାଏ ।
  • ଗୋଟିଏ ବାଲ୍ଟିରେ କିଛି ଅଣ୍ଡା ଚୋପାର ଗୁଣ୍ଡ ନେଇ ପକାନ୍ତୁ ,ପରେ ଏଥିରେ ପାଣି ଢ଼ାଳନ୍ତୁ ,ଏହାର ଚମକ ପାଇଁ ଲୁଗାକୁ ରାତିସାରା ସେହି ପାଣିରେ ବୁଡାଇ ରଖନ୍ତୁ । ସକାଳୁ ସେହି ଲୁଗାକୁ ସଫା କାରଣରୁ ଦେଖିବେ ଲୁଗାପଟାର ଚମକ ବଢିଯିବ ।
  • ଅଣ୍ଡା ଚୋପାକୁ ପରିବାପତ୍ର ନିକଟରେ ଓ ଅନ୍ୟ ଶସ୍ୟ ଜାତୀୟ ନିକଟରେ ରଖିବା ଦ୍ୱାରା ପୋକ ହୋଇନଥାଏ । 
  • ଘରୁ ଝିଟିପିଟିକୁ ବାହାର କରିବା ପାଇଁ ଅଣ୍ଡା ଚୋପାର ବ୍ୟବହାର କରାଯାଏ । ଯେଉଁ ସ୍ଥାନରେ ଝିଟିପିଟି ହେଉଛନ୍ତି ସେହି ସ୍ଥାନରେ ଅଣ୍ଡା ଚୋପା ଗୁଣ୍ଡ ଛିଞ୍ଚିବା ଦ୍ୱାରା ଝିଟିପିଟି ଦୂରେଇ ଯାଇ ଥାଆନ୍ତି ।