LIVE TV
ପିଠା ଖାଇବାକୁ ପ୍ରାୟତଃ ସମସ୍ତଙ୍କୁ ପସନ୍ଦ ଆସିଥାଏ । ସେଥିପାଇଁ ଆଜି ଆପଣଙ୍କ ପାଇଁ ନେଇ ଆସିଛୁ ଏକ ନିଆରା ପିଠା । ଆପଣ କେବେ ସାତପୁରୀ ପିଠା ଖାଇଛନ୍ତି କି ? ଆଜି ହିଁ ଘରେ ବନାନ୍ତୁ ଓଡିଶାର ପାରମ୍ପରିକ ପିଠା ‘ସାତପୁରୀ ପିଠା ‘ ।
Also Read
‘ସାତପୁରୀ ପଠା’ ବନେଇବା ପାଇଁ ଆବଶ୍ୟକ ସାମଗ୍ରୀ:
ମଇଦା,ନଡ଼ିଆ କୋରା,ଛେନା,ଗୋଲମରିଚ ଗୁଣ୍ଡ,ଗୁଜୁରାତି ଗୁଣ୍ଡ,କାଜୁ ଓ କିସମିସ୍ ,ଚିନି,ଅଳ୍ପ ଲୁଣ
ପ୍ରସ୍ତୁତି ପ୍ରଣାଳୀ:
- ପ୍ରଥମେ ନଡ଼ିଆ କୋରାରେ ଛେନା,ଗୋଲମରିଚ ଗୁଣ୍ଡ,ଗୁଜୁରାତି ଗୁଣ୍ଡ,କାଜୁ ଓ କିସମିସ୍ ପକାଇ ପୂର ପ୍ରସ୍ତୁତ କରନ୍ତୁ ।
- ଏହାପରେ ମଇଦାରେ ଲୁଣ ଓ ପାଣି ପକାଇ ଚକଟି ରଖନ୍ତୁ ।
- ଏହି ଚକଟାକୁ ଗୋଲ ଗୋଲ କରି ବଡ଼ ଓ ଛୋଟ ପୁରୀ ଆକାରରେ ବେଲି ଦିଅନ୍ତୁ ।
- ଏହାପରେ ଏକ ବଡ଼ ପୁରୀରେ କିଛି ପୁର ଦେଇ ତା ଉପରେ ଆଉ ଗୋଟେ ଛୋଟ ପୁରୀ ରଖନ୍ତୁ ।
- ଓ ପୁଣି ତା ଉପରେ କିଛି ପୁର ଦେଇ ଆଉ ଏକ ପୁରୀକୁ ରଖନ୍ତୁ ।
- ଏହିପରି ଭାବେ ପୁର ଦିଆ ପୁରୀକୁ ଛ ପରସ୍ତ କରନ୍ତୁ ।
- ଶେଷରେ ଏକ ବଡ଼ ପୁରୀକୁ ତା ଉପରେ ରଖି ଚାରିପଟୁ ଭଲ ଭାବେ ମୋଡ଼ି ଦିଅନ୍ତୁ ।
- ଏହାପରେ ଚୁଲିରେ କଡ଼େଇ ବସେଇ ସେଥିରେ ତେଲ ପକାନ୍ତୁ
- ତେଲ ଗରମ ହୋଇଗଲେ ସେଥିରେ ପିଠାକୁ ପକେଇ ଛାଣନ୍ତୁ ।
- ପିଠାର ୨ ପଟ ଅଳ୍ପ ବାଦାମୀ ରଙ୍ଗ ହୋଇ ଆସିଲେ ଏହାକୁ ଛାଣି ଏକ ପାତ୍ରକୁ କାଢି ଦିଅନ୍ତୁ ।
- ପିଠା ଥଣ୍ଡା ହୋଇଗଲେ ଏହାକୁ କାଟି ୨ ଫାଳ କରି ଗରମ ଗରମ ପରଷନ୍ତୁ ।
ଏବେ ପ୍ରସ୍ତୁତ ହୋଇଗଲା ସୁଆଦିଆ ‘ସାତପୁରୀ ପଠା’ । ଏହି ପିଠା ଓଡ଼ିଆ ଘରର ଏକ ପାରମ୍ପରିକ ପିଠା । ଏହି ପିଠାକୁ ପୂଜାପର୍ବାଣୀରେ ଘରେ ପ୍ରସ୍ତୁତ କରି ନିଜେ ଖାଆନ୍ତୁ ଓ ଘର ଲୋକଙ୍କୁ ପରଷନ୍ତୁ
